Lajmet

Prishtinë 10 maj 2016 – Me iniciativën e Drejtorit të Përgjithshëm z. Lulzim Rafuna, Dogana nga sot ka hapur edhe një kategori të re në ueb faqen e saj ku do të publikohen të gjitha vendimet që drejtori merr lidhur me Doganën dhe bizneset.

Kjo kategori të vetmin qëllim e ka që të rrit edhe më tej transparencën e doganës dhe menaxhmentit të saj karshi qytetarëve të Republikës së Kosovës.  Kategoria është krijuar në tri gjuhët dhe titullohet Vendimet e Drejtorit të Përgjithshëm. Në këtë kategori përveç vendimeve do të publikohen edhe të gjitha shpenzimet e parasë publike nga ana e Doganës dhe Drejtorit të përgjithshëm.

Drejtori i Përgjithshëm theksoi se “Qasja në informata dhe transparenca janë parakushte demokratike si dhe mjetet e duhura në luftimin e korrupsionit, derisa mungesa e transparencës e bën të vështirë për qytetarët që të na mbaj përgjegjës për veprimet tona. Shpërndarja e të dhënave dhe informatave nga Dogana tek qytetarët ofron transparencë dhe njëkohësisht përmirëson edhe vet institucionin tonë, Dogana gjithmonë ka qenë një institucion i hapur, por ne transparencën tonë e dërgojmë edhe një hap tutje, andaj ftojë të gjitha media dhe qytetarët që t’i qasen këtyre dokumenteve që ne do të publikojmë”.

Linku: http://dogana.rks-gov.net/sq/vendimet-e-drejtorit-te-pergjithshem-#vendimet-e-drejtorit-te-pergjithshem-

Prishtinë 8 maj 2016 – Mbledhja e akcizës nga ana e Doganës është duke tejkaluar projeksionet, mbledhja adekuate, luftimit i kontrabandës dhe evazionit fiskal janë faktorët kryesorë që kanë ndikuar. Në vijim është paraqitur importi i cigareve për periudhën janar-prill 2015/2016 krahasuar për secilin muaj.

Në tabelë është statistika që tregon rritjen e  importit në raport me vitin e kaluar. Importi dhe të hyrat janë rritur me mbi  11 milion ose 40% me shumë se viti i kaluar. Derisa totali I mbledhjes së akcizës ne import të cigareve është 37.3 milion euro.

Derisa tek lojërat e fatit kemi arritur qe secilin muaji të këtij viti të mbledhim afër një milion pra deri tani kemi mbledhur mbi 4 milion euro, gjithsesi se vlen të theksohet se aksionet e shpeshta të ndërmarra nga Dogana kanë rezultuar me konfiskime dhe disiplinim të operatorëve me lojëra të fatit sepse vetëm në muajt e parë të këtij viti janë konfiskuar mbi 300 pajisje për lojëra të fatit.

Ne ftojmë qytetarët të lajmërojnë raste e dyshimta pasi duke ndihmuar doganën ndihmojnë në zhvillimin e vendit dhe krijimin e një të ardhme më të sigurt.  Numrat për thirrje janë 0800 50 095 (pa pagesë), me mesazhe përmes 50 095 (pa pagesë) ose përmes postës elektronike në  lajmro@dogana-ks.org.

Prishtinë 4 maj 2016 – Sot Dogana e Kosovës së bashku me Ministrinë e Financave ka mbajtur konferencën, ku ka paraqitur raportin katër mujor. Hapjen e konferencës e bëri Ministri i Financave z. Hoti i cili theksojë se “Rezultate gjatë këtyre katër muajve kanë qenë shumë më të mira se planifikimet, gjej rasti të falënderojë stafin e Doganës për përpjekjet e tyre për të arritur objektivat në mbledhjen e të hyrave si dhe ofrimin e shërbimeve për qytetar dhe biznesit gjatë këtyre muajve kemi pasur fillimin e suksesshëm të zbatimit të MSA-së, politikat e thjeshtëzuara në eksport si dhe hapja e zyrës në parkun e biznesit në Drenas si dhe plotë aktivitete tjera “

Drejtori i përgjithshëm z. Rafuna bëri një përmbledhje të këtyre  të arriturat “Dogana e Kosovës ka ngritje në të gjitha taksat që mbledh,  respektivisht kemi 22 % më shumë se viti i kaluar apo 7.4% më shumë se projeksioni për katër muajt e parët të vitit 2016.  Pra kemi 54 milion më shumë. Gjithashtu kemi progres në luftimin e ekonomisë jo-formale duke arritur të hapim 44 raste hetuese si dhe të parandalojmë 523 tentime për kontrabandë dhe evazion fiskal. Gjithashtu thirrjet dhe bashkëpunimi me qytetar është rritur me 53% më shumë thirrje dhe lajmërime për raste të ndryshme. Zhvillimet si kanali i verdhë automatik dhe lidhja direket me ARBK që shkurton kohën dhe eliminon procedurat burokratike janë sukseset e radhës.  Derisa gjatë këtij viti dogana ka vazhduar me luftimin e korrupsionit si rezultat 8 oficer deri tani janë suspenduar. Dogana është duke implementuar MSA-në më saktësisht,  Dogana ka hapur zyrën për MSA dhe ndihmë ndaj bizneseve  kemi publikuar “Kodet tarifore që pësojnë ndryshime” si dhe “Doracaku mbi përfitimin e origjinës dhe dokumentet e nevojshme” si dhe nuk kemi asnjë problem të raportuar në implementim.

Në fund të konferencës drejtori i përgjithshëm bëri thirrje publike që qytetarët e Kosovës të bashkëpunojnë me Doganën dhe të thërrasin nëse shohin mallra të kontrabanduara apo korruptive.

Raporti 4 Mujor ne PDF

Prishtinë 29 prill  2016 – sot në kuadër të përpjekjeve maksimale që Dogana e Kosovës është duke bërë për të qenë afër biznesit Dogana ka hapur zyre në parkun e biznesit të Drenasit ashtu që të ju ofrojë shërbime bizneseve në këtë park dhe rajon.

Pas një bashkëveprimi në mes të Ministrisë së Financave, Ministrisë e Tregtisë,  Doganës së Kosovës dhe njëkohsisht në bashkëpunim të ngushtë me Odën Ekonomike sot është bërë edhe përurimi ceremonial i hapjes së zyrës së Doganës nga Ministri i financave z. Hoti.

Me këtë rast Ministri i financave theksoi “Qeveria e Republikës së Kosovës është e përkushtuar që të ofrojë përkrahje prodhuesve. Tani kjo zyrë do të jetë afër bizneseve dhe do të shkurtojë kohën e nevojshme për të kryer procedurat doganore për eksport. Unë përgëzoi drejtorin e doganës dhe falënderojë odat ekonomike dhe MTI -në që e kanë mbështetur në reformën e të bërit biznes”

Kurse në emër të MTI foli z. Salihu i cili theksoi se ky veprim sot rrit profilin e parkut të biznesit, falënderojmë Doganën për gatishmërinë për të ardhur dhe qenë pran bizneseve. Mendojmë që kjo do të lehtësoi punën e bizneseve pasi janë prodhues dhe punësojnë derisa Ministria e Tregtisë dhe Industrisë ka plan për zgjerimin e këtij parku”

Z. Gërxhaliu theksoi “Vitet 2015 dhe 2016 janë shpaluar vite të dialogut në komunikimin publiko privat, kjo iniciativë tregon bashkëpunimin intern në mes të institucioneve dhe odave dhe kjo zyre  duhet të jetë model edhe për institucionet e tjera. Dogana është duke performuar mirë dhe kjo duhet të shërbej si model edhe për institucionet tjera”.

Derisa nga ana e tij z. Rafuna theksoi “Është kënaqësi kur hapet një zyre e cila i ofron shërbime prodhuesve, në Parkun e Biznesit ne kemi një numër të kompanive të cilat janë prodhues dhe përpunues dhe duke vërejtur tendencën e rritjes së eksporti nga ky park ne jemi motivuar të hapim këtë zyre. Bizneset do të kenë mundësi të marrin këshilla dhe shërbime në kohë reale  për të gjitha procedurat që i përkasin eksporti dhe importin”.

Prishtinë 26 prill 2016 – Dogana e Kosovës si rezultat i kompjuterizimit të procedurave doganore  të cilin e ka arritur ta zhvillojë si koncept bashkëkohor, ku  tanimë kemi për herë të parë në Ballkan zhdoganimin e mallit  pa-letër si dhe shumë procedura të reja të cilat janë zhvilluar si pjesë e reformës së filluar gjatë vitit 2014. Tani Dogana ka në plan që gjatë javës së ardhshme të lançoi tutje procedurën e re elektronike për krijim e lehtësirat për biznesin.

Plani i doganës parasheh që të gjitha dërgesat mallrave të cilat hyjnë në kanalit e verdhë (rreth 80% e të gjitha dërgesave) të përfundojnë procedurat doganore për jo më shumë se 5 minuta nga momenti i deklarimit të tyre, kjo nënkupton që të gjitha deklarata doganore të cilat deri më tani janë proceduar nga ana e oficereve doganor ti kalojnë në procesim sistemit elektronik, vetë sistemi elektronik do ti procedojë deklaratat unike doganore në kanalin e verdhë.

Për këtë qëllim, sot drejtori i përgjithshëm z. Lulzim Rafuna me bashkëpunëtor takoi kryetarin e Odës Ekonomike zt. Safet Gerxhaliu si dhe kryetarin e agjentëve doganor (shpedicioneve) ku u diskutuan lehtësirat për zhdoganimin e mallrave. Në ketë takimi drejtori i përgjithshëm z. Rafuna  prezantoi dhe kërkoi mendimin e biznesit si dhe agjentëve doganor lidhur me këtë ndryshim që pritet të ndodhë. Duhet theksuar se kjo iniciativë e doganës u mirëprit nga Oda Ekonomike e Kosovës dhe Shoqata e agjentëve doganor që ofruan përkrahjen maksimale të tyre.

Zt. Gërxhaliu në përfundim të takimit theksoi “Iniciativat e doganës duhet të zgjerohen edhe tek institucionet tjera, pasi dogana ka bërë shumë për biznesin prandaj edhe ne e përkrahim fuqishëm. Viti 2016 edhe një herë u dëshmua si vit i diskutimit publiko privat me qëllim të avancimit të agjendës ekonomike”

Prishtinë 20 prill 2016 – Sot me organizimin e misionit të Binjakëzimit dhe Doganës së Kosovës u organizua konferenca përmbyllëse e projektit “Përkrahje për Doganën e e Kosovës” ku partnerët ishin Dogana e Kosovës, Dogana Italiane dhe ajo Franceze. Konferenca kishte qëllim të përmbledh rezultatet e punës dy vjeçare. Në konferencën përmbyllëse morën pjesë zv. Ministri i Financave Agim Krasniqi,  Drejtori i Përgjithshëm i Doganës së Kosovës z. Lulzim Rafuna,  Shkëlqesia e tij z. Andreas Ferrarese Ambasador i Italisë, Shkëlqesia e saj znj. Maryse Daviet Ambasadore e Francës, z. Paolo Lo Surdo, Drejtor Qendror i Drejtorisë së Planifikimit  Strategjik, Financave dhe Sigurisë nga Agjencia Italiane e Doganës dhe e Monopoleve si dhe Sirie Poider nga Zyra e Bashkimit Evropian në Kosovë.

Fillimisht zv. Ministri i Financave Agim Krasniqi theksoi se ky projekt është një gur-themel i asistencës së bashkimit evropian me qëllim të plotësimit dhe harmonizimit të legjislacionit dhe politikave dhe procedurave evropiane jam i sigurt që dogana ka arritur këto standarde. Dogana është institucioni kryesor në ruajtjen e stabilitetit makro-fiskal të Kosovës pasi m përfundimisht më lejoni të falënderoj institucione e BE-së në ndihmë dhënë Kosovës.

Nga zyra e BE znj. Poider tha “Roli i doganave është duke ndryshuar edhe në BE pasi Dogana nga një institucion taksa-mbledhës është duke u shndërruar në një institucion të ofrimit të sigurisë së përgjithshme, ky ishte një projekti i suksesshëm por gjithsesi se zyra e BE do të vazhdojë me përkrahjen e saj deri në aderimin në BE.”

Nga ana e tij drejtori i përgjithshëm theksoi ” Projekti i Binjakëzimit ka filluar bashkë me fillimin e reformës se thellë ne Doganën e Kosovës në fillim te vitit 2014 i cili  ka luajtur një rol të madh në procesin e  zhvillimit te reformës dhe modernizimit të mëtejshëm të Doganës së Kosovës, ku fal kësaj reforme Dogana ka arritur performancën më të lartë që nga themelimi i saj. Përveç arritjes së projeksionit në mbledhjen e të hyrave, Dogana në bashkëpunim me Binjakëzimin si dhe EULEX kanë punuar në zhvillimin e procedurave doganore  sipas atyre të BE-së si në luftimin e informalitetit po ashtu edhe në lehtësimin e tregtisë, duke shprehur edhe njëherë mirënjohjen e lartë për ndihmën e ofruar nga BE, Dogana e Kosovës ju siguron që do të jetë e përkushtuar në plotësimin e të gjitha obligimeve  shtetërore por edhe atyre që dalin nga proceset integruese.”

Znj. Maryse Daviet Ambasadore e Francës theksoi “Dogana është shtyllë e shtetit në të gjitha vendet ky ishte një partneritet shumë I suksesshëm, Dogana e Kosovës ka dëshmuar se është një institucion  shumë profesional dhe ka aftësi për të ngritur të hyrat. Dogana e Kosovës nën menaxhimin e z. Rafunës është transformuar në mënyre thelbësore duke kontribuar në luftën kundër korrupsionit dhe kontrabandës.Ky projekt nuk është bashkëpunim por partneritet në mes të tri vendeve, qeveria ime do të vazhdoi mbështetjen për Kosovën”.

Andreas Ferrarese Ambasador i Italisë theksoi “Ky projekt ishte i suksesshëm pasi kishte përkushtim nga Qeveria e Kosovës dhe Dogana e Kosovës si dhe njëherë bashkëpunim të shkëlqyer në mes Doganës Italiane dhe asaj Franceze. Dogana e Kosovës është  një ndër institucionet më të besueshme të Kosovës pasi siguron 70% të buxhetit shtetëror. Më lejoni të falënderoi të gjithë pjesëmarrësit e projektit dhe të sigurojë që bashkëpunimi do të vazhdoi”

Projekti i Binjakëzimit – Info

Objektivi I përgjithshëm I projektit te binjakëzimit ishte për të fuqizuar sektorin e sundimit të ligjit ne Kosovë dhe reforma ne administratën publike.

Qëllimet

–          Fuqizoi kapacitetet e Doganës se Kosovës, për te krijuar dhe zbatuar një sistem efektiv, efikas, të drejte dhe transparent te burimeve njerëzore ne mbështetje te reformave dhe procesin e zhvillimit ne përputhshmëri me standardet e BE-se.

–          Fuqizoj sistemin e zbatimit dhe te lehtësimit te tregtisë, menaxhimin e riskut, kontrollës pas-importuese dhe sigurinë e zinxhirit të furnizimit ne luftën kundër kontrabandës, evazionit fiskal, krimit te organizuar dhe falsifikimit.

–          Mbështesë Doganën e Kosovës ne sigurimin e informacionit te shpejte dhe te sigurt dhe te inteligjencës dhe ne menaxhimin e informacionit te strukturuar dhe te pastrukturuar

Prishtinë 14 prill 2016, gjatë kësaj jave njësitet e Doganës kanë zhvilluar dy operacione të ndara ku në të dy rastet ka pasur konfiskime mallrave dhe ndalim të personave që kontrabandonin mallra.

Në rastin e parë oficerët doganor kanë ndjekur një kombi të dyshuar për kontrabandim në magjistrale Gjilan-Ferizaj.  Pas dyshimeve fillestare oficerët kanë tentuar të ndalin këtë automjet por i njëjti nuk i është bindur urdhrave, por pas reagimit të oficerëve është bërë ndalimi i automjetit dhe legjitimimi i personit i cili e drejtojnë. Gjatë kontrollës janë hasur në mall pa prejardhje të kontrabanduar kryesisht tekstil dhe këpucë me vlerë mbi 6000 euro. Palës i është shqiptuar kundërvajtja doganore derisa mallrat dhe kombi janë konfiskuar.

Në rastin  e dytë të zhvilluar njësitet e doganës janë penguar gjatë tentimit për të ndaluar një kombi të dyshuar. Ku një automjet Golf III ka tentuar të bllokonte rrugën. Njësitet tjera të Doganës janë angazhuar dhe kanë bërë të mundur ndalimin e të dy automjeteve si dhe legjitimimin e personave ku njëri prej tyre është prangosur dhe është hapur rast penal. Pas hapjes së kombit janë gjetur pije alkoolike të kontrabanduara nga Serbia (mallrat dhe kombi janë konfiskuar).

Në të dy raste Dogana ka arritur të identifikojë dhe njëherë ndaloi  automjetet duke iu falënderuar sistemeve të kamerave të cilat janë instaluar në automjetet e antikontrabandës e që mundësojnë identifikimin e personave dhe automjeteve.

Menaxhmenti i Doganës së Kosovës është i vendosur në luftimin dhe hetimin e të gjitha rasteve të kontrabandës,  korrupsionit dhe dukurive të tjera negative, për të bërë këtë dogana kërkon nga qytetarët që të vazhdojnë ta ndihmojnë Doganën duke lajmëruar raste në 0800 50 095 (pa pagesë), me mesazhe përmes 50 095 (pa pagesë) ose përmes postës elektronike në  lajmro@dogana-ks.org.

Prizren 13 prill 2016, dje njësitet e Doganës në bashkëpunim me policinë Kufitare kanë arritur të kapin 1 kg substance narkotike të llojit marihuanë gjatë tentimit për tu futur në Kosovë.

Gjatë kontrolleve rutinore,  dje në orët e pasdites në Vërmicë në vijën e parë të kontrollit nga ana e Policisë së Kosovës është selektuar për kontroll  vetura e tipit Ford Mondeo me targa të Kosovës që drejtohej nga një shtetas i Kosovës.

Gjatë kontrollit të ushtruar nga ekipi i specializuar i Doganës në vijën e dytë së bashku me zyrtaret e policisë në bagazh, saktësisht në anën e majtë të bagazhit mbi anësoret e gomave janë gjetur dy qese me substance narkotike të llojit marihuanë .

–          Sasia e lëndës narkotike ishte 922.7 gram -2 qese (paketime).

Personi i dyshuar është arrestuar nga ana e Policisë derisa substanca narkotike si dhe rasti janë proceduar në Polici për hetime të mëtejme.

Menaxhmenti i Doganës së Kosovës është i vendosur në luftimin dhe hetimin e të gjitha rasteve të kontrabandës,  korrupsionit dhe dukurive të tjera negative, për të bërë këtë dogana kërkon nga qytetarët që të vazhdojnë ta ndihmojnë Doganën duke lajmëruar raste në 0800 50 095 (pa pagesë), me mesazhe përmes 50 095 (pa pagesë) ose përmes postës elektronike në  lajmro@dogana-ks.org.

Prishtinë 5 prill  2016 –  Dogana e Kosovës ka arritur të rrit besimin e qytetarëve pasi që çdo ditë jemi duke pranuar më shumë thirrje telefonike. Raporti tremujor i thirrjeve telefonike për të lajmëruar kontrabandë, korrupsionin dhe evazionin fiskal tregon se ka rritje evidente në thirrjet nga ana e qytetarëve.  Dogana e Kosovës kthen besimi e qytetarëve duke ngritur performacën dhe inkasimin e të hyrave, deri më sot kemi mbledhur 220,3 milion euro që paraqet 25% më shumë se viti i kaluar që kishte 176,1 milion euro. Në vijim tabela e lajmërimit të rasteve.

Menaxhmenti i Doganës së Kosovës është i vendosur  në luftimin dhe hetimin e të gjitha rasteve të kontrabandës, korrupsionit dhe dukurive të tjera negative, prandaj edhe kërkojmë nga qytetarët që të thërrasin pasi duke ndihmuar doganën ndihmojnë në zhvillimin e vendit dhe krijimin e një të ardhme më të sigurt.

Numrat për thirrje janë 0800 50 095 (pa pagesë), me mesazhe përmes 50 095 (pa pagesë) ose përmes postës elektronike në  lajmro@dogana-ks.org .

Prishtinë 1 prill 2016 –  Dogana e Kosovës sot ka filluar zyrtarisht implementimin e Marrëveshjes së Stabilizim Asocimit (MSA), ku Kryeministri Mustafa dorëzoi solemnisht dokumentin unik doganor të parin me taksa konform MSA-së. Në ceremoninë e organizuar morën pjese Kryeministri z. Mustafa, Ministri i Financave z. Hoti, Ministrja e Tregtisë dhe Industrisë  znj. Bajrami, zv. Ministri i Integrimeve z. Ilazi, përfaqësuesi special i BE në Kosovës z. Samuel Zbogar, përfaqësuesit e ambasadës së SHBA-ve si dhe përfaqësues të Odave Ekonomike dhe Klubi i Prodhuesve.

“Dogana e Kosovës që nga sot po kalon në një nivel me të lartë të avancimit si në aspekt të llogari-dhënies ndaj institucioneve të vendit tonë po ashtu edhe të profesionalizmit dhe integrimit Evropian. Me këtë marrëveshjes përveç pjesës implementuese në aspekt fiskal dhe mbrojtës të prodhimeve vendore dogana do të jetë edhe partner i bashkëpunimit Administrativ me Administratat e vendeve të Bashkimit Evropian ashtu siç e kërkon protokolli i IV-të i kësaj  Marrëveshje, pra që nga sot ne do të kemi marrëveshje formale bashkëpunimi administrativ me 28 administrata doganore të BE-së” theksoi drejtori i përgjithshëm i doganës zt. Lulzim Rafuna.

Derisa në fjalimin e tij para të pranishmëve Kryeministri Mustafa theksoi “Sot për  Republikën  e Kosovës, shtetin tonë po fillon një kapitull i ri i zhvillimit. Sot Kosova po kalon në një fazë tjetër të zhvillimit  politik, social dhe ekonomik. Në këtë moment edhe zyrtarisht po fillojmë me implementimin e Marrëveshjes së Stabilizim Asocimit. Një moment i shumë pritur me vite dhe do të jetë i shënuar në historinë e zhvillimit të Shtetit tonë. Marrëveshja e Stabilizim Asocimit brenda saj ka një  agjendë të krijimit të një tregu të përbashkët të Kosovës dhe BE-së dhe të reformës që  parasheh  të mbulojnë fusha duke filluar nga dialogu politik,  bashkëpunimi rajonal, lirinë e  lëvizjes e mallrave, shërbimeve, punëtorëve dhe kapitalit. Kjo Marrëveshje synon të mbështesë tranzicionin ekonomik të Kosovës, si dhe të forcojë integrimin e saj në tregun e përbashkët të BE-së gjatë një periudhë kohore prej jo më shumë se 10 viteve që nga sot”.

Nga ana tjetër përfaqësuesi I komunitetit të biznesit njëherazi edhe kryetari I Odës Ekonomike të Kosovës z. Gërxhaliu theksoi se “Oda Ekonomike e Kosovës ka vlerësuar se nënshkrimi i Marrëveshjes së Stabilizim Asocimit në mes të Unionit Evropian dhe Republikës së Kosovës. Sot kur po fillon edhe praktikisht me u realizuar kjo marrëveshje konsiderojë se kemi një ngjarje shumë të rëndësishme dhe kontribut të jashtëzakonshëm në krijimin e kushteve për të bërit biznes dhe për përshpejtimin e proceseve integruese edhe në rrafshin ekonomik. Edhe me këtë rast dëshiroj të përsërisë përcaktimin dhe vlerësimin se nënshkrimi dhe implementimi i MSA-së paraqet edhe një hap të rëndësishëm drejtë stabilitetit politik dhe perspektivës ekonomike dhe krijimin e kushteve të një ekonomie funksionale të tregut, që është përcaktim i strategjik dhe kushtetues i vendit tonë”

Gjithashtu sot në mënyrë ceremonial është bërë zhdoganimi i parë me tatim doganor të reduktuar konform Marrëveshjes së stabilizim asocimit, ky moment shënon fillimin e implementimit të MSA nga ana e shtetit të Kosovës.

Prishtinë 22 mars 2016 – Sot që nga orët e para të mëngjesit Dogana dhe Policia e Kosovës kanë nisur një aksion të gjerë në shkallë vendi kundër krimeve financiare dhe krimit të organizuar ku sipas rezultateve janë kapur sasi e konsiderueshme e cigareve dhe janë arrestuar 20 persona.

Dogana në bashkëpunim me Policinë dhe Prokurorinë Speciale kanë ndërmarrë një hetim të gamës së gjerë, pasi që rasti në fjalë edhe është shënjëstruar si një nga rastet më të mëdha të krimit të organizuar. Hetimi ka zgjatur afër gjashtë muaj, ku ka pasur për subjekt afër pesëdhjetë persona të dyshuar që ndër-veprojnë për të mundësuar krimin e organizuar ndërkufitar. Në kuadër të operacionit të koduar QARKU, Dogana e Kosovës me autorizime përkatëse ligjore nga Prokuroria Speciale dhe Gjykata relevante, në bashkëpunim me Policinë e Kosovës dhe Njësinë e Hetimeve Tatimore ka organizuar një operacion të gjerë kontrolli në regjionet e Prishtinës, Mitrovicës, Pejës, Gjakovës dhe Prizrenit ku janë bastisur 68 lokacione (depo, dyqane dhe shtëpi private), në këtë operacion kanë marrë pjesë afër 800 zyrtar, prej të cilëve 650 nga Policia e Kosovës dhe pjesa tjetër nga Dogana.

Sipas urdhrit të Prokurorit të Prokurorisë Speciale:

• Janë arrestuar 20 persona
• Janë ngrirë 132 llogarive bankare në posedim të personave të dyshimtë

Si dhe janë sekuestruar:

1.      Cigare në sasi të përafërt prej 7 milion fije, me vlerë tregu prej rreth (500.000.00) gjysmë milion Euro.

2.      Barëra të llojeve të ndryshme, përfshirë stimuluesit të llojit VIAGRA rreth 10.000 copë

3.      Para të gatshme në shumën prej 60.600,00 Euro dhe 125.980 Dinar serb

4.      Vetura të përdorura në kryerjen e veprave penale në sasi prej 13 copë.

5.      Para të falsifikuara.

6.      4 armë të shkurta, një pushkë, një AK47 si dhe municion në sasi prej 220 copë.

7.      Video Regjistrues Dixhital.

8.      Llaptop dhe kompjuter në sasi prej 15 copë.

9.      Telefona në sasi prej 20 copë.

10.  Dokumente të ndryshme (fatura, fletore për mbajtjen e shënimeve etj).

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prishtinë 21 mars 2016 – Sot kryeministri i Republikës së Kosovës vizitoi Doganën e Kosovës ku edhe bëri lansimin e sistemit të ri i cili mundëson uljen e kohës së eksportit dhe iu bën të mundshme eksportuesve që direkt nga depot e tyre të dërgojnë mallrat tek pranuesi i tyre në shtetet e tjera.

Në këtë takim përveç kryeministrit z. Mustafa, morën pjesë Ministri i financave z. Hoti, Ministrja e tregtisë dhe industrisë znj. Bajrami, z. Gërxhaliu nga Oda Ekonomike e Kosovës, z. Samir Krasniqi nga Oda Kosovaro-Gjermane, Afrim Panxha nga Klubi i prodhuesve të Kosovës.

Fillimisht drejtori i përgjithshëm  informoj kryeministrin lidhur me të arriturat e Doganës gjatë vitit të kaluar si dhe fillimin e vitit 2016. Drejtori Rafuna theksoi se “Dogana gjatë vitit 2015 ka arritur që të siguroj të hyrat e nevojshme për buxhetin e Kosovës duke tejkaluar projeksionet dhe mbledhur për herë të parë mbi 950 milion euro, derisa fillimi i vitit 2016 tregon për rritje të hyrave në lartësinë prej 27% më shumë se vitin e kaluar. Lansimi i këtij sistemit të do të ndihmojmë eksportin me theks të veçantë  prodhimin vendor, duke eliminuar barrierat e fundit për një eksport sa më të lehtë në vendet tjera.

Pas takimit Kryeministri i Republikës së Kosovës aktivizoi sistemin e ri ku edhe dërgesa e parë e eksporti përmes këtij sistemi kaloi kufirin përmes pikës doganore të Vërmicës në kufi me Shqipërinë.

Kryeministri z. Mustafa theksoi se “Unë vërtetë kisha kënaqësinë sot që të marrë pjesë në inaugurimin e një qendre të rëndësishme e cila do të thjeshtëzoi procedurat e doganimit, dhe po ashtu do të rris efiçencën dhe do të ulë shpenzimet e kohës dhe të parave që i kanë pasur bizneset tona lidhur me këtë. Një organizim shumë i mirë i drejtorisë së doganave dhe për një performancë që po tregon edhe kjo drejtori edhe Ministria e Financave gjatë periudhës së kaluar dhe të këtë vit, sepse ne kemi pasur rritje të të hyrave në kufi edhe vitin e kaluar mbi parashikimet. Kemi po ashtu edhe këtë vit të hyra të cilat i kapërcejnë parashikimet, gjë që është një sinjal shumë i mirë se kemi aktivitete ekonomike, por po ashtu se kemi një organizim shumë më të mirë në mënyrë që të ulim të gjithë evazionin fiskal me të cilin jemi ballafaquar ne gjatë kësaj periudhe kohore. Përpos kësaj po punohet mjaft shumë që të mbrohen konsumatorët dhe qytetarët e Republikës së Kosovës nga importimi i mallrave të dyshimta, të rritet transparenca në eksport dhe në import, dhe që kjo fushë, e cila është fushë shumë e rëndësishme për ne, fusha fiskale të jetë e suksesshme. Unë shfrytëzoi rastin që të përgëzoj Ministrinë e Financave dhe Drejtorinë e Doganave për këtë punë që e kanë bërë, dhe po ashtu të kërkojmë edhe përkrahjen e juaj që kjo të popullarizohet sa më shumë në mënyrë që qytetarët ta shtojnë besimin e tyre në këto organe”.