Lajmet

seancë kontestimore

Prishtinë 19 Gusht – Oficerët Doganorë  zbulon një revole si dhe sasi të konsiderueshme të fishekëve.

Në pikë kalimin kufitar të Aeroportit Ndërkombëtar të Prishtinës, janë ndalur për kontroll të rregullt rreth nëntë (9) valixhe, të cilat kanë ardhur pa përcjellje ( pronar).

Gjatë skanimit të valixheve në fjalë njëra nga to, në baze të imazheve të skanerit ka rezoltuar si e dyshimtë, dhe si e tillë është hapur për kontroll.

Pas hapjes së valixhes Oficerët Doganorë kanë hasur në një revole të re, e tipit XDm-9mm 5.25, si dhe 202 fishek të kalibrit 9mm.

Menjëherë pas zbulimit të revoles, Oficerët Doganorë  kanë njoftuar Policinë e Kosovës,  me ç’rast edhe i kanë dorëzuar tërë rastin  për vazhdim të hetimeve të mëtejme

Prishtinë 09.07.2013. Në mënyrë që të reduktohet trafiku gjatë sezonit verore, në pikë kalimin kufitare  Merdare, Dogana e Kosovës ka vendosur që të hap edhe dy pikë kalime kufitare plotësuese, një në Mutivodë (komuna e Prishtinës) dhe një në Muqibaba (Komuna e Gjilanit)  të cilat do të shfrytëzohen vetëm për udhëtarë privat.

Pikë  kalimi kufitare i Mutivodës do të jetë i hapur prej orës 08:00 deri në ora 20:00 për të gjitha automjetet jo komerciale, përderisa pikë kalimi kufitare Mucibaba do të funksionoj 24 orë në ditë dhe po ashtu do të jetë i hapur për të gjitha automjetet jo komerciale.

Këto pikë Kalime Kufitare nuk do të përdoren për ngarkesa me mallra komerciale gjate kësaj periudhe. Drejtori i Përgjithshëm i Doganës së Kosovës  z. Naim Huruglica thekson së gjate sezonit verore këto pike kalime kufitare  janë
shumë të ngarkuara, pasi që shumica e bashkatdhetarëve që e vizitojnë Kosovën gjatë pushimeve verore, kalojnë përmes Serbisë dhe për ketë shkak këto pika mbeten të ngarkuara.

Vite me parë në ketë Merdare për shkak të radhëve të gjata, pritjet kanë arritur deri në 14 ore. Drejtori i Përgjithshëm Huruglica theksoj se “Me hapjen e këtyre dy portave plotësuese ne shpresojmë në reduktimin e radhëve të gjata.
I ftoj të gjithë bashkatdhetarët e mi që ta shpërndajnë  ketë mesazh, tek miqtë dhe të familjarët e tyre që udhëtojnë nga jashtë. Duke shfrytëzuar këto pikë kalime kufitare mund të kurseni kohë në udhëtimin tuaj drejt dhe nga Kosove. Kjo është një informate shumë e rëndësishme  për vizitoret tonë nga diaspora, të cilëve ne iu dëshirojmë mirëseardhje ne Kosovë.”

Hapja e këtyre dy pikave plotësuese per udhëtarët, është si rezultat I bisedimeve ndërmjet Prishtinës dhe Beogradit në dialogun për IBM në  Bruksel. Përveç prezencës së Doganës se Kosovës në Mutivode dhe Mucibabe, po ashtu do të jetë edhe prezenca e Doganës së Serbisë në pikat kufitare në anën e tyre.

Prishtinë, 4/7/2013,  Dogana e Kosovës ka filluar sot procesin e asgjësimit të aparateve për lojëra fati të konfiskuara nga ana e Doganës në bashkëpunim me Divizionin e Lojërave të Fatit të ATK-së si dhe Policinë e Kosovës.

Këto Aparate te Lojërave te Fatit janë Konfiskuar në pjesë të ndryshme të Kosovës dhe numri I atyre qe asgjësohen në ketë faze është 307 copë. Këto Aparate asgjësohen pasi te njëjtëve nuk ju dihet prejardhja, janë te falsifikuar numrat serik, por ka edhe të atillë që janë marre për mos pagesë të taksave. Gjithashtu ka disa raste kur aparatet janë konfiskuar te personat fizik të cilët i kanë përdorur pa licensë adekuate. Kjo sasi e cila sot është asgjësuar është konfiskuar në periudhën Qershor 2011 deri me në Dhjetor 2012. Kurse vlera e këtyre aparateve është rreth 300.000 euro, në rastet kur ka pasur elemente të veprave penale janë ngritur kallëzimet penale.

Kurse gjatë këtij viti, Dogana e Kosovës ka vazhduar aksionin për kontrollimin e rregullsisë së aparateve për lojëra fatit dhe deri në fund të muajit qershor 2013 janë konfiskuar rreth 450 aparate të cilat për momentin janë duke iu nënshtruar
procedurave ligjore. Gjithashtu gjatë këtij viti janë mbyllur disa pika te Bastit pa Licence si dhe janë konfiskuar pajisjet e lojërave te fatit të ndaluara KENO.

Dogana iu bën ftesë të gjithë operatorëve me lojëra fati që të përmbushin obligimet e tyre për licensimin dhe pagesën e obligimeve tatimore sepse në të kundërtën do të ballafaqohen me pasojat ligjore si gjoba, konfiskimin e aparateve dhe ndjekjen penale. Dogana e Kosovës në bashkëpunim me ATK-në dhe Policinë do të vazhdojnë kontrollet e të gjithë operatorëve të kësaj veprimtarie.

Dogana e Kosovës shkatërron mallrat e falsifikuara në sasi prej 100cp , të markës tregtar “GUCCI”, të cilat shkelin të drejtën e pronësisë intelektuale.

Dogana e Kosovës shkatërron mallrat e falsifikuara në sasi prej 33cp , të markës tregtar “APPLE”, të cilat shkelin të drejtën e pronësisë intelektuale.

Dogana e Kosovës shkatërron mallrat e falsifikuara në sasi prej 105cp , të markës tregtar “MERCEDES”, të cilat shkelin të drejtën e pronësisë intelektuale.

Dogana e Kosovës shkatërron mallrat e falsifikuara në sasi prej 285 cp , të markës tregtar “AUDI”, të cilat shkelin të drejtën e pronësisë intelektuale.

Dogana e Kosovës shkatërron mallrat e falsifikuara në sasi prej 500 cp , të markës tregtar “Play Station”, të cilat shkelin të drejtën e pronësisë intelektuale. Vlera e përafërt e mallrave të sipërcekura, që iu nënshtruan procesit të shkatërrimit arrin ne 4000 euro

Sot më 25 Qershor 2013, në Rome është nënshkruar Marrëveshja bilaterale për bashkëpunim bilateral Doganor mes Kosovës dhe Italisë. Marrëveshja është nënshkruar nga Drejtori i Përgjithshëm i Doganës se Kosovës z. Huruglica dhe Drejtori i Përgjithshëm i Doganës se Italisë z. GiuseppePeleggi.

Kjo Marrëveshje është një bazë për bashkëpunim juridik në çështjet doganore e cila ka për qellim luftën e përbashkët kundër kontrabandës si dhe shkëmbimin e eksperiencës në gjitha çështjet Doganore. Në këtë takim të dyja palët u zotuan se do të lehtësohet tutje tregtia ndërkufitare dhe luftimi i kontrabandës.

“Italia përfaqëson vendin e 4 si  partnere tregtar e Kosovës dhe ndër shtetet strategjike të EU për luftën e përbashkët te kriminalitetit tej  kufitar” – tha Huruglica i cili po qëndron ne Romë

Kjo është Marrëveshja e njëmbëdhjetë(11) ndërkombëtare që Dogana e Kosovës nënshkruan me Administratat doganore te vendeve tjera. Marrëveshje qe mundëson një lufte me efikase kundër tregtisë ilegale, e krimit të organizuar dhe shkëmbimit të përvojës së ndërsjellë.

Prishtinë 21 Qershor 2013 – Dogana e Kosovës zbulon një depo me mallra të kontrabanduara. Njësite të Doganës gjatë ditës së djeshme kanë realizuar një kontroll në tregun me shumicë në Zonën Industriale Prishtinë –Fushë Kosovë.

Gjatë kontrollimit të disa ndërmarrjeve tregtare, njësitet e Doganës kanë zbuluar një depo me mallra të ndryshme komerciale, të cilat dyshohen të jenë të kontrabanduara, pasi që pronari i kësaj depo-je ka pranuar se nuk posedon asnjë
dokumentacion përcjellës për mallin e zbuluar.

Në këtë depo janë zbuluar mallra si:

• Ngjyra për këpucë (ILIRIA 35ml)
• Poqa elektrikë (EΛΛAZ 100w)
• Sprej për insekte (AEROSOL H10 400ml)
• Brisqe për rrojë (GILLETTE BLUE II),  të gjitha këto në sasi shumë të mëdha

Kryesisht këto mallra ishin të kontrabanduara  nga Shqiperia, Maqedonia dhe Serbia Dogana e Kosovës menjëherë i ka konfiskuar këto mallra, si dhe ndaj pronarit të Depos në fjalë është iniciuar procedurë  për kontrabandim me mallra.

Prishtinë, 17/6/2013, Dogana e Kosovës është shume e shqetësuar nga artikulli i publikuar sot në gazetën “Kosova sot” me titull  Depot Doganore “kontrabandojnë” 200 milion euro borxh.

Dogana e Kosovës beson se e drejta e informimit duhet të respektohet por jo të keqpërdorët, si në rastin kur gazeta nga burime jo të sakta, informon se kinse ekziston një borxh prej 200 milion euro, gjë qe është e pavërtetë.

Lidhur me këtë çështje ju informojmë se gjate vitit 2012, Dogana e Kosovës ka kaluar në një sistem shumë më të avancuar elektronik (ASYCUDA), me çka ka rritur nivelin e mbikëqyrjes së aktiviteteve të kompanive importuese gjegjësisht e ka minimizuar mundësinë për shmangie gjegjësisht mos-deklarime me kohë të obligimeve doganore.

Gjatë kontrolleve të kryera të një numër i subjekteve ekonomike, është gjetur se 33 nga to nuk i janë përmbajtur rregullave të përcaktuara, për çka u janë tërhequr autorizimet dhe janë inkasuar borxhet.  Vlen të theksohet se në të gjitha këto raste, obligimet doganore kanë qenë të siguruara me garancione bankare, të lëshuara nga bankat komerciale. Nga këto 33 raste, vetëm një borxh prej 2,300 euro-ve ka mbetur pa u inkasuar, për çka është dërguar në gjykatë për ekzekutim kurse ndaj 8 subjekteve, janë iniciuar edhe procedurat për kundërvajtje doganore.

Procedurat me ndikim ekonomik (depo doganore) janë të mbështetura në ligj dhe ndihmojnë jashtëzakonisht biznesin, posaçërisht atë të fokusuar në eksport të produkteve.

Shpresojmë që në të ardhmen, gazeta “Kosova Sot” nuk do të ngutet të publikoj artikuj të këtillë, pa një konfirmim shtesë të informatave gjegjësisht burimeve në të cilat thirret.

Dogana e Kosovës si gjithmonë do të jetë e gatshme dhe transparente, për të ofruar informacionet që posedon, me qellim që publiku të informohet drejtë.