Lajmet

Peja – Kulla 24 prill 2009.- Në një aksion tjetër gjatë ditës se sotme njësite e antikontrabandës së Doganës kanë parandaluar një tentim kontrabandimi të pajisjeve te ndaluara, respektivisht në Pikë kalimin kufitar në mes të Republikës së Kosovës dhe Republikës së Malit të Zi (Kulla).

Rreth orës 14:40, gjatë kontrollës së veturës me targa të Malit të Zi  lloji Golf –III të cilin e ngiste një shtetas i Malit të Zi është hasur ne mall te fshehur (nën ulëset e prapme te automjetit) si në vijim:

 1. Elektro shok – 16 cope
 2. Kabllo kyçëse -17 cope

Malli ne fjale i është dorëzuar Policisë së Kosovës, pas konsultimin me Prokurorinë është  konstatuar se bëhet fjale për vepër Penale  dhe e njëjta i dorëzohet si rast Policisë së Kosovës për procedura të mëtutjeshme.

Sot njësit Anti-Kontrabande kane vendosur pika kontrolli ne magjistralet Prishtine – Peje dhe Prishtine – Ferizaj, me ç’rast kanë hasur në tetë automjete që nuk i janë nënshtruar procedurave doganore, këto automjete menjëherë i janë nënshtruar ndalimit të përkohshëm.

Dogana e Kosovës edhe një here paralajmëron të gjithë pronarët se të gjitha automjetet e pa-zhdoganuara me tabela të huaja të përkohshme, tabela tjera të parregullta (falsifikuar) apo pa to, që janë të ekspozuara për shtije apo ndalohen gjatë qarkullimit dhe që janë me të vjetra se tetë vite, do të konfiskohen menjëherë nga Dogana e Kosovës dhe të iniciohet Procedura Penale/Kundërvajtëse pranë Doganës së Kosovës. Kjo masë e ndalimit dhe gjobitjes vlen edhe për automjetet që mund të kenë tabela të huaja të rregullta dhe që ekspozohen për shitje nga pronarët që kanë vendbanimin në Kosovë apo jashtë vendit.

Deri më tani Dogana që nga fillimi i aksionit ka konfiskuar 13 automjete, njësite Anti-kontrabandë edhe ditëve ne vijim do te vazhdojnë kontrollin në regjione tjera te Kosovës, me qëllim te shtimit te mbikëqyrjes doganore për automjetet e pa-zhdoganuara.

Ferizaj 2 Prill 2009 – Sot në rajonin e Ferizajit njësitë anti-kontrabandë të Doganës së Kosovës në bashkëpunim me inspektor të Administratës Tatimore të Kosovës, kanë ndërmarrë një aksion për konfiskimin e pijeve ilegale të cilan kanë depërtuar ilegalisht në tregjet Kosovare.

Pas hetimeve të marra është vërejtur se në treg ka prodhime të cilat kanë arritur të kontrabandohen duke iu shmangur obligimeve Doganore dhe kontrollit sanitar.

Aksioni ishte i fokusuar në dy lokacione ku besohej të ketë pasur sasi të konsiderueshme të importeve ilegale.

Gjatë bastisjes së një depoje të pijeve, kontrollet kanë rezultuar me zbulimin e 192 copë pije energjike Red Bull, Ndërsa në lokacionin tjetër po ashtu pije energjike Red Bull 1080 copë.

Gjatë këtij aksioni nuk ka pasur të arrestuar, gjithësej sasia e konfiskuar e pijeve energjike Red Bull ishte 1272 copë

Ky aksion do të vazhdojë edhe në rajonet tjera ku dyshohet se ka mallëra të cilat iu kanë shmangur pagesës së taksave doganore.

Dogana e Kosovës i njofton të gjithë qytetarët e Kosovës, si dhe operatorët ekonomik, që si biznes kanë shit-blerjen e automjeteve, se ditëve në vijim njësitet e doganës do të ndërmarrin fushatë kontrolli ne gjithë Kosovën për ngritjen e nivelit të mbikëqyrjes doganore për automjetet e pa-zhdoganuara.

Dogana e Kosovës iu paralajmëron se në bazë të Kodit Doganor dhe të Akcizave, automjetet konsiderohen si çdo mall tjetër doganor dhe, si të tilla duhet t’u nënshtrohen procedurave doganore të parapara me Kodin Doganor dhe të Akcizave.

Me qëllim të evitimit të masave eventuale ndëshkuese, me poshtë ju informojmë se:

 Për të gjitha automjetet e pa-zhdoganuara që janë më të vjetra se tetë (8) vjet apo me pak dhe që janë të ekspozuara për shtije, apo ndalohen nga Njësitet e Doganës gjatë qarkullimit, duhet të prezantohet dëshmia, se për automjetin në fjalë është aplikuar një nga procedurat doganore të lejuara me Kodin Doganor dhe të Akcizave (dëshmia mbi zhdoganimin e automjetit, depo doganore etj), në të kundërtën automjeti do të konfiskohet nga Dogana dhe do të iniciohet Procedura Kundërvajtëse  pranë Doganës së Kosovës.

Kjo masë e ndalimit dhe gjobitjes vlen edhe për automjetet që mund të kenë tabela të huaja të rregullta dhe që ekspozohen për shitje nga pronarët që kanë vendbanimin në Kosovë apo jashtë vendit.

Të gjitha automjetet e pa-zhdoganuara me tabela të huaja të përkohshme, tabela tjera të parregullta (falsifikuar) apo pa to, që janë të ekspozuara për shtije apo ndalohen gjatë qarkullimit dhe që janë me të vjetra se tetë vite, do të konfiskohen menjëherë nga Dogana e Kosovës dhe të iniciohet Procedura Penale/Kundërvajtëse pranë Doganës së Kosovës.

 Nëse bizneset kanë në pronësi ose në posedim automjetet më të vjetra se tetë vite (te pazhdoganuara), atëherë ato duhet t’i eksportojnë, të lajmërojnë Doganën për asgjësimin e tyre nën mbikëqyrje doganore apo mund të heqin dorë nga këto automjete në favor të Doganës.

Si rrjedhojë e kësaj që u cek më lartë obligohen shitësit e automjeteve që menjëherë automjetet e tyre t’i vendosin në një nga procedurat e lejuara doganore, përndryshe do të ballafaqohen me masat ligjore të cilat i parasheh KDA-ja. 

Prishtinë 2 prill 2009 – Universiteti i Shkencave Organizative “Pjetër Budi” – Instituti për Studime ka organizuar debatin me temë “Përpjekjet e përbashkëta për mirëfunksionimin e doganave të Kosovës me shtetet fqinje dhe për luftën kundër korrupsionit“. Drejtori i përgjithshëM i Doganës së Kosovës z. Naim Huruglica, ishte I ftuar në këtë debat. Gjithashtu pjesemarrës tjerë ishin përfaqësues të doganës së Maqedonisë si dhe z. Hasan Preteni, Drejtor i Agjencisë Kosovare Kundër Korrupsionit.

Konferanca u hap nga drejtori I Agjencisë Kosovare Kundër Korrupsionit I cili ndër të tjera tha se me Doganën  e Kosovës ka një bashkëpunim të mirë sepse gjithëmon ka hasur në mirëkuptim dhe seriozitet.   Nga ana tjetër përfaqësuesja e doganës së Maqedonisë theksoj se gjatë vitit 2008 ka ngritur procedura kundrejt 243 oficerëve mbi barën e dyshimeve për korruppsion.

”Ka prani të koprrupsion në të gjitha vendet e ballkanit, prandaj edhe Kosova nuk është imune” theksoi drejtori i pergjithshem i Doganës së Kosovës z. Naim Huruglica, ku gjithashtu  foli edhe për praktikat e mira anti korrupsionin, sistemin e verifikimit të pasurisë  përmes deklarimit të pasurisë themelimin e njësitit e inspektimit të brendshem, si dhe krijimin e lidhje së sigurt për qytetarët (038 500 095) që iu mundëson atyre të ljamërojnë rastet e korrupsionit dhe kontrabandës.

Studentet pjesemarrës ishin të interesuar të pyesin dhe të marrin informata lidhur me funksioninmi e Doganës në përgjithsi, problemet në pjesën veriore, evazionin fiskal dhe masat që Dogana merr për luftimin e kontrabandes.

Hani i Elezit 19 mars 2009 – Rreth orës 17:00 në Pikë Kalimin Kufitar Hani i Elezit është zbuluar një revole e fshehur në ulësen e pasme. Një taxi me targa të Republikës Maqedonase, pasi që ketë hyrë në Republikën e Kosovës, iu është nënshtruar kontrollit rutinor, po ashtu edhe pasi që ishte pyetur nga Oficerët e Doganës së Kosovës se mos kishte për të deklaruar diqka për Dogane, u përgjegj që nuk kishte asgje. Ndërkaq pas kontrollit detal nga ana e oficereve Doganor, ishte gjetur një revole e tipit Zastava, që kishte qenë e fshehur nën ulesen e pasme të veturës.

Gjatë gjithë kohës së kontrollimit ishin prezent edhe njesiti i EULEX-it.  Pas zbulimit të ketij rasti, është lajmëruar Policia të cilët edhe janë marrë me tutje me rastin.

Prishtinë 19 mars 2009 – Gjatë tri ditëve të fundit njësitë anti-kontrabandë të Doganës, të asistuara nga Policia e Kosovës dhe Administrata Tatimore e Kosovës kanë ndërmarr një aksion të gjerë për konfiskimin e pijeve ilegale të cilat kanë depërtuar ilegalisht në tregjet e Kosovës.

Pas hetimeve që kemi ndërmarrë është vërejtur se në treg ka prodhime të cilat kanë arritur të kontrabandohen duke i shmangur obligimet doganore dhe kontrolleve sanitare, dyshohej se ky mall është kontrabanduar prej Serbisë. Dogana ka lokalizuar vendet dhe kompanitë e dyshimta.

Aksioni ka filluar me 17 mars 2009 dhe ishte fokusuar në tri rajone ku besohej se ka pasur sasi më të mëdha të importeve ilegale. Fillimisht në rajonin e Mitrovicës ku janë ushtruar kontrolle kundër kompanive për të cilat janë dyshuar se kanë bërë tregtim të mallrave të kontrabanduara nga Serbia, kontrollet kanë rezultuar me zbulimin e 7000 litra pije të gazuara Coca Cola dhe Fanta në këtë rajon. Aksioni më pas ka vazhduar me kontrollet në rajonin e Vushtrrisë ku janë kontrolluar kompanitë e dyshuara dhe njëkohësisht janë konfiskuar pije të ndryshme, respektivisht gjatë ditës dytë janë konfiskuara 1348 litra pije të gazuara dhe 2702 litra birrë. Ndërsa sot me (date 19.03.2009) në Prishtine subjekte afariste të dyshuara iu janë nënshtruar kontrolleve dhe prej tyre janë konfiskuar 5440 litra pije te gazuara Coca Cola dhe Fanta.

Gjate këtij aksioni nuk ka pasur të arrestuar, gjithsej sasia e konfiskuar e pijeve jo-alkoolike është rreth 15000 litra ku dominojnë pijet Coca Cola dhe Fanta të prodhuara në Serbi. Gjithashtu gjatë këtij aksioni kemi konfiskuar edhe produkte tjera si Birrë, lëngje frutash, cigare pa banderolla, produkte ushqimore etj. 

Ky aksion do të vazhdojë edhe në rajonet tjera ku dyshohet se ka mallra të cilat iu kanë shmangur pagesës së taksave doganore.

Mitrovicë – Vërmicë 11 dhe 12 mars 2009, mbrëmë njësitet e doganës kanë kapur një rast tentim kontrabandimi në regjionin e Mitrovicës, respektivisht dy persona kanë tentuar të kontabandojnë një sasi të konsiderueshme të duhanit. Kjo sasi ishte e fshehur në pjesët e brendshme të automjetit (Lada Niva) i cili vinte prej pjesës veriore të Mitrovicës dhe transportonte cigare pa banderolla.

Pas kontrollit fillestar oficeret doganor kanë hasur në pakot e duhanit të fshehur në mes të ulëseve së prapme dhe bagazhit, automjeti dhe personat janë dërguar menjëherë në terminalin doganor në Mitrovicë për kontroll detal. Ky kontroll ka rezultuar me këto lloje dhe sasi të gjetur:

• 1. Marlboro e kuqe    6400  copë cigare
• 2. Marlboro hiri          1000  copë cigare
• 3. Marlboro light        2400  copë cigare
• 4. Classic i kalter       3000  copë cigare
• 5. Classic i kuq          3600  copë cigare
• 6. Drina                      600  copë cigare
• 7. Winston                  200  copë cigare
• 8. Davidoff                  200  copë cigare
• ————————————————-
• Totali:                      17400  copë cigare 

Kurse në rastin e dytë të ndodhur sot në orët e mëngjesit në pikë-kalimin kufitar të Vërmicës oficerët e doganës kanë arritur të parandalonin një rast të tentim kontrabandës të një sasie të duhanit. Gjatë kontrollimit detal nga ekipi anti kontrabandë në një furgon i cili vinte nga drejtimi i Shqipërisë janë gjetur të fshehur nën dysheme të furgonit paketime të cigare Marlboro pa banderola. Sasia e konfiskuar në këtë rast është:

1. Marlboro e kuqe    29600  cope cigare

Automjetet bashkë me cigaret në të dy rastet janë vendosur nën mbikëqyrje doganore deri në përfundim të procedurës. Sasia totale e cigareve të konfiskuara gjatë 24 orëve të fundit është 47000 copë cigare.

Podujevë, 27 shkurt 2009– në venëdkalimin kufitar të Merdares në mes të Kosovës dhe Serbisë, rreth orës 06:00 të mëngjesit, njësitë e Doganës në bashkëpunim me Policinë e Kosovës kanë ndaluar një veturë të tipit Volvo me ngjyrë të kuqe të cilën e ngiste një shtetas  i Republikës së Kosovës, kjo veturë ishte në dalje nga Kosova.

Gjatë kontrollit nga oficerët e Doganave të Kosovës është gjetur një sasi që dyshohet të jetë substancë narkotike. Kjo sasi është gjetur në pjesën e përparme të veturës nga ana e brendshme në të dy shtyllat e veturës (shtylla ku është e ngjitur dera)

Pas analizave fillestare dyshohet se lloji I narkotikeve është kokainë, por ende priten rezultatet laboratorike kurse sasia është afër 700 gram. Kontrollimi detal i automjetit është kryer nga ana e oficereve te Doganës.

Policia e Kosovës ka arrestuar personin dhe ka proceduar me tej rastin.