Lajmet

 

Prishtinë, 4 shkurt 2010 sot në Drejtorinë e Doganës u bë nënshkrimi i memorandumit për bashkëpunim në mes të Doganës së Kosovës dhe Agjensionit kundër korrupsionit.   Sipas këtij memorandumi palët do t’i ofrojnë njëra tjetrës informata për çështjet qe janë me interes të dyanshme në fushën e parandalimit, hetimit dhe ndalimit të dukurive korruptive dhe veprave penale; do të shkëmbejnë informacione; të bashkëpunojnë plotësisht në zbatimin e Ligjit Kundër Korrupsionit . Gjithashtu palët nënshkruese të këtij Memorandumi pajtohen që të zgjerojnë fushën e bashkëpunimit në luftimin e korrupsionit edhe përmes formave të tjera si:

•   Trajnimet e përbashkëta;
•  Pjesëmarrja në Seminare të përbashkëta;
•  Bashkëpunim në sferën e hetimeve penale apo administrative të natyrës përkatëse. 

Ky është memorandumi i tretë i nënshkruar nga Dogana e Kosovës pas memorandumeve për bashkëpunim me Administratën Tatimore të Kosovës dhe Policinë e Kosovës.    

  Prishtinë 28 janar 2010, Dogana e Kosovës edhe gjatë ditës së sotme ka vazhduar aksione për kontrollin e tregut dhe konfiskimin e mallrave ilegale. Gjatë ditës së sotme është ndërmarr  kontroll ndaj  dy kompanive në Graqanicë.   Në aksionin e organizuar sot, me përkrahje edhe nga Policia e Kosovës (TASK Force) u zbuluan dhe konfiskuan mbi 2357 litra pije të ndryshme alkoolike pa banderola (pulla fiskale), prej te cilave verë 1520 litra dhe pije te forta alkoolike 837 litra.   E tërë sasia e zbuluar nuk ka pasur pulla fiskale çka nënkupton që janë produkte ilegale. Mallrat I janë nënshtruar konfiskimit, kurse Dogana e Kosovës ka hapur hetimet ndaj subjekteve tregtare tek te cilat janë gjetur këto pije. Dogana iu bën thirrje të gjithë qytetarëve të Kosovës qe të mos konsumojnë pije alkoolike pa pulla fiskale,  sepse përveç që shkaktojnë humbje në taksa për buxhetin e Kosovës gjithashtu dëmtojnë shëndetin e popullatës, pasi qe janë të prodhuara ilegalisht dhe në mënyrë të pakontrolluar.    

  Hani i Elezit 28 Janar 2010- Në pikë kalimin kufitar Hani i Elezit, Oficerët Doganor kanë parandaluar sasi të konsiderushme të arit gjatë një tentim kontrabandimi.   Automjeti i markës Hundai me targa të Shkupit është ndalur nga oficerët doganor për një kontroll rutinore. Pasi është pyetur se mos kishte diqka për të deklaruar, personi në fjalë, është përgjegjur që nuk ka asgjë. Më pas oficerët filluan kontroll më detale të automjetit dhe udhëtarit, ku në pallton e tij zbuluan se kishte të fshehur sasi të arit. Sasia e arit të zbuluar ishte afro 1 kilogram. E tërë sasia e zbuluar është konfiskuar, si dhe rasti do ti nënshtrohet procedurës së kundërvajtjës doganore.                    

  Prishtinë 27 janar 2010, Dogana e Kosovës është duke ndërmarr aksione të vazhdueshëm për kontrollin e tregut dhe konfiskimin e mallërave të dyshimta. Gjatë dy ditëve të fundit kemi ndërmarr kontrollë ndaj kompanive të ndryshme per verifikim të banderolave në pijet alkoolike, cigare, si dhe verifimkimin e produkteve tjera.     Aksioni është zhvilluar në rajonin e Prishtinës dhe Mitrovicës, ku në këtë aksion njësitë e Doganonës kanë zbuluar sasi të konsiderueshme të pijeve alkoolike pa banderola, dhe me banderola falso. Po ashtu edhe sasi të pijeve energjike – Red Bul, Cigare, sasi çokolade, etj, të gjitha këto të pa kontrolluara.   Mallërat e konfiskuara në këto rajonë janë si në vijim:   

•   Pije alkoolike me banderola falsë dhe pa banderola ( raki ,verë )        
•   Birra Heineken        
•   Çokollatë         
•   Red Bull –pije energjike        
•   Cigare   

 E tërë sasia e zbuluar është konfiskuar kurse hetimet mbi falsifikimin e banderolave dhe prodhimin e këtyre pijeve gjegjësisht, mallërave të kontrabanduara, janë duke vazhduar.     Aksioni i tille ende është duke u zhvilluar përfshirë teritorin e Kosovës, andaj Dogana e Kosovës i bënë thirrje të gjithë qytetarëve të Kosovës të mos konsumojnë pije alkoolike pa banderola sepse përveç që shkaktojnë humbje në taksa për buxhetin e Kosoves gjithashtu janë të prodhuara ilegalisht dhe në menyrë të pakontrolluar.