Lajmet Artikulli

Dogana e Kosovës, me qëllim të zbatimit të nenin 11 të Ligjit  Nr. 03/L-109 KDA-së dhe nenit 4 dhe 5 të Udhëzimit Administrativ 12/2014 mbi licencimin dhe kushtet për ushtrimin e veprimtarisë së përfaqësimit në procedurat doganore, publikon këtë shprehje interesi përmes të cilit ftohen të gjithë të interesuarit që dëshiroj të pajisen me licencë për agjent doganorë të aplikojnë pranë Doganës së Kosovës.

Kriteret bazike që duhet plotësuar personi  fizik për të vijuar trajnimin dhe testimin me qëllim për tu licencuar si agjent doganor janë:

1. Dëshmia mbi shkollimin e mesëm;
2. Të kaloj trajnimin dhe provimin e organizuar nga dogana për atë qëllim;
3. Të ketë së paku 6 muaj përvojë punë në fushën e çështjeve doganore.
4. Të paraqes vërtetim nga gjykata kompetente që nuk është në ndjekje penale.
5. Të prezantoj certifikate mbi gjendjen shëndetësore;
6. Të mos ketë lidhje familjare me të punësuarit e Doganës së Kosovës.

Të drejtë aplikimi kanë të gjithë të interesuarit  të cilët plotësojnë kriteret e parapara me UA të lartcekur.

Personat që kanë aplikuar do ti nënshtrohen procesit të përzgjedhjes nga Komisioni përkatës, i cili do ti hartojë listat e kandidatëve të përzgjedhur për të vijuar trajnimin sipas kohës dhe orarit të caktuar nga Dogana e Kosovës.

Pas përfundimit të trajnimit, kandidatët do të i nënshtrohen provimit profesional  nga fushat e parapara me UA.

Pas përfundimit të trajnimit dhe kalimit me sukses të provimit profesional dhe pas plotësimit të kushteve të parapara për aplikim dhe licencim, Drejtori i përgjithshëm i Doganës lëshon licencën për agjent doganor.

Afati i fundit për aplikim  është data 04.03.2015, ora 15:00. Formularët për aplikim mund të merren në Drejtoritë rajonale, në Sektorin e Burimeve Njerëzore si dhe në ueb faqen e Doganës www.dogana-ks.org dhe të plotësuara mund të dorëzohen në kopje fizike tek sektori i Burimeve njerëzore ose përmes e-mail adresës: personeli@dogana-ks.org.

Formulari per Aplikim

Ferizaj, Njësitet e doganës me kërkesë të policisë së Kosovës kanë ushtruar kontrolle në dy  lokacione, respektivisht me qëllim të konfiskimit te mallit të zbuluar pa prejardhje.

Pas hetimeve fillestare nga njësit policore sot është bërë kontrolli dhe verifikimi i mallit të gjetur në dy lokacione. Bastisja ka rezultuar me gjetjen e një sasie të konsiderueshme të  duhanit të kontrabanduar. Pas numërimit te mallit është konstatuar sasia e mallit si më poshtë:

1.    Duhan i papërpunuar – 5.356 kg
2.    Duhan i grire – 320 kg
3.    Duhan pak. 250gr – 328 pako
4.    Duhan i grire pak. 30gr – 50 pako
5.    Duhan i grire “Tarabosh” 400 gr – 32 pako
6.    Cigare “Respect” – 2000 pako x 20 cigare
7.    Cigare “MT” – 1870 pako x 20 cigare
8.    Cigare “Opatija” – 70 pako x 20 cigare
9.    Cigare “Drina” – 1400 pako x 20 cigare
10.    Filtera për cigare – 5 kuti
11.    Foli alumini për cigare – 2 rollne

Malli i lartcekur është ndaluar dhe konfiskuar.  Kurse rasti ka vazhduar tutje për hetime nga ana e Policisë.