Lajmet Artikulli

10/03/2011

ZBULOHET SASI ALKOOLI PA BANDEROLA

Pejë 10 mars 2011 – Zbulohet sasi e konsiderueshme e pijeve alkoolike pa banderola. Dogana e Kosovës është duke ndërmarrë aksione të vazhdueshme për kontrollimin e tregut, dhe konfiskimin e mallrave të dyshimta. Gjatë ditës së djeshme është ushtruar një kontroll në dy lokale të ndryshme në Pejë për verifikimin e banderolave në pijet alkoolike. Gjatë këtij aksioni njësit e Doganës kanë hasur në disa produkte të cilat dyshohet se janë të kontrabanduara, dhe për të cilat pronari nuk posedonte dokumentacion valid.
Mallrat e zbuluara kryesisht ishin pije energjike dhe pije alkoolike pa banderola, por ka edhe prej atyre që dyshohen të jenë të falsifikuara, që nuk u dihej prejardhja.
Malli i ndaluar:

pije energjike Red Bull 558 lit
verë e kuqe (Rahovec) 10% alc, 12X1lit
merlot 11.5 % alc, 12X0,75 lit
raki rrushi speciale 46% alc, 10×0,75 lit
chardonay 13%alcc, 30X0,187 lit
egonica lamandra 12,5%alc, 18X0,75 lit
mastika 42%alc, 6X1 lit
extra raki rrushi 49%alc, 12X0,70 lit
smirnof 40%alc, 45X1 lit
grenade 14,5%alc, 164X0,75 lit
verë e kuqe “podrumi i vjetër” 11,5%alc, 10X1 lit
verë, after work 12%alc, 2X0,75 lit
rizling italian 11%alc, 2X1 lit,
raki rrushi 40%alc, 5X1lit
jegermaister 35%alc, 3X1lit
vranac 13%alc, 3X0,75lit
vranac 11,5%alc, 18X1lit
shlivovica 40%, 1X1lit
vodka baltic 40%alc, 12X1 lit

E tërë sasia e zbuluar është konfiskuar sipas Kodit të Doganës dhe Akcizave, ndërsa rasti i është dorëzuar sektorit për Kundërvajtje Doganore
Aksioni i tillë ende është duke u zhvilluar përfshirë teritorin e Kosovës, andaj Dogana iu bën thirrje të gjithë qytetarëve të republikës së Kosovës se nëse hasin pije alkoolike pa banderola të Kosovës menjëherë të lajmërojnë në doganë apo institucionet tjera të zbatimit të ligjit.

Shpërndaje:

Lexo lajme tjera:

ZBULOHEN BARNA KONTRABANDË NË AUTOMJETIN E NDIHMËS

Prishtine 14 mars 2011- Njësitë anti-kontrabandë të Doganës se Kosove, gjatë kontrollit të zhvilluara gjatë fundjavës në magjistralen Mitrovicë-Prishtinë zbuluan medikamente pa banderola. Saktësisht, në fshatin Kqiq njësitë mobile të Doganës kanë ndalur për kontrollë automjetin Autoambulance me targa të Novi Pazarit.
Automjeti ne fjale I përkiste shtëpisë se shëndetit të Novi Pazarit, ky automjet transportonte dy pacient. Pas një kontrolli fillestar është vërejtur se në pjesën e pasme përveç pacientëve kishte edhe sasi të konsiderueshme të medikamenteve. Automjetin në fjalë e është dërguar deri në fshatin Uglare – Fushë Kosovë për t’i dërguar dy pacientë në Ambulantë. Në këtë rast është kërkuar edhe asistenca e Policisë së Kosovës. Pas vendosjes së pacientëve në ambulanten e fshatit Uglar autoambulanca është dërguar në drejtorinë e doganës për kontroll detaj, ku edhe është bërë konfiskimin dhe numërimi i medikamenteve. Sasia e medikamenteve te ndaluara është:

SINACILIN 500 MG x 12 KAPS. – 48 kutia për shitje me pakicë
PRESOLOL 100 MG X 30 TABL. – 50 kutia për shitje me pakicë
PRILENAP HL X 20 TABL. – 100 kutia për shitje me pakicë
ENALAPRIL 20 MG X 20 TABL. – 80 kutia për shitje me pakicë
ATENOLOL 100 MG X 14 TABL. – 20 kutia për shitje me pakicë
RANITAL 150 MG X 20 TABL – 50 kutia për shitje me pakicë

E tërë sasia e zbuluar është konfiskuar, dhe rasti në fjale është dorëzuar te sektorit për Kundërvajtje Doganore.

14/03/2011 LEXO MË SHUMË

ZBULOHET SASI ALKOOLI PA BANDEROLA

Prizren 3 mars 2011 – Dogana e Kosovës dje gjatë një aksioni në Prizren ka konfiskuar sasi të konsiderueshme të pijeve alkoolike pa banderola. Pas hetimeve fillestare Dogana ka kërkuar nga Gjykata Komunale ne Prizren urdhër-kontrollin për të kontrolluar një shtëpi private në të cilën besohej se gjendej një sasi e papërcaktuar e mallrave ilegale. Oficerët Doganore kane hyre në shtëpi për të ushtuar kontroll, pronarët janë njoftuar për të drejtat e tyre. Gjate kontrollit në bodrumin e shtëpisë oficeret kane hasur ne sasi te disa llojeve te pijeve alkoolike Vodka të llojeve të ndryshme.
Gjate këtij kontrolli është zbuluar sasia si në vijim:

Vodka 171 pako pa banderola
Vodka Red 25% alkool 42 litra
Wodka White 40.5% alkool 676.2 litra

Gjithsej sasia e zbuluar është 718.2 litra ka vlerë mbi 3,500 euro, e tere kjo sasi është konfiskuar sipas Kodit te Doganës dhe akcizave, ndërsa hetimet mbi prodhimin e këtyre pijeve te kontrabanduara janë duke te vazhduar.
Dogana iu bën thirrje të gjithë qytetarëve të republikës së Kosovës se nëse hasin pije alkoolike pa banderola të Kosovës menjëherë të lajmërojnë në doganë apo institucionet tjera të zbatimit të ligjit.

03/03/2011 LEXO MË SHUMË