Lajmet

Hani i Elezit ,19 Gusht 2008 – Mbrëmë rreth orës 17:00 në pikën kufitare Hani  i Elezit, njësitië anti kontrabandë të Shërbimit Doganor kanë zbuluar rreth 800 litra naftë të kontrabanduar.

Pas kontrollimit rutinor është dyshuar se ky autobus transportonte mallra të kontrabanduar. Doganierët kanë filluar kontrollë të përgjithshme  ku kanë arritur të gjejnë një rezervuar i cili gjendej në mes të autobusit, dhe ishte i kamuflimit (postfabrikat) të mbështjell me tepison dhe të mbyllyr hermetikisht.

Pas hapjes zbuluan rreth 800 litra naftë (të cilat u konfiskuan). Ky rast i është dorëzuar hetuesisë deri në përfundim të procedurës.

Prishtinë 17 gusht 2008 – në mbrëmjen e së shtunës (16 gusht 2008) Njësitë e Shërbimit Doganor përmbyllën me sukses aksionin kundër një depo të dyshuar për tregtinë ilegale me cigare të kontrabanduara, në Miradi.

Pas hetimeve të ndërmarra, Dogana ka arritur të zbulojë lokacionin në të cilin strehoheshim cigaret e kontrabanduara. Ky mall kishte hyrë në Kosovë përmes rrugëve ilegale, me qëllim të shitjes së mëtejme për përfitime duke dëmtuar buxhetin e konsoliduar të Kosovës. Pas bastisjes së kësaj depo është gjetur një sasi e konsiderueshme e cigareve të cilat kanë pasur të vendosura pullat fiskale (banderolat) e vendeve të ndryshme (Shqipërisë, Maqedonisë, Serbisë). 

Sasia e zbuluar e duhanit është afro 700 kilogram cigare, të llojeve të ndryshme. Gjatë këtij aksioni Dogana është asistuar nga njësitë e Policisë së Kosovës. Kjo sasi është konfiskuar, kurse rasti është proceduar në prokurorinë publike.

Shërbimi Doganor fton të gjithë qytetarët që ta ndihmojnë atë përmes thirrjeve në telefonat 038 500 095 që së bashku të luftojmë evazionin fiskal dhe tregtinë ilegale.

Mitrovicë 15 gusht 2008. – Mbrëmë rreth orës 23:58 njësitë anti- kontrabandë të Shërbimit Doganor kanë konfiskuar sasi  të konsiderueshme të telefonave mobil, kartela memorie dhe bateri për telefona mobil. Pas dyshimeve se ky automjet transportonte mallrat te kontrabanduara oficeret doganor e kane ndaluar ketë automjet me targa te Novi Pazarit për kontrolle te hollësishme. 

Fillimisht një pjesë të mallit është gjetur në bagazh të automjetit dhe pas kontrollit detal kanë arritur të zbulojnë edhe pjesën tjetër e fshehur tek ftohësi i automjetit.

Më poshtë është dhënë sasia e mallit të konfiskuar:

• – Nokia6300                                             285 copë
• – Kartela Memorie 512MB                           285 copë
• – Bateri për Telefona Mobil                         287 copë

Supozohet se vlera e përgjithshme e këtyre pajisjeve është afro 20,000 €.

Kjo sasi e mallit është konfiskuar, automjeti është ndaluar dhe gjendet nën mbikëqyrjen doganore deri në përfundimin e procedurave lidhur me këtë rast.

Hani i Elezit 6 korrik 2008.-    Rreth orës 09:45 oficerët e shërbimit doganor kanë selektuar një automjet me targa të Maqedonisë për kontroll detal. Automjeti është futur në dhomën e kontrollit dhe dy oficerë doganor kanë filluar kontrollën.

Gjatë kontrollës, doganierët kanë zbuluar nën timonin e automjetit dy pako të mbështjella me letër, ku pas hapjes së tyre ka rezultuar të jetë ari i përpunuar i cili kishte qëllim të shmangte taksat doganor.

Pas zbulimit të arit automjeti në fjale është dërguar në skener dhe ku nuk ka rezultuar më ndonjë mall tjetër të padeklaruar. Rasti i është përcjellë hetuesisë së Shërbimit Doganor. 

Sasia e saktë e arit të ndaluar është 1300 gr neto (1 kilogram e 300 gramë). 

Merdare 30 korrik 2008.- Mbrëmë oficerët doganorë në pikën doganore të Merdares kanë zbuluar sasi të konsiderueshme të eksplozivit.

Gjatë kontrollit rutinor të ushtruar në një kombi me targa sllovene, oficerët doganorë së bashku me Policinë e Kosovës kanë zbuluar 20 kg eksploziv. Menjëherë pas kësaj Dogana ka lajmëruar Policinë dhe KFOR-in. Hetimet lidhur me këtë rast po zhvillohen në bashkëpunim të ngushtë me Policinë e Kosovës.

Ky rast si dhe rasti paraprak (zbulimi në Vermicë i armëve) tregojnë një angazhim të pashoq, në luftimin e kontrabandës dhe krimin në Kosovë. Dogana është duke bërë përpjekje maksimave për të mbrojtur shoqërinë kosovare, prandaj kërkojmë përkrahje dhe mirënjohje morale nga të gjithë.

Mbrëmë rreth orës 19:15 pas ndaljes së një automjetit që vinte nga Shqipëria zyrtarët doganorë kanë bërë një kontrollë detaje të kësaj veture. Gjate këtij kontrolli doganierët kanë hasur në sasi të mëdha municioni si dhe kanë gjetur pushkë të gjuetisë. Gjatë këtij aksioni doganierët janë përkrahur nga Policia e Kosovës.   

Armatimet e zbuluara janë te specifikuara si më poshtë:

1. Pushkë gjuetie të llojeve të ndryshme 7 copë
2. Fishek për AK 47, kalibër 7.62 mm, 4 kuti x 720 cope = 2880 copë.

Automjeti është ndalur nën mbikëqyrje doganore deri në përfundimin e procedurave të këtij rasti. Personi i dyshuar është arrestuar nga policia gjithashtu pushkët dhe municionet i janë dorëzuar policisë kufitare.

Prishtinë, 28 korrik 2008. Shërbimi Doganor me shqetësim ka përcjellë shkrimet e publikuara lidhur me publikimin e raportit të ZAGJ. Ne kemi obligim që të informojmë drejt opinionin e gjerë lidhur me këto shkrime.Me keqardhje vijmë në konkludim se raporti i ZAGJ fillimisht është keqinterpretuar nga disa media të shtypura dhe më pastaj keqkuptuar edhe nga publiku i gjerë. Duhet medoemos të vejmë në dijeni se në bazë të këtij raporti të ZAGJ rezulton që Shërbimi Doganor në vazhdimësi ka bërë përpjekjet dhe ka ndërmarrë veprimet e duhura për zhvillimin dhe plotësimin e standardeve dhe rekomandimeve nga të gjitha institucionet relevante (shih Raportin nga ZAGJ 2007, Pika III. Gjendja lidhur me rekomandimet nga vitet e kaluara).

Po ashtu në këtë raport mund të gjeni në Pikën V. Opinionin e Auditimit, pikë kjo shumë e rëndësishme që për çudinë tonë të gjithë gazetarët e kanë anashkaluar, ku vihet në theks mendimi i Auditorit Gjeneral me ç’rast thuhet:

“Për mendimin tonë, me përjashtim të të gjeturave të cilat i kemi shpalosur më poshtë efekti i të cilave nuk është aq material dhe i përhapur, pasqyrat financiare paraqesin në mënyrë të drejtë, në të gjitha aspektet materiale, pozitën financiare të SHDU-së dhe rezultatet e aktiviteteve të saja për vitin në fjalë, në pajtim me Standardet Ndërkombëtare të Kontabilitetit për Sektorin Publik sipas “Raportimit financiar në bazë të kontabilitetit të parasë së gatshme”. (citat faqe 7, Pika V. Opinioni i Auditimit) 

Ne për hir të së vërtetës para opinionit Kosovarë e kemi për obligim të ftojmë të gjithë të interesuarit të lexojnë raportin e plotë direkt nga faqja e Zyrës së Auditorit Gjeneral.Për më tepër, ne ndjejmë se ky keqinterpretim dhe perceptim i gabueshëm i publikut ndikon negativisht në moralin dhe motivin e të gjithë Oficerëve Doganorë pikërisht tani kur me një angazhim të pashoq, por me një përkrahje të pamjaftueshme nga KFOR dhe SHPK, ata po luftojnë kontrabandën dhe krimin në regjion të Mitrovicës duke mbrojtur kështu shoqërinë kosovare mu në kohën kur Shërbimit Doganor i duhet një përkrahje dhe mirënjohje morale nga të gjithë.

Raporti i plotë i ZAGJ-së:   Shërbimi Doganor 2007

Prishtinë, 28 korrik 2008.- me datë 25.07.08 rreth orës 09:45, afër Mitrovicës është vërejtur  një autobotë për të cilën dyshohet se është e mbushur me naftë. Njësiti anti-kontrabandë kanë ndaluar këtë autobotë të dyshuar, pasi janë marrë dokumentet personale nga vozitësi janë kërkuar edhe dokumentet lidhur me ngarkesën, të cilat janë refuzuar nga vozitësi.

Njësit anti-kontrabandë kanë marre vendim që ta përcjellin në terminalin doganorë këtë autobot, në atë moment vozitësi në mënyrë shumë agresive ka kthyer autobotën dhe ka tentuar të largohet në drejtim të Zveqanit, në ketë rast oficerët doganor kanë reaguar dhe kanë ndalur vozitësin nga qëllimi i tij.

Gjate kësaj përpjekje një oficerë doganor ka marrë lëndime të lehta. Policia menjëherë ka asistuar në këtë rast, vozitësi është arrestuar kurse autobota nën përcjelljen e njësive anti-kontrabandë dhe të policisë është dërguar në terminalin e Mitrovicës.

Dyshohet se sasia e përafërt është e këtij tentim kontrabande është 12.000 litra naftë. 

Gjatë kontrollit detal të maunës, vërejtëm se autobota është me plombë të doganës serbe, që tregon se kjo autobotë është importuar. Ky rast i është dorëzuar hetuesisë deri ne përfundim te procedurës.