Lajmet Artikulli

Prishtinë, 7 dhjetor 2012: Guvernatori Gani Gërguri dhe Drejtor i Përgjithshëm i Doganës së  Kosovës, Naim Huruglica, nënshkruan një Marrëveshje Bashkëpunimi në fushën e statistikave të importit dhe eksportit të mallrave sipas të cilës Dogana e Kosovës do të furnizoj BQK në baza të rregullta me të dhënat e domosdoshme për përpilimin e bilancit të pagesave për Republikën e Kosovës.

Me këtë rast të dyja palët nënshkruese kanë nënvizuar rëndësinë e ngritjes së mëtejme të cilësisë së statistikave të sektorit të jashtëm në funksion të zhvillimit të një sistemi statistikor gjithëpërfshirës dhe të qendrueshëm si faktor me rëndësi në realizimin e analizave dhe hartimin e politikave makroekonomike për ekonominë e vendit tonë. Bazuar në Ligjin mbi Bankën Qendrore të Republikës së Kosovës, e specifikuar edhe në Rregulloren mbi Statistikat e Bilancit të Pagesave dhe të Pozicionit të Investimeve Ndërkombëtare, BQK është prodhuese zyrtare e statistikave të bilancit të pagesave, në kuadër të të cilave hyjnë edhe statistikat e bilancit tregtar. Për më shumë, përpilimi i statistikave të sektorit të jashtëm ku bëjnë pjesë statistikat e bilancit të pagesave, të pozicionit të investimeve ndërkombëtare si dhe statistikat e borxhit të jashtëm të Kosovës, nënkupton grumbullimin dhe përpilimin e statistikave nga burime të ndryshme përfshirë agjencitë qeveritare, sektorin financiar, kompanitë jofinanciare, organizatat ndërkombëtare në Kosovë, etj. Këto statistika u shpërndahen në baza të rregulta edhe institucioneve të rëndësishme ndërkombëtare siç janë Fondi Monetar Ndërkombëtar, Eurostat, etj.

Prishtinë, 4/12/2012, në drejtorin e doganës është nënshkruar Marrëveshja bilaterale për bashkëpunim mes Doganës së Kosovës dhe asaj të Polonisë. Marrëveshja është nënshkruar nga Drejtori i Zbatimit të Ligjit zt. Bahri Berisha dhe Drejtori i Përgjithshëm i Doganës polake z. Jacek Kapica. Me këtë marrëveshje të dy palët do të kenë bazë juridike për bashkëpunim në çështjet doganore. Gjithashtu pjesë e rëndësishme e këtij bashkëpunimi është edhe luftimi i kontrabandës me theks të veçantë tek mallrat akcizore.

Zt. Berisha në emër të Doganës së Kosovës kërkoj përkrahje për anëtarësimin e Doganës sonë në mekanizmin më të lartë botërorë të Doganave (Organizata botërore e Doganës- WCO), kurse nga ana tjetës zt. Kapica theksojë se Dogana Kosovare do të ketë përkrahjen maksimale të Doganës Polake gjatë mbledhjes së ardhshme të OBD-së. 

Gjithashtu gjatë takimit u diskutuan edhe çështje të tjera me interes dypalësh ku kryesisht dominoj fusha e trajnimeve për të cilën Drejtori i Doganës polake ofroj ndimën dhe përvojën e administratës të tij.

Kjo është Marrëveshja e dhjetë (10) që Dogana e Kosovës nënshkruan me Administratat doganore te vendeve tjera.