Lajmet

Mitrovicë 24 nëntor 2017 – Oficerët doganor kanë ndaluar në magjistralen Mitrovicë – Prishtinë një furgon ku edhe janë gjetur një sasi e konsiderueshme e mallrave pa mbulese të dokumentacionit.

Pas dyshimeve se ky automjet mund të kishte mallra të kontrabanduara  oficerët doganor kanë ndaluar këtë automjet ku dhe janë gjetur mallra të kontrabanduara si në vijim:

• Filtër tuba për cigare – 170 koli X 50 pako X 200 copë, gjithsejtë 1,700,000 copë filtër tuba për cigare.

Malli dhe automjeti janë sekuestruar deri në përfundim të procedurës, gjithashtu rasti ka vazhduar për hetime të mëtejme.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prishtinë 22 shtator 2017 – Dogana e Kosovës në vazhdën e aksionit në luftimit informalitetit dhe mbrojtjes së taksës së akcizës, ka ushtruar kontrolle në disa lokale të dyshuara për operim me  lojëra të fatit pa licencë, në Prishtinë respektivisht në lagjen Dardania (te santeja). Aksioni ka filluar nga ora 20:00 dhe ka qenë i fokusuar në lokalet që janë identifikuar me herët si te dyshuara që operojnë ilegalisht me lojëra të fatit.

Janë kontrolluar 5 lokale të identifikuara dhe dyshuara për veprimtari të pa licencuar të lojërave të fatit, në këtë rast janë konfiskuar mallra si vijon:

• Lokal 1 pa mbishkrim janë gjetur 2 Aparate për lojëra fati dhe 3 shtëpiza për lojëra Keno, Lucky Balls dhe Racing Dogs te pa licencuara.
• Lokal 2 pa mbishkrim pas kontrollit është hasur në 3 Aparate për lojëra fati të pa licencuara.
• Lokal 3 pa mbishkrim ka qene i mbyllur mirëpo është vërejtur se kishte persona ne brendi, është hapur me ndihmën e Policisë dhe janë gjetur 2 Aparate për lojëra fati dhe 2 shtëpiza për lojëra Keno dhe Racing Dogs.
• Lokal 4 pa mbishkrim pas kontrollit është hasur 3 Aparate për lojëra fati dhe 2 shtëpiza për lojëra Keno dhe Racing Dogs te pa licencuara.
• Lokal 5 pa mbishkrim pas kontrollit është hasur ne 2 shtëpiza për lojëra Racing Dogs dhe Keno te pa licencuara.

Gjithsejtë janë konfiskuar 10 Aparate të pa licencuara dhe 9 shtëpiza për lojëra Keno, Racing Dogs, Lucky Balls  në vlerë të përgjithshme prej 15.200,00

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prizren 3 gusht  2017 – Oficerët doganor duke vepruar sipas detyrës zyrtare kanë bastisur një lokal në regjionin e Prizrenit që operonte me lojëra fati illegal, ku kanë konfiskuar pajisje me vlerë rreth 6000 euro.

Gjatë patrullimeve rutinore të njësisë anti-kontrabandë kanë vërejtur një lokal të dyshimtë me derë të hapur dhe me pajisje për lojëra të fatit ilegale. Pasi pronari I lokalit ka parë automjetin e doganës është futur brenda dhe ka mbyllur derën nga brenda. Përkundër  thirrjeve që të hap derën personi nuk ka vepruar ashtu. Njësit e doganës në bashkëpunim me policinë dhe pas kontakteve me prokurorin kanë marr urdhër për të hapur derën me forcë. Pas hyrjes në lokalin e lartcekur janë gjetur dhe konfiskuar pajisje të lojërave të fatit të pa-licencuara si më poshtë:

–       Aparate për lojëra fati të llojit Kajot 3 copë

–       Televizion 3 copë

–       Lucky SIX-ELBET, lojëra fati 1 copë

–       DVR 1 copë

–       Monitor 2 copë

–       Printer 1 copë

Të gjitha këto pajisje konfiskohen nga Dogana e Kosovës. Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prishtinë 1 gusht 2017 – Dogana e Kosovës ka vazhduar me performacën të lartë në mbledhjen e të hyrave. Angazhimit të zyrtarëve doganor dhe rritje së kontrolleve në pikat kufitare si dhe në brendi të vendit kanë ndikuar në rritje e performacës.
Krahasimi ne mes të viteve 2016 dhe 2017 në periudha të njëjta kohore tregon që kemi një rritje prej 5,15% më shumë, apo shprehur në milion kjo është afër 30 milion euro më shumë. Pra gjatë viti 2016 dogana kishte mbledhur 567,7 milion euro derisa në këtë periudhë janë mbledhur 597,01 milion euro. Gjithashtu edhe kundrejt parashikimeve për vitin 2017 dogana ka arritur të kaloj projeksionit e qeverisë për 4 milion euro deri tani, respektivisht sipas trendeve aktuale deri në fund të vitit 2017 do të arrij rekord në mbledhjen e të hyrave, të cilat për këtë vit pritet të janë mbi 1 miliard e 100 milion euro.
Kjo rritje tregon edhe një herë përkushtim e Doganës në realizimin dhe mbushjen e buxheti ashtu që të Kosova të ketë fonde të mjaftueshme të cilat rikthehen tek qytetarët e Kosovës përmes investimeve në arsim, shëndetësi, siguri, infrastrukturë dhe shumë nevoja të tjera.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Ankandi Nr.04/2017

Prishtinë 15 qershor 2017 – dje njësit e Doganës së Kosovës gjatë patrullime rutinore në rajonin e Vushtrrisë kanë arritur të vërejnë sasi të duhanit pa banderola. Njësit e doganës menjëherë kanë organizuar një kontroll në lokacionin e dyshuar. Pas fillimit të kontrollës në lokacionin e dyshuar nuk janë gjetur cigare pa banderola por gjatë kontrollit të automjeti të dyshuarit janë gjetur sasi të konsiderueshme të duhanit.  Sasia totale ishte rreth 22000 copë cigare të llojeve si West, Dard, King, Bohemi, Winston, Trakadero. Automjeti dhe duhani janë konfiskuar derisa ka filluar procedura kundërvajtëse dhe hetimore për prejardhjen e tyre.

Kurse sot në zbatim të urdhëresës së Gjykatës, është zhvilluar një kontroll në 3 lokacione të ndara, ku gjatë ushtrimit të kontrollit janë ndalur dhe sekuestruar:

• 870 kg duhan fletë
• 280 kg duhan i grirë
• 2 makina për bluarjen e duhanit
• 1 pistoletë

Derisa bluarja dhe shitja në treg e këtij duhani në mënyrë te paautorizuar duke iu shmanguar të gjitha kontrolleve do të shkaktonte evazion fiskal për shumën e taksave në lartësi rreth 40000 €.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prishtinë, 9 qershor 2017, – Drejtoresha e Përgjithshme e Doganës Shqiptare Znj. Belinda Ikonomi së bashku me bashkëpunëtor është pritur sot nga Drejtori i Përgjithshëm i Doganës së Kosovës zt. Bahri Berisha.

Edhe ky takim bilateral i drejtorëve të përgjithshëm të Doganës së Kosovës dhe Doganës së Shqipërisë kishte për qëllim thellimin e bashkëpunimit të ndërsjellë në fushën e doganës dhe eliminimin e barrierave potenciale në mes të dy vendeve tona.

Derisa takimi formal u zhvilluar rreth temave të mëposhtme siç janë:

• Shkëmbimi I informacionit midis dy administratave;
• Diskutim lidhur me vlerën doganore dhe procedurat e aposteriorit;
• Lehtësimi i tregtimit mes dy vendeve;
• Diskutim rreth grupit punues për portin e Durrësit;

Gjithashtu u diskutuan edhe tema të ndryshme duke theksuar se tanimë Dogana e Kosovës dhe ajo Shqiptare kanë një bashkëpunim të shkëlqyer, bashkëpunim ky i cili lehtëson në masë të madhe tregtinë në mes të dy vendeve tona.

Të dy drejtorët e përgjithshëm pas takimit konkluduan se marrëdhëniet në mes të dy Doganave janë në nivelet më të larta të mundshme.

Prishtinë 7 qershor 2017 – nën organizimin e Departamentit amerikan për tregti dhe të përkrahur nga Ambasada amerikane në Prishtinë është duke u mbajtur trajnimi dy ditor për konceptin e Operatorëve ekonomik të autorizuar. Përveç Doganës së Kosovës në këtë trajnim janë duke marr pjesë edhe oda amerikane në Kosovë si dhe përfaqësuesit e bizneseve Kosovare. Hapja e trajnimi u bë nga përfaqësuesja e ambasadës amerikane znj. Megan Naylor e cila theksoj se “Qeveria e SHBA është e  përkushtuar në përkrahjen e institucioneve të Kosovës, edhe ky trajnim tregon qartë angazhimin tonë në ndërtimin e institucioneve dhe ndihmë për zhvillimin e biznesin”.

Nga ana tjetër drejtori i përgjithshëm tha “Fillimisht falënderojë qeverinë amerikane për përkrahjen e vazhdueshme të ofruar Doganës respektivisht Kosovës. Duke qenë anëtarja më e re e Organizatës Botërore të Doganave ne kemi obligime dhe gatishmëri për zbatimin e konventave të OBD-së. Modernizimi i doganës dhe harmonizimi me standardet ndërkombëtare paraqesin një objektiv kryesor në drejtim të lehtësimit të tregtisë. Koncepti I operatorëve ekonomik të autorizuar ofron partneritet në mes të Doganës dhe tregtarëve duke iu lejuar operatorëve ekonomikë të lehtësira.  Megjithatë, teksa ne jemi në hapat e fillestar  konsiderojmë se ende ekzistojnë disa çështje në lidhje me OAE  prandaj edhe ky trajnim është në përputhje me objektivat e përgjithshëm të doganës”.

Gjithashtu edhe udhëheqësi  I odës amerikane z. Arian Zeka theksoi se “Gjatë viteve të fundit kemi parë progres të madh në doganë, pasi që edhe ne si odë kemi ulje të numrit të ankesave në procedurat doganore, prandaj mbështetja e Departamentit Amerikan për tregti  besoj se duhet të zgjerohet edhe tek gjykatat me theks të veçantë tek çështjet fiskale”.

Derisa ky është trajnimi I gjashtë me rradhë që organizohet me mbështetje nga ambasada amerikane dhe Departameti amerikan për tregti.

Koncepti i Operatorëve Ekonomik të autorizuar “OAE mund të përkufizohet si një operatorë i cili konsiderohet i besueshëm në kontekstin e operacioneve të tij të ndërlidhura me çështje doganore  dhe të çështjeve të sigurisë dhe për këtë arsye ka të drejtë të gëzoi përfitime  në territorin doganor të Kosovës”

Prishtinë 6 qershor 2017 – Dogana e Kosovës është duke vazhduar me aksionet dhe performancën e lartë në zbatimin e ligjit për lojërat e fatit, gjatë këtij pesë (5) mujori ne kemi arritur që të konfiskojmë lojëra fati në 107 raste, respektivisht kontrolla.

Në këtë periudhë Dogana ka aplikuar kontrolle të rrepta në tërë territorin e Kosovës ku vetëm vlera e mallrave të konfiskuara (aparate për lojëra fati, pajisje etj) ka arritur në afër 200.000 euro. Derisa edhe kemi gjobitur 189 bastore sportive për funksionim ilegal, respektivisht për mos-pagesë të taksës së akcizës. Derisa në total gjobat në këtë pesë mujor kanë arritur në 142,800 €uro. Krahasimi me vitin e kaluar tregon që kemi rritje të performancës në kundërvajtje me 68% më shumë.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prishtinë 2 qershor prill 2017 – Dogana e Kosovës ka vazhduar me performacën të lartë në mbledhjen e të hyrave.  Në këtë pesë (5) mujor ne kemi rritur të hyrat në krahasim me vitin e kaluar me 11,2 milion më shumë.

Krahasimi ne mes të viteve 2016 dhe 2017 në periudha të njëjta kohore tregon që kemi një rritje prej rreth 3 % më shumë, apo shprehur në milion kjo është afër mbi 11 milion. Derisa gjatë vitit 2016 dogana kishte mbledhur 390,3 milion euro kurse gjatë këtij vitin e kemi arritur të kalojnë 401,5 milion, vërehet rritje tek taksa e TVSH-së  me 6.8 % dhe tek akciza me 2.8 % më shumë se viti i kaluar. Derisa me projeksionin (1 miliard e 100 milion) të përcaktuar për vitin 2017 dogana është në nivelin e mbledhjes prej 99%.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

NJOFTIM MBI PRAGUN MINIMAL TË NGRITJES SE

ÇMIMIT TË SHITJA E MALLRAVE TË KONFISKUARA