Lajmet Artikulli

02/12/2023

Dogana kalon 1.5 miliard euro të hyra

Prishtinë 2 dhjetor 2023, Dogana e Kosovës ka përmbyllur raportin e të hyrave me 1.5 miliard Euro. Ky rezultat është edhe një rekord tjetër i shënuar për periudhën në të cilën flasim.

Të hyrat sivjet tejkalojnë të hyrat për të njëjtën periudhë me 124 milion apo 9% më shumë të hyra. Dogana e Kosovës gjithashtu është duke shënuar rezultate shumë pozitive edhe në luftimin e ekonomisë jo-formale dhe mbrojtjen e shoqërisë nga mallrat e ndaluara. Edhe raporti i fundit për vendin nga Komisioni Evropian ka theksuar performancën e mirë të Doganës së Kosovës në disa fusha të rëndësishme, ndërsa që kryesore është theksi për performancën e mirë në luftimin e krimit të organizuar dhe kontributi në kuadër të Reformave të Qeverisë në luftimin e ekonomisë jo-formale.

Ne gjithashtu kemi trajtuar me efikasitet çështjet e keqpërdorimit të detyrës zyrtare dhe korrupsionit, duke synuar që të avancojmë integritetin e organizatës si dhe orientimin në shërbim. Dogana e Kosovës është mirënjohëse për përkrahjen e pa rezervë nga Qeveria në efikasitetin e deritanishëm dhe po ashtu çmojmë përkrahjen e partnerëve tanë si Ambasada e SHBA-së, Britanisë së Madhe, Zyrës së BE-së në Prishtinë, projektet e GIZ-it gjerman dhe organizatat ndërkombëtare të cilët janë duke na ndihmuar në avancimin e kapaciteteve.
Kontributi dhe bashkëpunimi me komunitetin e bizneseve si dhe me publikun ka qenë I rëndësisë kritike për rezultatet tona të deritanishme, andaj ky bashkëpunim mbetet në qendër të vëmendjes sonë, me qëllim që të promovojmë vlerat e mirëbesimit dhe të avancojmë me shërbimet, ku kryesore mbetet transformimi digjital dhe në përgjithësi lehtësirat tregtare.

Shpërndaje:

Lexo lajme tjera:

Parandalohet një tentim kontrabande

Gjilan 23 nëntor 2023, në pikë kalimin kufitar të Dheu i Bardhë, në kuadër të planit operativ të për luftimin dhe parandalimin e kontrabandës, Njësitë Antikontrabandë të Doganës së Kosovës kanë zhvilluar një operacion të suksesshëm.

Një autobus në hyrje të Republikës së Kosovës është selektuar për kontrolle detaje nga njësit anti-kontrabandë, Gjatë kontrolës së detajuar, është zbuluar një sasi e konsiderueshme e pajisjeve kirurgjike, e cila, përpos qëllimit të kontrabandimit, po transportoheshin në kushte jo të përshtatshme dhe jo sterile, duke shkelur rregullat dhe standardet e kërkuara për mallrat e këtij lloji.

Mallrat e gjetura janë sekuestruar menjëherë dhe është nisur procedura kundërvajtëse ndaj palës së përfshirë.

Dogana e Kosovës dëshiron të theksojë se veprimet e kësaj natyre janë në përputhje me angazhimin e vazhdueshëm të institucionit për luftën kundër dukurive negative dhe për mbrojtjen e shëndetit të qytetarëve. Dogana e Kosovës mbetet e përkushtuar në përpjekjet e vazhdueshme për të forcuar sigurinë doganore dhe për të garantuar zbatimin e standardeve të larta në të gjitha procedurat e saj.

23/11/2023 LEXO MË SHUMË

Parandalohet kontrabanda me duhan

Prishtinë, 1 janar 2024 në pikën kufitare të PKK Vërmicë është zbuluar një rast i tentim kontrabandës me duhan.

Gjatë kontrolleve rutinore zyrtarët e Doganës kanë ndaluar dhe për kontroll rutinor një automjet me targa të Republikës së Shqipërise, pas pyetjes së zyrtarit doganor në lidhje me deklarimin e mundshëm, drejtuesi I automjetit është përgjigjur negativisht. Më pas, ai është selektuar për një kontrol më të thelluar nën asistimin e Policisë së Kosovës.
Kontrolli ka zbuluar mall të padeklaruar, respektivisht duhan i papërpunuar me një peshë prej 145.00 Kg, i ndarë në 290 paketa, çdo paketë me peshë 0.50 Kg. Si rezultat, është konstatuar kundërvajtje Doganore për shkelje të nenit 250 të KDAK-ës.

Mallrat janë konfiskuar derisa procedura kundërvajtëse ka filluar për personin përgjegjës.

Dogana e Kosovës ka aplikacionin eDogana për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.

01/01/2024 LEXO MË SHUMË