Lajmet

Dogana e Kosovës shkatërron mallrat e falsifikuara në sasi prej 650 copë , të markës tregtar “Apple” , të cilat shkelin të drejtën e pronësisë intelektuale. Vlera e përafërt e mallrave të sipërcekura, që iu nënshtruan procesit të shkatërrimit arrin ne 750 euro

Dogana e Kosovës shkatërron mallrat e falsifikuara në sasi prej 250 copë , të markës tregtar “Apple” , të cilat shkelin të drejtën e pronësisë intelektuale. Vlera e përafërt e mallrave të sipërcekura, që iu nënshtruan procesit të shkatërrimit arrin ne 1250 euro

Dogana e Kosovës shkatërron mallrat e falsifikuara në sasi prej 115 copë , të markës tregtar “Puma” , të cilat shkelin të drejtën e pronësisë intelektuale. Vlera e përafërt e mallrave të sipërcekura, që iu nënshtruan procesit të shkatërrimit arrin ne 2300 euro

Dogana e Kosovës shkatërron mallrat e falsifikuara në sasi prej 960 copë , të markës tregtar “WD 40” , të cilat shkelin të drejtën e pronësisë intelektuale. Vlera e përafërt e mallrave të sipërcekura, që iu nënshtruan procesit të shkatërrimit arrin ne 1920 euro

Dogana e Kosovës shkatërron mallrat e falsifikuara në sasi prej 16 copë , të markës tregtar “Gucci” , të cilat shkelin të drejtën e pronësisë intelektuale. Vlera e përafërt e mallrave të sipërcekura, që iu nënshtruan procesit të shkatërrimit arrin ne 480 euro

Dogana e Kosovës shkatërron mallrat e falsifikuara në sasi prej 111copë , të markës tregtar “Lacoste” , të cilat shkelin të drejtën e pronësisë intelektuale. Vlera e përafërt e mallrave të sipërcekura, që ju nënshtruan procesit të shkatërrimit arrin ne 3330Euro

Prishtinë 25 nëntor 2015 – Sot Dogana e Kosovës në bashkëpunim me EULEX organizuan seminarin mbi “Mbrojtjen e shëndetit publik të konsumatorëve nga mallrat e falsifikuara”.

Organizimi i seminarit “Mbrojtja e Shëndetit Publik nga Mallrat e Falsifikuara” në bashkëpunim me EULEX-in, dhe ekspozimi i produkteve të falsifikuara në Aeroportin Ndërkombëtar, vendosja e billbordave/posterve në kryeqytet dhe Zyrat Doganore, ka për qëllim vetëdijesimin e qytetarëve për rrezikun e shëndetit që mund tu shkaktohet nga mallrat e falsifikuara. Me ndihmën e faktorëve Ndërkombëtar si; Ambasadës Amerikane dhe BE-së, përmes projekteve të ndryshme është dhënë asistencë në ngritjen dhe fuqizimin e kapaciteteve si dhe harmonizim të legjislacionit primar dhe sekondar në Kosovë në fushën e pronësisë intelektuale.  Po ashtu, është dhënë një kontribut i veçantë edhe në organizimin e aktiviteteve të ndryshme me qëllim të ngritjes së vetëdijes së qytetarëve dhe komunitetit të biznesit për të mbrojtur publikun ndaj kërcënimit për shëndetin dhe sigurinë

Dogana e Kosovës përveç mbledhjes se te hyrave luan rol shumë të rëndësishëm edhe në identifikimin dhe ndaljen në kufi të mallrave që dyshohet se shkelin të drejtën e pronësisë intelektuale. Autoritetet doganore si rezultat i ngritjes së bashkëpunimit ndërinstitucional dhe me komunitetin e biznesit, kanë arritur progres në ndërmarrjen e masave doganore për mallrat që dyshohet se shkelin pronësinë intelektuale. Me krijimin e infrastrukturës ligjore dhe krijimin e mekanizmave për mbrojtjen e pronësisë intelektuale, DK nga viti në vit ka arritur progres në lutën kundër falsifikimit dhe piraterisë.

Vlen të theksohet se, njëra nder rezultatet e kënaqshme është edhe ngritja dhe forcimi I bashkëpunimit me komunitetin e biznesit, kjo vërehet përmes aplikimeve ne Doganën e Kosovës, ku nga viti ne vit janë shtuar kërkesa për veprim, e qe tani Dogana numëron gjithsej 96 aplikacione të aprovuara për 377 marka tregtare dhe 34 vepra te autorit.

Si rezultat i ndërmarrjes së masave doganore ndaj mallrave për të cilat dyshohet se shkelin pronësinë intelektuale, nga viti 2010-2015 janë arritur këto progres si:

Dogana e Kosovës inkurajon qytetarët dhe komunitetin e biznesit, se që të aplikojnë në Doganën e Kosovës për kërkesën për veprim, me qëllim që të mbrohen produktet e tyre nga shkelësit e pronësisë intelektuale.

Prizren 21 nëntor 2015 – bashkëpunimi në kuadër të menaxhimit të integruar të kufirit (MIK) çdo ditë është duke e rritur performancën e institucioneve tona. Policia e Kosovës, Dogana dhe AUV përmes MIK kanë rritur efikasitetin si dhe luftën kundër trafikut ilegal.

Rasti më i fundit i suksesshëm i këtij bashkëpunimi ishte mbrëmë kur njësite e Doganës në bashkëpunim me policinë parandaluan suksesshëm tentimin për futje të lëndëve narkotike në Kosovës. Mbrëmë rreth orës 21:30^h në  Vërmicë është paraqitur një automjet me targa të Kosovës.  Automjeti është selektuar për kontroll në vijën e dytë ku gjatë kontrollit të automjetit është zbuluar lëndë narkotike e cila dyshohet të jetë e llojit Marihuanë në sasi prej 16 kilogram e 290 gram e shprëndar në 30 qese (paketime).

Oficerët arritën të zbulojnë lëndën narkotike e cila ishte e fshehur në në serbatorin (rezervoarin) e benzinës si rezultat i përdorimit të pajisjeve të cilat janë donacion nga shteti Amerikanë.  Menjëherë pas zbulimit personat e dyshuar janë arrestuar nga ana e Policisë së Kosovës.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prishtinë 12 nëntor 2015 – Dogana e Kosovës ka vazhduar me performancën e jashtëzakonshme në aspektin e mbledhjes së të hyrave për buxhetin shtetëror. Sot, dogana ka tejkaluar shifrën rekord mbi 800 milion euro që në krahasim me vitin e kaluar është një rritje e madhe, kjo rritje tregon se Dogana është një administratë moderne ,  efikase dhe profesionale gjithashtu e aftë për të u përballuar me të gjitha sfidat.  Kjo e arritur përkon edhe me raportin e Komisionit evropian të publikuar para dy ditëve ku theksohet se:

“Reformat e suksesshme në administratën Doganore kanë ndikuar në vlerësimin më të mirë mallrave dhe luftimin e kontrabandës e që si rezultat sollën 7,4 % më shumë të hyra krahasuar me shtatë muajt e parë të viti 2014” (faqe 34 KOSOVO 2015 REPORT)

Gjatë vitit 2014 dogana deri me 11 nëntor kishte arritur të grumbullonte 739.8 milion euro derisa në këtë viti  dogana ka arritur të mbledhë 801.9 milion euro. Kjo paraqet një rritje prej 8.4% apo shprehur në vlera monetare 62.1 milion euro më shumë. Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prishtinë, 11 nëntor 2015 – Këshilli Konsultativ i përbërë nga Ministria e Financave, Dogana, Administrata Tatimore e Kosovës, Oda Ekonomike e Kosovës, Oda Ekonomike Amerikane dhe Aleanca Kosovare e Biznesit mbajti sot takimin e rregullt gjatë të cilit diskutoi për një sërë aktesh nënligjore dhe çështjesh të tjera në interes të komunitetit të biznesit.

Ministri i Financave Avdullah Hoti shprehu përkushtimin e institucionit që ai drejton në përmirësimin e mëtejmë të bazës rregullative dhe ligjore për të ofruar lehtësira të tjera për investitorët, me theks të veçantë në ofrimin e lehtësirave për kompanitë prodhuese përmes zgjerimit të listës së lëndëve të para të cilat do të lirohen nga detyrimet doganore. Ai tha se tashmë po vërehen efektet e para pozitive për bizneset nga lehtësirat e mundësuara me legjislacionin e ri tatimor, duke iu referuar këtu lirimit nga pagesa e TVSH-së për shumë lëndë të para.

Ushtruesi i detyrës së Drejtorit të Përgjithshëm të Administratës Tatimore të Kosovës Nahit Sharku njoftoi për procedurat në përpilimin UA për pushimet tatimore I cili së shpejti do të ndahet për komente me ministritë e tjera, por edhe me asociacionet e biznesit. ATK poashtu njoftoi edhe rreth 140 autorizimeve të lëshuara deri më tani për prodhuesit vendor për lirim nga detyrimet e TVSH-së për lëndë e para. Pavarësisht se numri i përfituesve duket të jetë solid në këtë periudhë të shkurtër të hyrjes në fuqi të Ligjit të ri, Këshilli u dakordua për të vazhduar me informimin e mëtejmë të bizneseve të tjera prodhuese të cilat do të mund të përfitonin nga këto lehtësira.

Ndërprerja e mandatit të Bordit të Pavarur për Rishqyrtime ishte një shqetësimi kryesor i tri asociacioneve të biznesit, bashkë me kërkesën për gjetjen e modaliteteve më të përshtatshme për krijimin e një mekanizmi të ri i cili do të shqyrtonte në mënyrë të pavarur ankesat e bizneseve ndaj vendimeve të ATK-së dhe Doganës. Ky shqetësim bëhet edhe më argumentues duke pasur parasysh edhe mosfunksionimin efikas të gjyqësorit në trajtimin e rasteve të natyrës fiskale. Për këtë Këshilli u dakordua që të autorizojë një grup ligjor të punës, i cili deri në takimin e radhës do të vijë me një propozim konkret mekanizmin në fjalë, i cili më vonë do të mund të përfshihej në ligjin e ardhshëm për Agjencinë e të Hyrave.

Drejtori i Përgjithshëm i Doganës Lulzim Rafuna informoi anëtarët e Këshillit rreth përgatitjes dhe miratimit të Udhëzimit Administrativ mbi Shpenzimet e Transportit, i cili pritet të hyjë në fuqi brenda pak ditësh. Në takim u njoftua se grupi punues ka marrë parasysh rreth 99% të komenteve të sektorit privat të shprehura ndaj draftit të këtij udhëzimi administrativ. Drejtori i Doganës poashtu njoftoi Këshillin për përgatitjen nga ana e Doganës të Udhëzimit Administrativ për Procedurat e Thjeshtëzuara, që përbënë një risi në tërë rajonin e Ballkanit, për shkak të eliminimit të procedurave burokratike gjatë importit të disa mallrave të caktuara që nuk janë mallra të ndjeshme. Ai ftoi tri asociacionet e biznesit të përfaqësuara në Këshill që të japin kontributin e tyre për finalizimin e këtij Udhëzimi.

Ndër temat e tjera të cilat u diskutuan në takimin Këshillit ishin edhe nevoja e nxjerrjes nga ana e MF-së të një kalendari të akcizave, nevoja për një fushatë informuese për bizneset lidhur me aspektet teknike të Marrëveshjes për Stabilizim dhe Asociim, por edhe çështje të tjera që prekin punën e sektorit privat. Në këtë drejtim Dogana u zotua që pas ratifikimit përfundimtar të MSA-së, të fillojë një fushatë informuese për bizneset në të gjithë vendin.

Këshilli Konsultativ është organ këshillëdhënës i themeluar në vitin 2013 me qëllim të adresimit dhe trajtimit të çështjeve të natyrës fiskale me të cilat përballet sektori privat. Në vitin 2015, Këshilli kryesohet nga Oda Ekonomike Amerikane në Kosovë.

Dogana e Kosovës shkatërron mallrat e falsifikuara në sasi prej 43 cp , të markës tregtar “Louis Vuitton”, “Lacoste”, “Hugo Boss” , të cilat shkelin të drejtën e pronësisë intelektuale. Vlera e përafërt e mallrave të sipërcekura, që iu nënshtruan procesit të shkatërrimit arrin ne 714 Euro.

Dogana e Kosovës shkatërron mallrat e falsifikuara në sasi prej 680 cp , të markës tregtar “Apple” , të cilat shkelin të drejtën e pronësisë intelektuale. Vlera e përafërt e mallrave të sipërcekura, që iu nënshtruan procesit të shkatërrimit arrin ne 6800 Euro.