Lajmet

Paris, Të martën, me date 10 Nentor, Dogana e Kosoves ka nenshkruar nje marreveshje per bashkepunim me Doganen Franceze. Marreveshja eshte nenshkruar nga ana e Drejtorit te Pergjithshem te Doganes se Republikes se Kosoves z. Naim Huruglica dhe Drejtorit te Pergjithshem te Doganes se Republikes se Frances z. Jerome Fournel, dhe ka si qellim ngritjen e bashkepunimit ne mes te dy Institucioneve, si ne fushen e shkembimit te te dhenave po ashtu edhe ne fushen e shkembimit te eksperiencave. Kjo marreveshje po ashtu besohet se do te ndihmoj ne lehtesimin e tregtise ndermejt dy vendeve, duke ju mundesuar bizneseve nga te dyja vendet lehtesira gjate aplikimit te procedurave doganore.

Kjo per Doganen e Kosoves eshte marreveshja e dyte nderkombetare e nenshkruar ne fushen e Doganave, pas asaj me Shqiperine, kurse ne proces te negociimit jane edhe 18 marreveshje tjera, me vendet partnere tregtare me Kosoven.

Si pjese e ketij procesi negociues me vendet partnere në afarizmin e jashtëm nje delegacion i Doganës së Kosovës gjatë javës së kaluar  (5 nëntor 2009)  në krye me Drejtorin e Pergjithshem gjithashtu pati takime në Ljublane te Sllovenise ku u prit nga Drejtori i Pergjithshem i Doganes Sllovene, z.Rajko Skubic me bashkepunetorë. Edhe në këtë takim u diskutua bashkëpunimi bilateral dhe mundësia e përmbylljes së marrëveshjes per bashkepunim.

Prishtinë 27 tetor 2009- Në degën doganore Aeroport rreth orës 21:45 oficerët doganor kanë zbuluar dy pushkë gjuetie, municion si dhe paisje speciale për bartje të armëve

Gjatë kryerjes së kontrollit të udhëtarëve të sapo arritur në Kosovë, me hyrje në kanalin e gjelbërt udhëtari në fjalë dëshmon që nuk kishte asgjë për të deklaruar për doganë. Mirëpo oficerët pas një kontrolli rutinor kanë zbuluar këtë sasi të mallit: 

•  Pushkë gjuetie-gjysmë automatike – Tipi Remington
•  Pushkë gjuetie-mekanike – Tipi Remington 
•  SY OPTIK  – Tipi Simmons
•  SY OPTIK  – Tipi Tasco
•  Një pako speciale për bartjen e armëve
•  Municion – Kalibri 7.62mm, 192 copë
•  Një karikator
•  Katër rrethatore për bartjen municionit

Armët dhe municioni i zbuluar, është konfiskuar nga Dogana, ku bashkë me dokumentet përcjellëse i dorëzohet Policisë Kufitare për procedim të mëtutjeshëm.

Në prani të Ministrit të Ekonomisë dhe Financave, z. Ahmet Shala dhe Ministrit të Punëve të Brendshme, z. Zenun Pajaziti, sot u bë nënshkrimi i Memorandumit të Mirëkuptimit trepalësh, ndërmjet Administratës Tatimorë të Kosovës, Policisë së Kosovës dhe Doganave të Kosovës.

Pas nënshkrimit të Memorandumit Ministri i MEF, z. Ahmet Shala , tha se “ Me këtë nënshkrim kurorëzohet objektivi ynë i kahershëm për të shkëmbyer të gjitha informacionet dhe për të bashkëpunuar ngushtë në luftën kundër informalitetit dhe në  funksionimin e shtetit të Kosovës, me qëllim  që  të gjithë qytetarët të vetëdijesohen për obligimet  e tyre ligjore që kanë për pagimin e taksave dhe zbatimin e ligjeve në çdo aspekt të jetës”. Ai  më tej shtoi se “Të tri institucionet bashkërisht  do të punojnë në mbledhjen e taksave qoftë në kufi a po brenda kufirit, duke luftuar në çdo aspekt anashkalimin dhe mosrespektimin e ligjeve dhe procedurave ligjore nga taksapaguesit”.  

Ndërsa Ministri, z. Zenun Pajaziti, u shpreh se “Nënshkrimi i këtij memorandumi është aktivitet normal në  frymën e koordinimit më të mirë të këtyre institucioneve”. Gjithashtu ai shtoi se “Ky bashkëpunim është në frymën e rekomandimeve të bëra nga raporti i progresit i Bashkimit Evropian dhe për këtë  ne  do të vazhdojmë të punojmë në aktivitete, të cilat dalin si sfida para nesh, për sa i përket forcimit të efikasitetit të doganave në përgjithësi dhe menaxhimit te integruar te kufirin në fushën e sigurisë”.

Me këtë rast u bë edhe përurimi i Qendrës Nacionale të Kontrollit te Kufijve, ku Qendra Operative e Doganës se Kosovës është shndërruar në Qendrën Nacionale të Kontrollit të Kufijve, në të cilën do të punojnë  bashkërisht Dogana, Policia, dhe Agjensioni i Ushqimeve të Kosovës,  për zbatimin praktik të Menaxhimit te integruar të Kufijve.

Prishtinë, 12 tetor 2008 – Njësitë Doganës së Kosovës, respektivisht  dega doganore në Aeroport ka konfiskuan sasi të konsiderueshme të telefonave mobil të cilët ishin fshehur dy çanta. Oficerët e Doganës së Kosovës gjatë ushtrimit të kontrollit në aeroportin e Prishtinës arritën të gjanin tek një udhëtari i cili vinte nga Zvicra sasi të konsiderueshme të telefonave mobil. Ky udhëtar mbate dy çanta të cilat oficerët doganor fillimisht i skanuan dhe arritën të dallonin se kishte të fshehur diçka në çanta. Pas hapjes fizike të këtyre çantave dyshimet e oficerët u vërtetuan.  

Më poshtë është dhënë sasia e konfiskuar e telefonave mobil:  

• ·        Nokia 2330                              62 copë
• ·        Nokia 1209                              10 copë
• ·        Samsung M610                       129 copë
• ·        Samsung C270                         21 copë
• ___________________________________________
• Totali                                              222 copë 

Supozohet se vlera e përgjithshme e këtyre pajisjeve është mbi 6700 euro. Malli është konfiskuar dhe lënda procedohet më tej në komisionin për kundërvajtje.