Lajmet

Hani Elezit, 9 tetor 2009.- Sot rreth orës 14:45 pas ndaljes se një autobusi i cili vinte nga Maqedonia zyrtarët doganore kanë ushtruar një kontrolle detaje të autobusit.

Gjate këtij kontrollit doganieret kanë hasur në sasi të municionit për revole me gaz, këta fishek kanë qenë të fshehur në autobus. Oficerët doganor kanë përdorur edhe Pajisjet e ekzaminimit si Fiber Scope, Pajisjet e dendësisë si dhe Radioaktivitetit

Municioni i zbuluar fishek 500 copë

Autobusi është nën mbikëqyrje doganore dhe kontrolla nga njësitet e doganës është duke vazhduar.  

Mitrovicë 5 tetor 2009,  të hënën në rajonin Mitrovicës (afër stacionit të trenave), njësit e doganës kanë ndaluar për kontrollë detale automjetin e tipit Audi 80 me tabela të Kosovës.

Gjatë kontrollimit detal të automjetit të lartpërmendur është zbuluar një sasi e fshehur alkoolit “Rubin” 40% dhe 600 paketime Orbit (8.4 kg). Malli është zbuluar i fshehur në rezervuarin e benzinës (rezervuari i automjetit  ishte i prere dhe i modifikuar në mënyrë speciale për kontrabandim të mallit). Automjeti i lartpërmendur kishte të instaluar sistemin e funksionimit me gaz natyror,  ndërsa rezervuari i karburantit ishte i dedikuar për kontrabandë të mallrave.

Pas zbulimit pala nuk posedonte asnjë dokumente lidhur me mallin, i njëjti person ishte recidivist në kontrabandim të mallrave në regjionin e Mitrovicës. Tërë sasia e mallit dhe automjeti janë konfiskuar dhe do t’i nënshtrohen procedurës së kundërvajtjes doganore.

Vlen të theksohet se gjatë këtij viti dogana ka parandaluar mbi 400 raste të tentim kontrabandimit dhe vlerësohet se niveli i kontrabandës në përgjithësi është arritur të zvogëlohet në masën prej 80%, dhe deri më tani janë shqiptuar gjoba afro 1 milion euro.

Vërmicë 27 Shtator 2009 – rreth orës 20:30  në pikë kalimin kufitar Vërmicë, pas ndaljes së një automjeti që vinte nga Shqipëria në drejtim të Kosovës, Oficerët doganor kanë zbuluar sasi të municionit.

Automjeti i markës Mercedes me targa të Tiranes e drejtuar nga ngasesi po ashtu shtetas i Shqiperise, eshte ndaluar nga oficeret Doganor dhe pas nje kontrolle detale të automjetit të lartëpërmendur kanë zbuluar të fshehur sasi municioni nën ulësen e prapme të automjetit.

Municioni i zbuluar ishte i kalibrit 7.62 në sasi prej 2519 pce. Me këtë rast është njoftuar edhe Policia, ku menjëher ka arrestuar personin I cili ishte edhe drejtuesi I automjetit. Po ashtu edhe municioni i zbuluar i është dorëzuar Policisë, si dhe rasti për procedurë të mëtutjeshme.

Prishtinë 24 shtator 2009. – Me datat 23 dhe 24 shtator është duke u zhvilluar një vizitë e Shërbimit Doganor Shqiptar ky delegacion është duke qëndruar në vizitë në Doganën e Kosovës dhe institucionet tjera të Republikës së Kosovës.

Dogana Shqiptare përfaqësohet nga një delegacion i kryesuar nga Drejtori i Përgjithshëm i saj, z. Endri Pema me bashkëpunëtor. Takimet dhe vizitat e para u realizuan gjatë ditës së djeshme në pikën doganore të Vermicës ku u diskutuan problemet e përbashkëta si dhe përpjekjet e dyanshme për të luftuar kontrabandën.

Drejtori i përgjithshëm zt. Naim Huruglica prezantojë para doganës shqiptare të arriturat e Doganës së Kosovës gjatë dhjetë viteve të ekzistencës së saj. 

Sot, është mbajtur takimi kryesor në Drejtorinë e Doganës ku temat e diskutimit ishin:

•   bashkëpunimin doganor dypalësh, 
•   çështjet fiskale,
•   inkurajimin e biznesit, dhe
•   lehtësimin e procedurave doganore.

Gjithashtu gjatë ditës së sotme delegacioni shqiptar mbajti takime me zëvendës ministrinë për ekonomi dhe financa zt. Bedri Hamza si dhe takimi me përfaqësues të Odës ekonomike Kosovare.

Kjo vizitë shërben për forcimin e mëtejmë të marrëdhënieve të cilat tanimë janë në një nivel të lartë. Të dy palët janë pajtuar për shkëmbimin elektronik të informatave në çështjet e zbatimit të  ligjit për parandalimin e kontrabandës si dhe në përmirësimin e mëtejmë të koordinimit të aktiviteteve.