Lajmet

Prishtinë 9 shkurt 2017 – sot në drejtorin e Doganës u mbajt ceremonia e pranim – dorëzimit të detyrës së drejtorit të përgjithshëm nga U.D. Fahri Gashi tek drejtori i ri i përgjithshëm z. Bahri Berisha.

Gjatë pranim dorëzimit të detyrës Ministri I financave z. Hoti theksoj “Është përzgjedhur drejtori i ri i Doganës i cili ka përvojë të jashtëzakonshme në Doganë prej ditëve të para . Më vjen mirë që të gjitha reagimet kanë qenë pozitive si nga zyrtarë doganorë, si nga stafi, si nga shoqëria civile si nga bizneset për këtë përzgjedhje që kemi bërë dhe emërimin që ka bërë kryeministri për Bahri Berishën, me një proces që besoj ka vendosur standarde të larta në mënyrë se si emërohen njerëzit në pozita të larta drejtuese nëpër institucione të vendit. Ne nga dogana presim që të mbledh 1 miliardë e 108 milionë euro, duke arritur rekord të të hyrave nga ky institucion.”

Nga ana tjetër drejtori I sapo zgjedhur z. Bahri Berisha theksoi se “Për mua kjo sot nuk është privilegj që kam marrë një detyrë të re , por është një përgjegjësi që e kam marrë me drejtuar një institucion drejt arritjes së objektivave në mbrojtje të shoqërisë dhe ekonomisë në përgjithësi. Unë do të vazhdojë një rrugë e cila është ndërtuar tash e sa vite  në ndërtimin dhe zhvillimin e mëtutjeshëm të kapaciteteve të Doganës”.

Prishtinë 13 janar 2017 – Njësit e Doganës e Kosovës sot në mëngjes kanë arritur të kapin mbi 25 kg narkotikë të llojit marihuanë.

Sot gjatë kontrollit të autobusit së linjës Prishtinë – Tiranë – Prishtinë njësitet e doganës kanë selektuar për kontrollimin detal këtë autobusit. Gjatë kontrollës së ushtruar nga oficerët doganor të valixheve të udhëtarëve në dy prej tyre është hasur në lënde të dyshuar narkotike e llojit marihuanë së sasi totale prej 25.8 kg. Pas bashkëpunimit me policinë është identifikuar edhe personi në pronësi të valixheve i cili është arrestuar nga ana e Policisë së Kosovës. Rasti së bashku me lëndën narkotike i është dorëzuar Policisë për vazhdimin e hetimeve.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.  

Prishtinë 29 dhjetor  2016 – Menaxhmeti i Doganës sot mbajti konferencën përmbyllëse të vitit. Gjithashtu në këtë konferencë mori pjesë edhe ministri i financave z. Hoti.

“Të hyrat gjatë vitit 2016 patën një performacë të jashtëzakonshme, ne arritëm që të tejkalojmë mbi 1 miliard euro për buxhetin e Kosovës ku kjo shifër paraqet rekord, gjithashtu kjo shifër behet edhe me domethënëse kur merret parasysh se nga 1 prilli I këtij viti kemi filluar edhe me implementimin e MSA e cila efektin financiar e kishte që nga dita e pare e implementimit. Profesionalizimi I doganës ndikoj direkt që të ruhet stabiliteti dhe performanca e doganës, për ketë arsye kemi të hyrat qe përveç ishin konstante gjatë tërë vitit patët edhe tendence rritje” theksoi u.d. i Drejtori të Përgjithshëm z. Fahri Gashi.

Përveç mbledhjes së suksesshme të taksave z. Gashi foli edhe për zbatimin e ligjit ku “dogana gjatë këtij viti  ka ushtruar njërin prej aksioneve më të mëdha i koduar si QARK-u, ku 800 zyrtarë nga DK, PK, ATK, kane marr pjese ne ketë aksion e që ka përfunduar me 20 të arrestuar dhe zbulimin e mbi 3 milion euro shmangie. Gjithashtu  kemi ngritur 80 kallëzime penale kundër 164 personave, per shmangie mbi 2.5 milion kemi zbuluar mbi 350 kg lëndë narkotike, dhe janë shpërbëre tri grupe te krimit te organizuar  me rreth 70 persona”.

Nga ana tjetër ministri z. Hoti theksoi se “ky ishte një vit shumë i suksesshëm dhe paraqet një rekord në grumbullimin e të hyrave, dogana arriti që tri ditë para përfundimit të vitit të tejkaloj  projeksionin duke mbledhur 1 miliardë e 40 milionë euro. Pavarësisht se parashikimi i të hyrave është rritur me rastin e rishikimit të buxhetit dhe pavarësisht prej faktit që si rezultat I pakos fiskale kemi pasur minus 23 milionë lirime të ndryshme të lëndëve të para për makineri dhe produkte tjera, dhe kemi pasur minus 25 milionë euro si rezultat i zbatimit të MSA-së nga data 1 prill e këtij viti. Pra në total kemi 48 milionë euro më pak për shkak të politikave fiskale dhe MSA-së, ndërkohë që dogana arrin që të realizojë dhe të tejkaloj planin për këtë vit, derisa viti  2017 do të jetë edhe më sfidues për Doganën, ngase ka në projeksion 1 miliardë e 108 milionë euro”

Prishtinë 23 dhjetor  2016 – Njësit e Doganës e Kosovës në bashkëpunim të ngushtë me Policinë e Kosovës  kanë arritur të kapin afër 20 kg narkotikë të llojit marihuanë.

Gjatë kontrollimit të automjeteve në pikë-kalimin e Kullës (regjioni Pejë), oficerët doganor kanë shfaqur dyshimet se një automjet me targa të republikës së Shqipërisë  mund të transportonte mallra të ndaluara. Pas ndalimit të automjetit dhe identifikimit të udhëtarëve (2 shtetas të Shqipërisë) automjeti është selektuar për kontrolle detale.

Gjatë kontrollit të ushtruar në automjetin e lartë përmendur së bashku me policinë është zbuluar një sasi e konsiderueshme e lëndës narkotike (dyshohet të jetë Marihuanë). Lënda narkotike u zbulua e fshehur në mes të bagazhit dhe ulëses së pasme. Vozitësi dhe bashkudhëtari janë arrestuar nga Policia kufitare në momentin e parë ku janë vërejtur pakot e dyshimta. Pas përfundimit të kontrollit sasia e saktë ishte e 17 pako apo 18 kg e 390 gram.

Rasti dhe substancat narkotike janë dorëzuar për procedim të mëtejmë tek policia si dhe personat janë dërguar në mbatje me urdhër të prokurorit kompetent.

Prishtine 22 dhjetor 2016, për herë të parë që nga themelimi i doganës 17 vite më parë është arritur të tejkalohen të hyrat e mbledhura në lartësinë prej 1 miliard euro (1,014,137,335.79 euro) kjo është një shifër rekorde.  

Rezultatet e mira në mbledhjen e të hyrave të cilat kanë pasur një performance të mirë janë duke vazhduar me një ritëm të lartë. Dogana e Kosovës ka trend të lartë të mbledhjes së të hyrave në këtë përfundim të vitit. Më saktësisht Dogana deri tani ka 98.2 milion më shumë se viti i kaluar shprehur në përqindje kemi 10,7 % më shumë. Derisa gjatë vitit të kaluar ne kishim 915,9 milion tanimë kemi mbi 1 miliard euro të grumbulluara.

Aksionet e shpeshta në luftimin e ekonomisë jo-formale, bashkëpunimi me qytetar, lehtësimi i procedurave të importit/eksportit, përdorimi i sistemeve të avancuara, eliminimi i procedurat burokratike dhe diskrecionit janë duke prodhuar rezultate optimale.

Prishtinë 22 dhjetor 2016 – Rritja e tregtisë me Shqipërinë dhe shfrytëzimi i porteve detare nga bizneset e Kosovës ka ngritur nevojën në marrjen e masave shtesë për përshpejtimin e procedurave të transitit në kufi me Shqipërinë dhe anasjelltas. Lidhur me ketë, Dogana e Kosovës me Doganat shqiptare kanë filluar një projekt të përbashkët i cili është plotësisht funksional.

Ky sistem ju mundëson bizneseve që të hapin një transit në territorin e Shqipërisë apo të Kosovës dhe të mbyllin transitin në vendin tjetër (Kosovë apo Shqipëri) duke shmangur kontrollet e panevojshme kufitare.

Para krijimit të korridorit të përbashkët procedurat e transitit merrnin shumë kohë për t’u përfunduar kurse aktualisht koha për përfundimin e procedurave kufitare është reduktuar shumë dhe merr më pak se 10 minuta. Kjo paraqet një përshpejtim të theksuar të procedurës së kalimit të kufirit dhe uljes së kostos për bizneset e përfshira në këto transaksione, përfshirë dhe kompanitë transportuese.

Investimet e përbashkëta në programe kanë bërë që më datë 19.12.2016, procedura e transitit të përbashkët të automatizohet në tërësi dhe ka filluar ndërlidhja automatike e sistemeve elektronike ndërmjet dy vendeve

Prishtinë 9 dhjetor 2016 –  Dogana e Kosovës me përkrahjen e Policisë kanë arritur që të parandalojnë një automjet transportues që barte mallra të kontrabanduara nga Maqedonia. Në afërsi të fshatit Debellde njësitet e Doganës kanë ndaluar një automjet RENAULT kombi pa targa i cili ka qenë i percjellur nga 2 vetura tjera dhe nga këmbësor të fshehur në mal. Gjatë tentimit për të ndaluar automjetin njësitet e doganës kanë hasur në rezistencë dhe janë kërcënuar me të shtëna ne ajër nga ana e kontrabanduesve, mirëpo njësit e Doganës kanë vënë situatën nën kontroll duke prangosur njësit prej kontrabandistëve.

Automjeti dhe sasia e mallrave që trasportonte (kontrabandonte) mbi 2 tonë janë konfiskuar derisa personi është arrestuar dhe dorëzuar në polici për vazhdim të rastit. Sasia e mallrave të ndaluara është si në vijim: