Lajmet

Prishtinë 17gusht 2009, gjatë fundjavës  në pikë kalimin kufitar të Hanit të Elezit doganierët kanë kontrolluar në një veturë me targa të Shkupit, në të cilën është zbuluar një tentim kontrabandimi i një sasie të arit, rreth: 1.4 kg arit.

Malli është ndalur, konfiskuar dhe rasti është proceduar tek Komisioni për kundërvajtje Doganore. 
  Përshkrimi i malli i cili është konfiskuar:

•         Unaza                         172 cope
•          Lira “Qerek”                165 cope
•          Hallka dore                    6 cope
•         Unaza me guri               57 cope
•          Zinxhirë për meshkuj     15 cope
•          Kompleteve femrave     21 cope

    Dogana ka marrë masa për rritjen e kontrolleve kufitare dhe si rezultat ky është rasti i katërt i zbulimit të metaleve të çmueshme në Hani të  Elezit që nga qershor i këtij viti

Në natën, në mes të datës 03-04.08.2009 rreth orës 01.40 min gjatë një kontrolle rutinore të automjetit Audi A4 me targa të Kosovës në Han të Elezit, oficerët doganor kanë zbuluar një sasi të konsideruar të argjendit dhe bizhuterisë së kualitetit të lartë “ mbi 5kg Argjend dhe rreth 4kg Bizhuteri nga qeliku i pastër”.

Malli ka qene i fshehur në disa pjesë të veturës, kryesisht në ulësen e pasëm dhe në vendin e gomës reserve. Malli I është nënshtruar procedurës së konfiskimit. Vlen të ceket se që nga muaji Qershor-2009 e gjerë më sot ky është rasti i tretë i zbulimit të arit dhe argjendit, në pikën Doganore të Hanit të Elezit.

Prishtinë- Me datën 02.07.2009  ekipet anti-kontrabandë të Doganës kanë ushtruar kontroll një lokal në Prishtinë. Njësitë e Doganës  gjatë operacionit të ushtruar në ketë lokal afarist kanë hasur në një sasi  prej 44 boksa të cigareve pa banderola. Në konsultim me Prokurorinë është ushtruar kontroll edhe në shtëpinë e  pronarit dhe aty janë gjetur një sasi alkooli afro 600 litra pa banderola, e gjithë sasia është konfiskuar dhe është vendosur nën mbikëqyrje të Doganës.

Gjithashtu është kontrolluar  garazhi në afërsi me urdhër të Prokurorit dhe është zbuluar një sasi prej 700 boksa të llojeve të ndryshme të cigareve pa banderola të cilat janë konfiskuar.

Po në këtë vend është gjetur një automjet i ngarkuar me cigare, pas kontrollit në veturë kishte një sasi prej 568 boksa të llojeve të ndryshme me banderola mirëpo në brendi të tyre kishte një sasi prej 42 boksave cigare të llojit Drina pa Banderola si dhe produkte tjera pa origjinë.

Pra sasia totale e konfiskimeve në aksionin e djeshëm është:

• Cigare          1400 boksa
• Alkool            600 litra

Dogana e Kosovë iu bënë thirrje qytetarëve që të lajmërojnë raste e dyshimta të kontrabandës në telefonin e sigurt 038 500 095.

Procesi i homologimit, respektivisht testimit të përshtatshmërisë teknike dhe dokumentare do ti nënshtrohen të gjitha mjetet motorike (të reja dhe të vjetra) të importuara nga ana e personave fizik dhe juridik në Kosovë.

Çka duhet të bëjë një importues i automjetit?

• Deklaron DUD-in (Dokumenti Unik Doganor) dhe dokumentacionit të nevojshëm (librezën qarkullimit, faturën, etj) për zhdoganim
• Dogana lëshon fletëpagesën, e cila bëhet nga pala në bankën më të afërt. 
• Palës i kthehet dokumentacionin i nevojshëm (kopja e DUD-it,libreza e qarkullimit, fatura etj) që i nevojitet për realizim  te  procesit  te homologimit.
• Pala është e obliguar që brenda 15 ditëve të përfundojë procedurën e homologimit apo duhet të behet kthimi i mjetit motorik prapa. Ne rast te mos- përmbushjes se këtyre detyrimeve, ndalet garancioni bankarë, ndërsa konform rastit, mund të iniciohet  procedura për kundërvajtje.
• Përfundimi i procedurës se zhdoganimit (ndarja e DUD-it) bëhet pasi që pala të prezanton  certifikatën e homologimit te lëshuar nga ana e Institutit te akredituar.
• Institutit te akredituar apo Qendra e Homologimit gjendet afër Prishtinës (magjistralja Prishtine – Pejë), respektivisht te fshati Miradi.
• Automjetet Britanike (me timon në anën e djathtë) mund te regjistrohen (zhdoganohen) ne Republikën e Kosovës, vetëm atëherë kur te jene përshtatur për tregun vendor dhe posedojnë certifikate qe ndryshimet janë kryer ne pajtueshmëri ECE dhe EEC rregulloret nga institucioni i autorizuar në republikën e Kosovës, edhe për këtë lloj vetura vlen procedura e sipërpërmendur. 

 ECE dhe EEC janë standardet evropiane për automjete p.sh. dritat, timoni, emetimi i gazrave etj.