Lajmet

Prishtinë 8 Qershor 2010 –  Dogana e Kosovës është duke ndërmarre aksione të vazhdueshëm për kontrollin e tregut dhe konfiskimin e mallrave të dyshimta. Gjatë dy ditëve të fundit kemi ndërmarrë kontrollë në disa lokacione të ndryshme, për verifikimin e  banderolave në pijet alkoolike dhe cigare. Aksioni është zhvilluar në rajonin e Prishtinës dhe Gjakovës, ku në ketë aksion njësitë e Doganës  kanë zbuluar sasi të pijeve alkoolike të llojeve të ndryshme, po ashtu edhe një sasi e cigareve.

Mallrat e zbuluara si pijet alkoolike gjithashtu edhe cigaret kryesisht ishin pa banderola, apo me banderola të vendeve fqinje por ka edhe prej atyre që dyshohen të jenë të falsifikuara, që nuk u dihej prejardhja.

Sasia:

• Alkool mbi 13,930 cope paketimesh te ndryshme,

E tërë sasia e zbuluar është konfiskuar sipas Kodit të Doganës dhe akcizave, kurse hetimet mbi falsifikimin e banderolave dhe prodhimin e këtyre pijeve gjegjësisht mallrave të kontrabanduara janë duke vazhduar. Aksioni i tille është duke u zhvilluar në tërë territorin e Kosovës. Dogana e Kosovës i bënë thirrje të gjithë qytetarëve të Kosovës të mos konsumojnë pije alkoolike pa banderola sepse përveç që shkaktojnë humbje në taksa për buxhetin e Kosoves gjithashtu janë të prodhuara ilegalisht dhe në mënyrë të pakontrolluar.

Mitrovicë 06 Qershor 2010 – Njësitet e Doganës së Kosovës gjatë ditës së djeshme (06/06/2010) kanë parandaluar disa raste të kontrabandës me naftë, cigare dhe një rast me armë.

Në regjionin e Mitrovicës njësitet e Doganës gjatë të dielës (06/06/10) kanë parandaluar dhe njëkohësisht kanë konfiskuar mbi 1100 litra naftë e cila tentonte të futej nga veriu. Dogana ka zbuluar dhe parandaluar katër rastet të kontrabandës, respektivisht tentimet për të futur naftë ilegalisht prej pjesës veriore. Kundër të involvuarve (shtetas Kosovar, Malit të zi dhe Serbisë) ka filluar procedura kundërvajtjes doganore konform Kodit Doganore dhe të Akcizave kurse mallrat e kontrabanduara (nafta) menjëherë i janë  nënshtruar konfiskimit.

Në regjionin e Gjilani një shtetas Kosovar ka tentuar të kontrabandojë mbi 50 boksa cigare kanë të cilat I transportonte në veturën private, Dogana e Kosovës ka arritur të parandalonte si dhe të konfiskonte mallrat kontrabandë. Kundër personit ka filluar procedura e kundërvajtjes doganore sipas Kodit Doganës dhe të Akcizës.  

Në Aeroportin ndërkombëtar të Prishtinës gjatë kontrollës së udhëtarëve në arritje oficerët doganor kanë konfiskuar një pushkë gjuetie dhe 100 Fishekë, pasi që importi I armëve është I ndaluar, ky rast I është dorëzuar Policisë se Kosovës për procedurat tjera.  

Prishtinë, 02 Qershor 2010 –  Sot Dogana e Kosovës në bashkëpunim me Policinë e Kosovës, kanë kryer një aksion, në lagjen Kodra e trimave në Prishtinë, ky aksion është organizuar pasi dyshohet që në atë lokacion gjendeshin mallra të kontrabanduara nga Serbia, respektivisht alkool.

Pas dyshimeve fillestare se në këtë lokacion kishte mallrave të kontrabanduara Dogana e Kosovës dhe Policia e Kosovës, kanë bërë kontrollin e njërës shtëpi private në këtë lagje, me ç’rast kanë zbuluar pije alkoolike të llojeve të ndryshme, me origjinë nga Serbia, të cilat kanë qenë pa banderola, disa me banderola të Serbisë, por kishte edhe të pa etiketuara, që nuk dihej fare origjina e tyre. Gjatë këtij aksioni njësit e Doganës kanë konfiskuar sasi të konsiderueshme të Alkoolit pa banderola.

Sasia e zbuluar ishte rreth 3500 cope pije alkoolike (verë, rum, likere etj)  me vlerë afro 10.000 €uro, kjo sasi menjëherë është konfiskuar nga Dogana dhe do të trajtohet konform dispozitave për mallrat e konfiskuara, kurse ndaj palës përgjegjëse në procedurë do të iniciohet kallëzim penal konform dispozitave të nenit 300 të Kodit Doganor dhe Akcizave në Kosovë.

Dogana iu bën thirrje të gjithë qytetarëve të Republikës së Kosovës se nëse hasin në pije alkoolike pa banderola të Kosovës menjëherë të lajmërojnë në doganë apo institucionet tjera të zbatimit të ligjit.  

Prishtinë, 14.05.2010 gjatë javës së fundit  njësitet e doganës, kanë    parandaluar rreth  15 raste të ndryshme të tentim kontrabande nëpër vendkalimet kufitare. Vlera e përgjithshme e këtyre kundërvajtjeve, mallrave është afro 7000 euro

Në degën Degën Doganore Aeroport Oficerët Doganor gjatë kontrollit zbuluan të fshehur 4 llap top, të pa deklaruar, me qëllim të shmangies së taksave doganore. Gjithashtu në këtë pikë ishin zbuluar afro 35 fustane solemn me vlera të larta, arsyeja ishte mos deklarimi i sakët i mallit.

Në  rajonin e Mitrovicës, njësitë antikontrabandë kanë zbuluar disa raste në tentim kontrabande kryesisht të produkteve  ushqimore,si vaj ushqimorë rreth 380 litra, pije të gazuara rreth 1600 litra. Gjithashtu kishin zbuluar edhe disa raste me derivate të naftës, rreth 870 litra.

Tentim kontrabande ka pasur edhe në pika të ndryshme kufitare, kryesisht të mallërave me vlera më të ulëta.

Të gjitha mallrat e zbuluara janë konfiskuar, dhe do ti nënshtrohen procedurës për kundërvajtje Doganore.

Prishtinë 7 maj 2010  në Republikën e Kosovës është duke qëndruar një delegacion nga Dogana Franceze që kryesohet nga Drejtori i Përgjithshëm i këtij institucioni z. Jerome Fournel me bashkëpunëtor. Ky delegacion po qëndron në vendim tone si vazhdimësi e takimeve bilaterale të cilat u mbajtën më herët në Francë. Gjatë takimit të drejtorëve gjeneral, Drejtori i Doganës së Kosovës ka bërë një prezantim lidhur me progresin e bërë nga Dogana e Kosovës gjatë periudhës së fundit.

Pas takimit Drejtori Huruglica tha se kjo vizitë i shërben ngritjes së bashkëpunimit mes dy organizatave dhe ofron mundësi që Dogana e Kosovës të përfiton nga përvoja doganës franceze.
Franca është një shtet i madh, i cili ka kufij të jashtëm me Bashkimin Evropian dhe ka një përvojë shumë të mirë se si menaxhohen kufijtë. Dogana e Kosovës do përfitojë nga përvoja e tyre, përfundojë Huruglica.

Temë tjetër e diskutuar ishte edhe interesi i përbashkët në luftën e krimit të organizuar, ku Franca ka një përvojë prej të cilës mund të përfitojmë në shumë aspekte.

Dogana e Kosovës dhe ajo e Franceze kanë nënshkruar një marrëveshje me 10 nëntor 2009.