Lajmet

Prishtinë 27/11/2013. – Sot në drejtorinë e Doganës në Prishtinë, drejtori i përgjithshëm z. Lulzim Rafuna, ka mbajtur një konferencë për shtyp, ku ka prezantuar të arriturat e Doganës së Kosovës në mbledhjen  e taksave të akcizës në lojërat e fatit, si dhe ka prezantuar  aktivitetet  e doganës në luftën kundër korrupsionit.

Fillimisht z. Rafuna ka përgëzuar oficeret doganorë në përkushtimin maksimal në punë, njëheri ka prezantuar aktivitetet e përgjithshme të sektorit të lojërave te fatit. Vetëm gjatë periudhës raportuese deri në muajin tetor taksat e inkasuara nga lojërat e fatit kanë arritur në 11.067.924.83€  ku ka një rritje prej 17.34% në krahasim me vitin e kaluar.

Po ashtu gjatë kësaj periudhe Dogana e Kosovës, me qëllim të luftimit të informalitetit në këtë industri ka konfiskuar 1173 copë aparate, ka mbyllur 44 pika basti, ka asgjësuar 449 copë aparate, si dhe janë penalizuar 37 raste të shkeljeve të ndryshme doganore. Gjithashtu janë iniciuar gjoba administrative në 59 raste,  ku vlera e gjobave të lëshuara është 115.000€, janë revokuar licencat e 10 kompanive. Në këtë industri dogana përveç asaj që ka arritur të rris të hyrat për 17% të nga akciza në lojërat të fatit në tre muajt e fundit ka inkasuar 100%, çka do të thotë që këta 3 muajt e fundit asnje kompani nuk posedon borxhe në Doganën e Kosovës sa i përket akcizës në lojëra të fatit.

Drejtori i përgjithshëm gjithashtu theksojë përpjekjet dhe punën e Doganës në fushën e antikorrupsioni, ku theksojë se është bërë përparim i madh.  Është inkurajues se kohëve të fundit  ka një rritje të besueshmërisë së qytetarëve të Kosovës në punën e Doganes ku gjatë tre muajve të fundit janë mbi 300 raste te thirrjeve ne telefonin qe funksionin 24 orë, gjithashtu shfrytëzojë rastin që  ti ftoj të gjithë qytetarët e Republikës së Kosovës që të  ndihmojë në luftimin e korrupsionin, sepse asnjë oficer Doganor nuk e gëzon të drejtën që ndonjërit prej qytetareve të Kosovës ti kërkojë shpërblim për shërbimet të cilat ka obligim ligjor ti kryejë. Lusim gjithë qytetarët e Republikës së Kosovës që të gjitha rastet e dyshimta ti paraqesin dhe ashtu të ndihmojnë që ta zhvillojmë Doganën dhe ta eliminojmë dukurinë e korrupsionit.

Drejtori i përgjithshëm theksojë se Dogana e Kosovës zhvillon aktivitetin e vet kundër korrupsioni përmes njësive të specializuara. Në këtë kontekst dogana obligon që secili oficer doganor të deklarojë të gjithë pasurinë e cila vazhdimisht kontrollohet nga njësit për ndryshimet eventuale, gjithashtu oficerët doganor janë të obliguar që të deklarojnë konfliktit të interesit (për herë të parë në Kosovë është zbatuar kjo praktikë) ashtu që menaxhmenti të ketë një pasqyrë të qartë se nëse ndonjë oficerë ka konflikt potencial interesi dhe përmes inspektimeve të vazhdueshme në terren vërtetohen të dhënat e prezantuara si dhe puna e oficerëve doganor.  Dogana ka ndërmarrë masa kundrejt 38 oficerëve doganor për shkelje të ndryshme si dhe të gjitha rastet janë duke u trajtuar. Në fund të konferencës z. Rafuna Bëri një apel tek të gjithë importuesve që të na ndihmojnë që të luftojmë kontrabandën dhe evazionin fiskal dhe nepermjet komunikimeve te ndryshme që I kemi te na informojnë për çdo dukuri për të cilën ata e vërejnë që është e dëmshme për biznesin e tyre dhe është e dëmshme për buxhetin e shtetit. 

Prishtinë 21 nëntor 2013, Dogana e Kosovës zbulon  një rast me derivate të naftës,  në tentim mashtrimi me qëllim të shmangies së taksave doganore përmes ndryshimit të Kodit tarifor.

Një kompani (importues) Kosovare ka paraqitur në Degën Doganore Podujevë për zhdoganim derivatet e naftës  duke e deklaruar si lëndë djegëse mazut në sasi rreth 25 mije litra.

Oficerët Doganor pas pranimit të deklaratës kanë vërejtur se përmbajtja e sulfurit  është 1.34%, gjë e cila ka ngritur edhe
dyshime se përmbajtja e deklaruar (mazut) nuk përputhet me gjendjen faktike të mallrave në autobotë.

Për këtë arsye kjo maunë është ndalur në terminalin e Podujevës ku dhe  janë marr mostrat  të cilat janë dërguar në laboratorin Doganor, dhe pas analizave të bëra është vërtetuar se malli i deklaruar si mazut, në fakt klasifikohet në kod tjetër tarifor që duhet ti nënshtrohet taksës së akcizës. Prandaj kompania në fjalë ka tentuar ti shmanget pagesës së taksës së akcizës me vlerë mbi 10mije euro.

Në bazë të Kodit Doganor të Kosovës, neni  276 kjo kompani ka bërë kundërvajtje Doganore duke tentuar ti shmanget taksave Doganore.

Priština, 18 novembar 2013 – Carina Kosova tokom ovog vikenda sprecila nekoliko pokušaja krijumcarenja robe.   U regionu Mitrovice, Carina Kosova je sprovela operaciju, koja je uspešno dovela u sprecavanju krijumcarenja razne robe.

Tokom pretresa u jednoj od lokacija, carinici su naišli na znatnu kolicinu razlicite robe, poput: gazirana pica, higijenske potrepštine, itd. Vlasnik nije posedovao nikakvu
dokumentaciju o robi, a postoji osnovana sumnja da su krijumcarena roba. Otkrivena roba odmah je oduzeta i protiv vlasnika pokrenut je carinski prekršajni postupak.  

Još jedan slucaj pokušaja krijumcarenja otkriven je na regionu Kamenice. Nakon zauatavljanja za pregled vozila, carinici su otkrili komercijalnu robu doneta iz Srbije neodobrenim  putevima, u cilju izbegavanja dažbina. Kolicina otkrivene robe odmah je oduzeta, a protiv
stranke pokrenut je administrativna kazna.

Na medunarodnom aerodromu u Prištini, carinici su sprecili dva slucaja zabranjene robe. Prilikom pregleda putnika na odlasku, nakon prelaza kroz skener, u jednom koferu su primetili neke sumnjive predmete. Nakon otvaranja kofera, carinici su naišli na 3 zabranjena oružja elektrošok. Slucaj je predat Policiji Kosova za dalji postupak. Drugi slucaj je otkriven na dolasku. Nakon zaustavljnja za pregled jednog putnika, carinici su otkrili znacajnu kolicinu noževa. U ovom slucaju navedeno lice je pocinio carinski prekršaj i protiv njega je pokrenut
carinski prekršaj.

Na granicnom prelazu Vrbnica, na ulazu, carinici su selektirali jedno vozilo za detaljni pregled. Tokom pregleda u prtljažniku vozila carinici su
naišli na paket, za koji su sumnnjali da je droga. Nakon toga stranka je podvrgnut telesnoj kontroli i tom prilikom je pronašli jedan paket, takode sa narkoticnim supstancima, ali ne u velikim kolicinama. Slucaj je predat Granicne policije za dalji postupak.  

Prishtinë 18 nëntor 2013, – Dogana e Kosovës gjatë këtij vikendi ka parandaluar një mori rastesh të tentim kontrabandimi.

Në rajonin e Mitrovicës Dogana e Kosovës ka zhvilluar një operacion,  i cili ka rezultuar me sukses në parandalimin
e kontrabandimit me mallra të ndryshme. Gjatë kontrollit në  njërin prej lokacioneve Oficerët Doganor kanë hasur në sasi të konsiderueshme të mallrave të ndryshme si: pije të gazuara,  produkte higjienike etj. Pronari nuk posedonte asnjë dokumentacion mbi mallin, dhe për të cilin ekziston dyshimi i bazuar se është mall i kontrabanduar. Sasia e mallit të zbuluar menjëherë është konfiskuar, si dhe ndaj pronarit është incizuar proces për kundërvajtje Doganore.  

Një rast tjetër në tentim kontrabandimi është zbuluar në rajonin e Kamenicës. Pas ndaljes për kontroll të një automjeti, Oficerët Doganor kanë zbuluar mallra komerciale të sjellura nga Serbia rrugëve te paautorizuara nga Dogana, me qellim të shmangieve të taksave. Sasia e mallit të zbuluar menjëherë është konfiskuar, si dhe ndaj palës është iniciuar gjobë administrative.

Në aeroportin ndërkombëtarë të Prishtinës, Oficerët Doganor kanë parandaluar dy raste me mallra të ndaluara.  Gjatë kontrollit në nisje të udhëtarëve, pas kalimit përmes skanerit, në një valixhe Oficerët Doganor kanë vërejtur disa objekte të dyshimta. Pas hapjes së valixhes Oficeret kanë hasur në 3 copë armë të ndaluara elektroshok. Rasti komplet i është dorëzuar Policisë së Kosovës për procedurë të mëtutjeshme. Një rast tjetër është zbuluar në arritje, pas ndaljes për kontroll të një udhëtari, Oficerët Doganor kanë zbuluar sasi të konsiderueshme të thikave. Me këtë rast personi në fjalë
ka bërë kundërvajtje Doganore, si dhe ndaj tij është iniciuar kundërvajtje Doganore.

Në pikë kalimin Kufitar të Vërmicës, në hyrje është selektuar një automjet për kontroll detale. Gjatë kontrollit në bagazh të automjetit Oficerët Doganor kanë hasur në një pako, qe dyshohej të jetë narkotik. Më pas pala i është nënshtruar edhe
kontrollit trupor, me ç’rast është gjetur edhe një pako po ashtu me substancë narkotike, në sasi jo të madhe.  Rasti i është referuar Policisë Kufitare për procedurë të mëtutjeshme.

Prishtinë, sot në drejtorin e Doganës së Kosovës u mbajt konferenca për shtyp lidhur me prezantimin e punës së grupeve të përbashkëta të angazhuara për luftimin e kontrabandës. Rezultatet e paraqitura tregojnë për suksese në luftimin e kësaj dukurie duke parandaluar deri tani afër 50 raste dhe kane kapur mallra me vlerë rreth 60.000 euro.

Zt. Xhaka nga Dogana e Kosovës prezantojë raportin përmbledhës të muajit të parë të funksionimi të grupeve të përbashkëta me theks të veçan në  luftimin e kontrabandës dhe rritjen e inkasimeve të taksave për buxhetin e
Kosovës. Themelimi i grupit punues ka ndihmuar në veprimet më efikase në të gjitha drejtimet ligjore njëkohësisht, ashtu që të luftohet ekonomia joformale dhe të krijohet një ambient ligjor dhe i sigurtë.

Nga ana tjetër zt. Aruqaj nga policia e Kosovës theksoj se gjate kësaj periudhe ka arrestuar 24 persona te involvuar ne kontrabandim me mallra, 11 nga këta janë në paraburgim kurse pjesa tjetër janë liruar në procedura të rregullta gjyqësore. Gjithashtu vlen te theksohet se grupi punues është duke u përkrahur edhe nga Prokuroria e shtetit e cila është duke proceduar rastet në mënyrën më efikase si dhe me trajtim të veçantë.

Po ashtu edhe nga ana e  z. Asllani theksojë se grupin e përbashkët për parandalimin dhe luftimin e kontrabandës  – ATK është duke e mbështetur me 10 inspektor kontrolli nga regjione të ndryshme si dhe ekipe tjera të gatshme për veprim në rastet e zhvillimit të ndonjë aktiviteti – aksioni më të gjerë.

Me poshtë statistika mbi  mallrat e konfiskuara dhe ndaluara:

Prizren, –  Dogana e Kosovës në pikën doganore të Vërmicës ka arritur të parandalojë dy raste të tentim kontrabandimi me mallra të ndaluara. Në rastin e parë janë kapur gjatë tentim kalimit të kufirit mbi 6 kg substancë narkotike. Kurse në rastin e dytë oficerët doganor parandaluan kontrabandimin e municionit, ku tek një shtetas Kosovar u kapen mbi 600 fishek të kalibrit 7,62.

Në orët e pasditës Dogana dhe Policia kufitare kanë ndalur për kontrollë të përbashkët një veturë  me targa të Kosovës, në të
cilën udhëtoni dy shtetas të Kosovës. Gjatë kontrollit të ushtruar në automjetin e lartë përmendur, në brendësi të mbrojtësit të pasëm janë gjetur 9 pako substancë narkotike e cila dyshohet të jetë e llojit marihuanë. Pas matjeve është konfirmuar se sasia e përgjithshme ishte 6,8 kilogram. Personi i dyshuari është arrestuar nga ana e Policisë si dhe është konfiskuar automjeti.

Kurse, disa orë në vonë oficerët doganor gjatë kontrollës së përbashkët me Policinë Kufitare zbuluan një tentim kontrabandimi të municioni. Me të arritur në pikë-kalimin kufitar oficerët doganor kanë selektuar për kontroll detal një veturë me targa të Kosovës e cila drejtohej nga një shtetas kosovar. Gjatë kontrollit të automjetit, nën ulësen e pasme janë gjetur 4 (katër) shishe të plastikes, të mbushura me fishekë të kalibrit 7.62 mm, në sasi prej 681 copë. Personi është arrestuar nga ana e Policisë si dhe i tërë rasti i kalon policisë për hetime të mëtejme.

Prishtinë 7 Nëntor, Dogana e Kosovës ka vazhduar me aktivitet të shtuar luftimin e kontrabandës. Dje janë shënuar disa kundërvajtje doganore të fushave të ndryshme, duke filluar nga kontrabandimi klasik deri tek nënvlerësimi i mallrave.  Vlera e mallrave të konfiskuara është mbi 15.000 euro.

Njësitet e doganës në bashkëpunim me policinë dje kanë zbuluar tentim kontrabandimin e derivative nga Mitrovica veriore tek një pompë e derivateve në Shtime. Pas marrjes së informative operative njësit e doganës kanë bërë bllokimin e pompës ku edhe janë kapur gjatë procesit të zbrazjes së derivative të kontrabanduara.  Me të arritur ne vendngjarje te pompa e derivateve janë bllokuar dy furgona të cilët kishin të ndërtuara në brendi depo post fabrikant për transportin e derivateve. Sasia e kapur e derivateve ishte rreth 2000 litra, Dogana ka konfiskuar automjetet dhe derivatet si dhe ka iniciuar procedurën kundërvajtëse. Rasti ka vazhduar për hetime të mëtejme.  

Në një rast tjetër në pikëkalimi kufitar të  kufitar të Vërmicës, oficerët doganor kanë arritur të gjenim duhan në një furgon. Mbi 25 kg duhan i përpunuar ishte fshehur mbas ulëses se shoferit. Rasti në fjalë është proceduar për kundërvajtje si dhe duhani i është nënshtruar konfiskimit.

Kurse në terminalin doganor të Ferizajit oficerët doganor gjatë kontrollimit të mallrave të tekstilit me origjinë kineze kanë hasur në një nën-deklarim të vlerës së mallrave. Vlera e deklaruar e mallrave ishte afër 5000 dollar amerikan kurse pas kontrollimeve dogana ka vërejtur se vlera reale e mallrave ishte afër 15000 dollar. Me këtë rast kompania ka shkaktuar kundërvajtje doganore të sanksionuar me nenin 276 të Kodit doganor dhe akcizave të Kosovës.

Prishtinë 7 Nëntor 2013 – Dogana e Kosovës është duke e rritur kontrollin në lokalet e lojërave të fatit, me ç’rast ka
konfiskuar sasi të konsiderueshme të aparateve dhe ka rritur inkasimet nga taksa e akcizës për 14%.

Gjatë muajit Tetor Dogana e Kosovës në bashkëpunim me Policinë e Kosovës dhe Administratën Tatimore  të Kosovës, kanë realizuar me sukses kontrolle nëpër lokale të lojërave të fatit, duke përfshi tërë territorin e
Kosovës. Gjatë vizitave nëpër lokale të kësaj veprimtarie, janë konfiskuar  187 automate, 1 rulet, janë mbyllur 6 pika basti, kryesisht këto raste janë aparate që nuk ju dihet prejardhja, kanë të falsifikuar numrat serik, ka edhe të atilla që janë marr për mos pagesë të taksave, gjithashtu ka edhe raste kur aparatet janë konfiskuar tek personat
fizik të cilët i kanë përdorur pa licencë adekuate.

Kurse në aspektin e inkasimeve Dogana e Kosovë gjatë muajit Tetor kanë inkasuar të hyra në vlere prej 1.063.477.16€ , nëse e krahasojmë me të njejtën periudhë të vitit të kaluar kemi një rritje në masën e inkasimit prej 14.25 % .

Dogana e Kosovës  iu bën ftesë të gjithë operatorëve me lojëra fati që të përmbushin obligimet e tyre për licensimin dhe pagesën e obligimeve tatimore sepse në të kundërtën do të ballafaqohen me pasojat ligjore si gjoba, konfiskimin e aparateve dhe ndjekjen penale. Dogana e Kosovës në bashkëpunim me ATK-në dhe Policinë do të vazhdojnë kontrollet e të gjithë operatorëve të kësaj veprimtarie.

Prishtinë 5 nëntor 2013, Dogana e Kosovës dje ka zhvilluar një aksion në magjistralen Zubin Potok – Mitrovicë. Në orët e pasdites dy maune me targa të Serbisë kanë tentuar të futen ilegalisht, këto dy maune nuk kanë ndaluar që nga momenti i hyrjes në pikat kufitare në asnjërin terminal.

Dogana e Kosovës përmes njësive të saj operative ka vërejtur se maunat kanë devijuar rrugën dhe kanë vazhduar në magjistralen për në drejtim të Skenderaj. Njësit e anti-kontrabandës kanë reaguar duke arritur të ndalnin këto dy maune me dyshimin se nuk janë kryer obligimet Doganore dhe kanë tentuar të kontrabandohen.

Në të dy maunat janë gjetur 52 paleta me tjegulla 4 paleta me kulmarë. Kompania ka prezantuar fatura të blerjes së brendshme por që të cilat pas verifikimit nuk korrespondonin me gjendjen reale pasi është verifikuar se maunat në fjalë kanë hyrë në Kosovë përmes Pikë kalimit kufitar Bërnjak.

Njësitet e Doganës kanë konfiskuar mallrat, iniciuar procedurën kundërvajtje si dhe në këtë rast janë konfiskuar edhe maunet të cilat bartnin mallrat e kontrabanduara. Dogana e Kosovës ka filluar hetimet lidhur me këtë rast pas konsultimit me prokurorin e shtetit.

Prishtinë 1 Nëntor 2013 – Dogana e Kosovës në vazhdën e aksioneve për luftimin e mallrave ilegale në vend, ka zbuluar edhe disa raste me mallra komerciale në tentim kontrabandimi.

Në pikë kalimin kufitarë Kullë Oficerët Doganor gjatë patrullimit kanë ndalur një veturë me targa të Ulqinit për kontroll. Pasi që vozitësi kishte pohuar që nuk posedon asgjë për të deklaruar, oficerët Doganor kanë ushtruar kontroll detal në veturë, ku gjatë kontrollit në bagazhin e automjetit tek kutia e ndihmës së parë kane hasur në sasi të argjendit. Sasia e mallit të zbuluar është 1,305 gr, të gjitha këto produkte finale të argjendit si:vath, unaza, varëse.

Me këtë rast pala në fjalë ka bërë kundërvajtje doganore, dhe malli i është ndaluar deri në përfundim të procedurës së rregullt.

Gjatë kësaj periudhe oficerët Doganor  kanë realizuar disa aksione në Obiliq, në disa depo me mallra komerciale. Gjatë kontrollit në njërën nga depot, oficerët Doganor  kanë hasur në sasi të konsiderueshme të mallrave të ndryshme si pije energjike, pije të gazuara etj që konsiderohen të jenë të kontrabanduara. Ndërsa në një depo tjetër kanë zbuluar mallra higjienike, po ashtu në numër të konsiderueshëm, mallra këto që dyshohen të jenë  të kontrabanduara. Me këtë rast personat në fjalë kanë bërë kundërvajtje doganore, dhe tërë sasia e mallit të zbuluar është konfiskuar nga oficerët Doganor, si dhe ndaj palëve janë inicuar gjoba administrative.

Prishtinë 30 Tetor 2013 – Dogana e Kosovës vazhdon edhe më tutje me zbulime të mallrave ilegale në vend. Në Pikë Kalimin Kufitar të Vërmicës Oficerët Doganor kanë kapur dy raste të tentim kontrabandimit,  njërin me mjete monetare dhe një tjetër me telefona mobil me vlerë të lartë.

Në hyrje të Pikë Kalimit Kufitarë të Vërmicës, Oficerët Doganor kanë selektuar një automjet për kontrollë. Vozitësi dhe bashkë-udhëtari prezent në automjet kanë pohuar që nuk kanë asgjë për të deklaruar, me ç’rast oficerët doganor kanë filluar me kontroll rutinore të automjetit ku në pjesën e pasme të automjetit në mes të ulëseve kanë hasur në mjete monetare në shumë prej 41,000.00€. Pas kontrollit detal të automjetit, i është nënshtruar edhe kontroll trupore ndaj vozitësit dhe bashkë udhëtarit,
ku tek vozitësi janë gjetur mjete monetare të fshehura në shumë prej 29,000.00€ ndërsa tek bashkë udhëtari janë gjetur 10,000.00€ gjithashtu të padeklaruara,  në total janë zbuluar 80,000.00€. Me ketë rast palët në fjalë kanë bëre shkelje të ligjit duke mos deklaruar mjetet monetare në vlerë mbi 10,000.00€. Komfort ligjit: 04L-178.  me të cilin është ndryshuar dhe plotësuar Ligji Nr.03L-196 që ndërlidhet me shkeljet nga neni 29 personave të sipër cekur i konfiskohet shuma e mjeteve prej 25% e totalit të mjeteve të pa deklaruara, në ketë rast i konfiskohen 20.000,00 €. Me urdhër të prokurorit janë arrestuar dy personat tek të cilët është gjetur kjo sasi.    

Një rast tjetër, po ashtu në Pike Kalimin Kufitare në Vërmicë një automjet i tipit Golf VI me targa të Kosovës është selektuar për kontroll, më pas edhe ndaj personave prezent në automjet i është nënshtruar kontroll trupore. Gjatë kontrollit trupor ndaj
vozitësit të automjetit Oficerët Doganor kanë zbuluar telefona mobil të vlerave të larta. Gjate kontrollit më detal te automjetit janë zbuluar edhe disa fatura te mallit te zbuluar, bazuar ne këto fatura vlera e mallit arrin shumen prej 8,587.00€.Malli i zbuluar është konfiskuar, ndërsa ndaj palës është iniciuar procedurë kundërvajtëse. 

Prishtinë 29 Tetor 2013 – Dogana e Kosovës ka vazhduar me intensitet luftimin e kontrabandës gjatë 24 orëve të fundit. Gjatë 24 orëve të fundit njësitet e doganës kanë parandaluar 6 raste të tentim  kontrabandimit ku vlera e mallrave të konfiskuara arrin afër 10.000 euro.

Në pikë kalimin kufitar Dheu i Bardhe gjatë kontrollit të përbashkët me Policinë e Kosovës, është ndalur një veturë për kontroll rutinore, me ç’rast vozitësi dhe dy udhëtare tjerë prezent në veturë janë  përgjigjur që nuk posedojnë asgjë për të deklaruar. Pas kontrollit të veturës Oficerët Doganor kanë hasur në një shënjestër optik, më pas gjatë kontrollit truporë të bashkë udhëtarëve në veturë janë zbuluar fishek gjuetie në sasi prej 22 copë.  Municioni dhe shënjestra optike është konfiskuar nga ana e Policisë Kufitare dhe është iniciuar procedura.

Një rast tjetër është zbuluar në magjistralen Mitrovicë-Prishtinë nga Dogana e Kosovës. Gjatë patrullimit në këtë rajon është vërejtur një automjet i ngarkuar me mallra të kontrabanduara, ku drejtuesi i automjetit nuk i është përgjigjur kërkesës së oficerëve për tu ndalur dhe ka vazhduar në drejtim të Fushë Kosovës ku edhe është bllokuar nga njësitet e Doganës dhe menjëherë janë prangosur
vozitësi dhe bashkudhëtari tjetër. Në automjet Oficerët Doganore kanë hasur në mallra të ndryshme të kontrabanduara si pije të gazuara produkte të ndryshme ushqimore, produkte higjienike etj. Sasia e mallit të zbuluar është konfiskuar, po ashtu edhe vetura me të cilën bartnin këto mallra, si dhe ndaj palës është iniciuar gjobë administrative.

Gjithashtu edhe dy raste tjera në tentim kontrabandimi janë zbuluar në rajonin e Mitrovicës. Njësitet e Doganës së Kosovës gjatë patrullimit në  Mitrovicë – tek ura e Suhodollit, kanë ndalur një veturë për kontroll. Gjatë kontrollit në pjesë të ndryshme të automjetit
kanë hasur në pije alkoolike. Më pas automjeti në fjalë është dërguar në Degën Doganore në Mitrovicë, dhe i është nënshtruar kontrollit detal me ç’rast është zbuluar alkool i llojit Vinjak në sasi rreth 25 litra, si dhe sasi e qumështit rreth 50 litra. Malli në fjalë është konfiskuar dhe lidhur me rastin në fjale është iniciuar gjobë administrative. 

Një rast tjetër është zbuluar në lagjen e Boshnjakëve. Gjatë patrullimit të përbashkët me Policinë e Kosovës, është ndalur një veturë me targa të Novi pazarit, dhe pas kontrollës në veturë janë zbuluar thasë të mbushur me arra në sasi prej 280 kg. Sasia e mallit të zbuluar është konfiskuar, dhe ndaj palës është iniciuar gjobë administrative.

Në Pikë Kalimin Kufitar Hani i Elezit, është ndalur për kontroll një autobus i linjës Prishtinë-Shkup. Gjatë kontrollës së ushtruar në pjesën e përparme të autobusit Oficerët Doganor kanë hasur në tri kallëpe për prodhimin e stolive (lirave) të arit, të fshehura. Malli i zbuluar është konfiskuar, si dhe i tërë rasti i adresohet komisionit për kundërvajtje Doganore, për procedurë të mëtutjeshme.