Lajmet Artikulli

Bruksel, Drejtori i përgjithshëm z. Lulzim Rafuna sot u takua me drejtorin e Përgjithshëm të Drejtorisë për Dogana dhe Tatime të Komisionit Evropian,  z. Heinz Zourek.
Drejtori i Doganës së Kosovës njoftojë për zhvillimet dhe progresin e fundit në Doganën e Kosovës, gjithashtu falënderojë Unionin Evropian për asistencën që është duke I dhënë doganës në këto zhvillime.  Gjithashtu u njoftuan për ndryshimet në strukturën e Doganës dhe ndryshimet tjera pozitive që kanë për qëllim zhvillimin e mëtejshëm të institucionit në luftimin e dukurive negative, përfshirë edhe korrupsionin.
Drejtori i përgjithshëm i Drejtorisë për Dogana dhe Tatime të Komisionit Evropian,  z. Heinz Zourek çmojë lartë dhe përgëzojë Doganën e Kosovës për angazhimin e shtuar për të arritur rezultatet pozitive, reformën e cila ndihmon proceset e integrimit si dhe për bashkëpunimin me drejtorinë e TAXUD-it. Z. Heinz premtojë përkrahje edhe më tutje për Doganën e Kosovës.
Ky ishte takimi i parë i këtij niveli për Doganën e Kosovës, prandaj si i tillë ishte mjaft i rëndësishëm sepse ndihmon në ndërtimin e një sistemi doganor kompatibil me Unionin Evropian.

Prishtinë 14 janar 2015 – Oficerët e Doganës së Kosovës në pikë-kalimin e Vërmicës  kanë arritur të parandalonin  importimin ilegal të materialeve për prodhimin e fishekëve të gjuetisë.
Gjatë hyrjes së një automjeti me targa të Kosovës i drejtuar nga një shtetas Kosovar, oficerët doganor së bashku me policinë e Kosovës kanë ushtruar kontroll në automjetin e dyshuar ku janë gjetur mallra të ndaluara, respektivisht material dhe pjese per prodhimin e fishekëve të gjuetisë me pajisje përcjellëse. Materiali i zbuluar ishte kamufluar në vende të ndryshme te automjetit (te këmbët e ulëses së pasagjerit, dhe nën ulësën e parë).

I gjithë materiali dhe pajisjet janë konfiskuar dhe dorëzuar Policia kufitare për  trajtim të mëtutjeshëm të këtij rasti. Ftojmë qytetarët që të përkrahim Doganën e Kosovës përmes informatave për korrupsion dhe kontrabandë përmes 0800 50 095 (pa pagesë).