Lajmet

Mitrovicë 24 tetor 2023 rreth orës 11:50, në pikën doganore të Jarinjes, në një autobus të linjës  Beograd-Mitrovicë, është ushtruar kontroll i zakonshëm. Gjatë këtij kontrolli, oficerët doganor u janë drejtuar udhëtarëve nëse kanë diçka për të deklaruar.

Megjithatë, pas një kontrolli të detajuar të bagazhit dhe udhëtarëve, tek dy udhëtar është hasur në një sasi malli të pa deklaruar, i cili është identifikuar si produktet kozmetike. Ky mall është zbuluar gjatë kontrollit trupor të udhëtarit si dhe në bagazhe.

Mallrat janë konfiskuar derisa ka filluar procedura e kundërvajtës.  Vlera e mallrave të konfiskuara është  mbi 850 euro. 

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

Gjakovë 27 shtator 2023 Njësitë Antikontrabandë të Doganës së Kosovës kanë organizuar një operacion që synon luftën kundër aktiviteteve të paligjshme dhe kontrabandës.

Në kuadër të këtij plani operativ, janë kontrolluar 6 subjekte të ndryshme në qytetin e Gjakovës dhe si rezultat i këtyre kontrolleve, janë gjetur dhe sekuestruar mallra të paligjshme, të cilat përfshijnë:

30 telefona celularë Samsung dhe iPhone
62 pajisje “Airpods”
280 copë parfumë me origjinë nga Serbia
29 pako qaj për dobësim
88 pako të ndryshme të stimulansëve seksual

Mallrat e zbuluara janë sekuestruar në përputhje me ligjin dhe rregulloret në fuqi. Në të njëjtën kohë, janë nisur procedurat e kundërvajtëse për personat përgjegjës. Dogana iu bën thirrje të gjithë qytetarët dhe subjekteve tregtare që të respektojnë rregullat dhe ligjet e zbatueshme në lidhje me tregtimin dhe importin e mallrave. Dogana e Kosovës është e vendosur të vazhdojë përpjekjet e saj për të ndaluar kontrabandën dhe të mbrojë interesat e tregtisë legjitime dhe të sigurojë që ligji të zbatohet në mënyrë të drejtë dhe të barabartë për të gjithë.

Prishtinë 26 shtator 2023,  Kosova përzgjidhet për herë të parë të marr pjesë në Programin për Zhvillimin e Karrierës në Organizatën Botërore të Doganave (OBD). Znj. Bleta Jajaga, përfaqësuese e Doganës së Kosovës, do të marrë pjesë në këtë program të rëndësishëm dhe do të përfaqësojë me krenari institucionin e doganës në nivel ndërkombëtar.

Kjo pjesëmarrje paraqet një moment të rëndësishëm për Doganën e Kosovës dhe një hap drejt profesionalizmit dhe zhvillimit të kapaciteteve në fushën e doganës.  Programi ka filluar zyrtarisht më datën 15 Shtator 2023, në bashkëpunim me Doganën Japoneze dhe ka për qëllim të përmirësojë kompetencat dhe njohuritë e zyrtarëve të doganave në nivele ndërkombëtare. Në këtë program, dhjetë zyrtarë të doganave nga shtete të ndryshme anëtare të OBD-së, përfshirë Kosovën, do të marrin pjesë në selinë e OBD-së në Bruksel, Belgjikë, gjatë një periudhe prej 10 muajsh.

Sekretari i Përgjithshëm i OBD-së, Kunio Mikuriya, ka shprehur gëzimin e tij për pjesëmarrjen e suksesshme të kandidatëve në programin CDP dhe ka shprehur pritshmërinë e tij që ata do të rrisin njohuritë e tyre, do të zhvillojnë aftësitë e tyre, do të fitojnë përvojë pune ndërkombëtare dhe do të pasurojnë rrjetet e tyre profesionale. Ai po ashtu uroi pjesëmarrësit në këtë program të rëndësishëm.

Si anëtare e OBD-së, Dogana e Kosovës është e vendosur të marrë pjesë aktive në avancimin dhe nxitjen e bashkëpunimit profesional doganor me administratat e tjera anëtare. Programi i Zhvillimit të Karrierës (CDP) është një hap i rëndësishëm drejt profesionalizmit dhe zhvillimit të kapaciteteve të zyrtarëve të doganës, dhe tregon përkushtimin e Doganës së Kosovës për të ofruar shërbime më cilësore dhe efikase.

Programit për Zhvillimin e Karrierës u lansua nga ODB në bashkëpunim me Doganat e Japonisë në vitin 2009. Ai ofron një mundësi unike për kandidatët e përzgjedhur nga administratat doganore për të punuar në Sekretariatin e OBD në një gamë të gjerë fushash teknike. Deri më tani në program kanë marrë pjesë mbi 125 zyrtarë nga 78 administrata doganore.

Ferizaj  27 shtator 2023 Sot njësit e Doganës kanë organizuar një operacion të suksesshëm në qytetin e Ferizajt si kanë arritur të parandalojnë futjen e armëve të ftohta përmes pikë-kalimit kufitar të Merdares.

Gjatë këtij operacioni të oficerëve doganor kanë inspektuar dhe kontrolluar me kujdes 6 subjekte të ndryshme. Rezultati i këtij kontrolli është zbulimi dhe konfiskimi i 39 telefona celularë, duke përfshirë modele të njohura të markave Samsung dhe iPhone. Sasia e telefonave celularë është sekuestruar në përputhje me ligjin dhe procedurat në fuqi. Gjithashtu, procedurat kundërvajtese janë inicuar kundrejt palëve përgjegjëse për këtë aktivitet.

Derisa në pikë kalimin kufitar të Merdares gjatë kontrolleve nga ana e njësisë K9 të Doganës së Kosovës tek një shtetas i Serbisë janë gjetur armë të ftohta (thika 3 copë) të fshehura brenda makinës së tij, te cilat janë konfiskuar, derisa rasti është përcjell tek Policia e Kosovës.   

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

Prishtinë 21 shtator 2023 Drejtori i Përgjithshëm zt. Llugaliu kishte nderin të pret në një takim produktiv Ambasadorin e Suedisë në Prishtinë, Shkelqesine e tij zt. Jonas WESTERLUND

Diskutimet u fokusuan në avancimin e interesave ekonomike të Republikës së Kosovës dhe Suedisë. Në takim u eksploruan mënyra për të thelluar bashkëpunimin në mes vendeve tona, duke nxitur lidhje më të forta midis kompanive për të shfrytëzuar potencialin e plotë të të dy vendeve.

Të dyja palët shohin mundësi të mëdha në sektorë të ndryshëm që premtojnë përfitime të konsiderueshme ekonomike.  Drejtori Llugaliu e siguroi ambasadorin Westerlund se Dogana e Kosovës është plotësisht e përkushtuar për të lehtësuar dhe mbështetur këtë shkëmbim me të gjitha burimet në dispozicion.

Ambasadori Westerlund theksoi rëndësinë e planifikimit konkret për këtë bashkëpunim dhe theksoi angazhimin e palëkundur të ambasadës për forcimin e lidhjeve ekonomike midis vendeve tona, duke krijuar sinergji që nxisin rritjen e shkëmbimeve. 

Drejtori Llugaliu dhe Ambasadori Westerlund u pajtuan për të punuar drejt prosperitetit të ndërsjellë!

Prishtinë 20 shtator 2023,  Njësitë Antikontrabandë të Doganës të Kosovës vazhdojnë të kryejnë kontrolla nëpër territorin e vendit për të parandaluar veprimtarinë e kontrabandës. Gjatë një operacioni janë kryer kontrolle në tre lokacione të ndryshme, me pika thelbësore në Xërxe/Rahovec dhe dy në Carallukë/Malishevë.

Njësitë e Doganës të Kosovës kanë identifikuar dhe kryer kontrollin e automjeteve me targa të huaja, si dhe kanë gjetur auto pjesë pa dokumentacionin e nevojshëm që dëshmon se automjetet nuk janë te zhdoganuara. Si rezultat të këtyre kontrolleve, janë zbuluar dhe sekuestruar 30 automjete të pa-zhdoganuara, si dhe pjesë të automjeteve të paligjshme në këto tri lokacione.  Në përputhje me procedurat ligjore, është filluar procesi i kundërvajtjeve.

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

Prishtinë 15 shtator 2023,  njësitë e Doganës gjatë kësaj jave kanë realizuar kontrolle dhe kanë arritur të parandalojnë kontrabandën e mallrave. Gjithsejtë janë parandaluar 14 raste të tentim kontrabandës, në dy raste të ndara janë zbuluar mallra te ndaluara, armë dhe substanca narkotike (ekstazi). Gjithashtu në terminalet doganore gjatë zhdoganimit të mallrave janë gjetur (parandaluar) 7 raste të mos-deklarimit të saktë, respektivisht tentime për të shmangur pagesat e taksave.

Një pasqyrë e rasteve si në vijim: 

Kontrolli i autobusit: Në fillim të javës, njësitet e antikontrabandës kanë parandaluar tentativën e futjes së mallrave të paligjshme përmes një autobusi. Ky aksion ka vazhduar edhe në lokacionin e importuesit, ku janë zbuluar dhe sekuestruar mallra të paligjshme.

Zbulimi i armëve dhe substancave stimuluese seksuale: Gjatë kontrollit në rajonin e Ferizajit te një subjekt tregtar, është zbuluar një armë ilegale. Po ashtu, në kontrollin e disa subjekteve në rajonin e Prishtinës janë zbuluar edhe sekuestruar 40,000 euro në mallra, përfshirë stimulues seksual.

Kontrolli i subjekteve të ndryshme: Aksionet kanë vazhduar në disa rajone të Kosovës, duke përfshirë Prishtinën, Gjilanin, Podujevën dhe Prizrenin, ku janë kontrolluar subjekte të ndryshme dhe janë zbuluar mallra të huaja pa dokumentacionin e nevojshëm për t’i zhdoganuar. Në Prizren, gjatë një kontrolli në një subjekt që merret me shitjen e telefonave, janë gjetur 19 telefona pa dokumentacionin e duhur.

Kontrolli në terminalet doganore: Kontrolli i realizuar në terminalet e brendshme doganore ka zbuluar 7 raste të mos-deklarimit të saktë të mallrave. Në një prej rasteve, është vënë në dukje një permutacion i mallrave për të shmangur pagesat e taksave importuese. Gjithashtu, janë zbuluar raste të mallrave të përziera nga Turqia dhe nga India, ku 3 prej tyre janë dyshuar për shkelje të ligjit mbi pronësinë intelektuale dhe janë dërguar për verifikim.

Substanca narkotike: Sot, gjatë një kontrolli të pakove në postën doganore, janë gjetur 197 pilula narkotike të llojit ekstazi si dhe një qese me përmbajtje 37% THC, të cilat janë dorëzuar tek policia e Kosovës për hetim dhe veprime të mëtejshme.Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

Prishtinë 14 shtator 2023,  Pas parandalimit të tentativës së kontrabandës së auto pjesëve dhe instrumenteve tabelorë në pikë kalimin kufitar të Vërmicës me datën 11 shtator 2023, njësitë e Doganës kanë vijuar hetime për të ndalur veprimtarinë e paligjshme të kësaj natyre.

Si rezultat i hetimeve është arritur të lokalizohet objekti ku këto pjesë të makinave tregtoheshin në mënyrë të padeklaruar. Pas identifikimit të lokacionit është bërë edhe bastisja e këtij lokacion në Fushë Kosovë. Në objekt janë gjetur pjese  rezervë, ulëse dhe pjese të tjera të enterierit të veturave. Personat përgjegjës nuk ka pasur dokumentacion përkatës dhe dyshohet se është i kontrabanduar në territorin e Republikës së Kosovës. Vlera e mallit të konfiskuar llogaritet të jetë rreth 10,000 Euro. Gjithashtu lidhur me ketë rast është njoftuar edhe Prokuroria Themelore në Prishtinë. Ky sukses i Doganës së Kosovës dëshmon një herë tjetër përkushtimin në luftën kundër kontrabandës dhe aktivitete ilegale.

Linku për rastin e mëhershëm: https://dogana.rks-gov.net/parandalohet-kontrabanda-ne-vermice/

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

Ferizaj 12 shtator 2023, kontrollet e vazhdueshme të njësive të Doganës për të luftuar kontrabandën dhe veprave e paligjshme në territorin e Republikës së Kosovës kanë rezultuar me gjetjen e mallrave të kontrabanduara tek një subjekt gjatë kontrollit të ushtruar.

Pas sigurimit të informatave përmes rrugëve operative, njësitë e antikontrabandës kanë organizuar një kontroll tek një subjekt në Ferizaj. Kontrolli ka gjetur sasi të konsiderueshme të produkteve si çajit për dobësim dhe preparateve të tjera stimuluese, të cilat dyshohet se janë kontrabanduar në territorin e Republikës së Kosovës.  Gjatë kontrollit është zbuluar edhe një armë zjarri, e cila nuk kishte dokumentacion dhe leje të nevojshme për mbajtjen dhe posedimin e saj. Duke qenë kjo një vepër penale, arma menjëherë është dorëzuar te Policia e Kosovës.

Mallrat janë sekuestruar nga njësitë antikontrabandë të Doganës së Kosovës. Procedurat e nevojshme janë nisur për të vijuar hetimet në lidhje me ngjarjen dhe subjektin përgjegjës.

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi

Prishtinë 12 shtator 2023, Njësitet e Doganës së Kosovës kanë kryer kontrolla pa paralajmërim tek 5 subjekte dhe sekuestrojnë 40.000 euro vlerë të mallrave.

Në kuadër të luftës kundër kontrabandës së mallrave që kanë potencial të rrezikshëm për shëndetin publik, njësitë antikontrabandë të Doganës së Kosovës kanë kryer kontrolle të paparalajmëruara në Prishtinë tek 5 subjekte të cilat ishin nën dyshimin për përdorim dhe transportin e mallrave të kontrabanduara.

Njesitë antikontrabandë kanë identifikuar dhe sekuestruar një sasi të konsiderueshme të medikamenteve të ndryshme, respektivisht stimulues seksual, me një vlerë prej rreth 40,000.00 Euro. Një pjesë e këtyre mallrave kishin afat të skaduar.  Në përputhje me procedurat e ligjore, janë inicuar procedurat kundërvajtese kundër palëve të përfshira në këtë veprimtari të paligjshme.

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

Vërmicë 11 shtator2023, Sot gjatë kontrolleve rutinore në vijën e dytë të qarkullimit, njësitë e antikontrabandës në Vermicë kanë ndaluar për kontroll një autobus që operonte në linjën Tiranë – Prishtinë. Kontrolli ka zbuluar sasi të konsiderueshme të mallit të padeklaruar.

Gjatë kontrollës së autobusit, është identifikuar sasi e konsiderueshme e auto-pjesëve dhe instrumentave tabelorë, me një vlerë të përgjithshme prej 6,000.00 Euro. Të gjitha këto mallra ishin të pa dokumentuara dhe të padeklaruara në momentin e hyrjes në territorin e Republikës së Kosovës. Mallrat e padeklaruar dhe pa dokumentacion janë sekuestruar menjëherë. Njëkohësisht, janë nisur procedurat kundërvajtëse kundër subjektit.

Njësitë e Doganës vazhdojnë të angazhohen  në mbrojtjen e kufijve të Republikës së Kosovës dhe luftën kundër veprimeve të paligjshme të transportit të mallrave dhe produkteve të padeklaruara.

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

Prishtinë 8 shtator2023, sot në një ceremoni të organizuar në Doganën e Kosovës u shënua 24 vjetori i themelimit të Doganës. Themelimi i Doganës së Kosovës ishte një hap i rëndësishëm drejt pavarësisë dhe funksionalitetit të plotë të Kosovës.

Ky 24 vjetor shënon një periudhë të rëndësishme në historinë e Kosovës, me zhvillime të mëdha ekonomike që kanë ndikuar në jetën e qytetarëve të saj. Dogana e Kosovës ka luajtur një rol kyç në mbrojtjen e kufijve të saj, si dhe në sigurimin e të hyrave për buxhetin e shtetit.

Në këto 24 vite, Dogana e Kosovës ka zhvilluar një punë të vazhdueshme për të përmirësuar administratën doganore, për të ndihmuar në promovimin e tregtisë ndërkombëtare dhe për të forcuar bashkëpunimin me organizatat ndërkombëtare dhe partnerët rajonalë. Një fokus i veçantë është vendosur në përmirësimin e transparencës dhe luftën kundër korrupsionit dhe kontrabandës.

Sot, Kosova është pjesë e shumë marrëveshjeve ndërkombëtare të tregtisë dhe është në rrugë drejt integrimit në strukturat evropiane. Dogana e Kosovës do të luajë një rol të rëndësishëm në këtë proces dhe në sigurimin e zbatimit të standardeve të tregtisë ndërkombëtare. Ky është një moment për të nderuar punën dhe përkushtimin e të gjithë atyre që kanë kontribuar në zhvillimin e institucionit doganor dhe të Kosovës në përgjithësi. Dogana e Kosovës është një shembull i suksesit të mundësuar përmes punës dhe përkushtimit të shumë njerëzve, dhe ne duhet të vazhdojmë të kujdesemi dhe të profesionalizohemi  për të siguruar një të ardhme më të mirë për të gjithë qytetarët e Kosovës.