Lajmet Artikulli

07/10/2015

Dogana lufton suksesshëm korrupsion dhe rrit të hyrat me 44.7 milion euro

Prishtinë 16 shtator 2015 – Dogana e Kosovës ka vazhduar me performancën e jashtëzakonshme në aspektin e mbledhjes së të hyrave për buxhetin shtetëror dhe luftimin e pareshtur të korrupsionit.

Duke marr parasysh raportin, respektivisht studimin e organizatës FOL Dogana e Kosovës sipas hulumtimit ka bërë progres në luftimin e dukurisë së korrupsionit brenda institucionit të saj.
Duke cituar raportin nga FOL theksohet qartë se qytetarët vetëm në 7.5% të rasteve mendojnë që u është dashur të japin ryshfet. Nëse kjo përqindje krahasohet me periudhat paraprake respektivisht me matjen e perceptimeve të bëra nga UNDP respektivisht përmes raportit Public Pulse të bërë gjatë prillit të 2013 ku perceptimi për korrupsion ka qenë 58.9% dhe në prill të viti 2014 ku perceptimi për korrupsion ka qenë në 22.5%. Pra rënia në 7,5 % është një progres domethënës që tregon se angazhimi I Doganës, reformat dhe luftimi I korrupsion kanë prodhuar rezultate dhe dogana si institucion ka arritur një progres i cili po vlerësohet edhe nga qytetarët e republikës.

Dogana këtë besim të qytetarëve e kthen me mbledhjen e të hyrave dhe luftën kundër kontrabandës. Periudha janar’15 – shtator’15 ka rezultuar me mbledhjen më të lartë që nga themelimi i doganës, deri tani kemi mbledhur 636,3 milion euro që në krahasim me vitin e kaluar paraqet rritje prej 7,5% apo 44,7 milion euro më shumë (vitin e kaluar e njëjta periudhë ishte 591,6 milion euro).

“Ky suksesi i Doganës së Kosovës është meritë e punës së palodhshme dhe angazhimit të stafit të Doganës në mbledhje dhe ruajtjen e taksave të qytetarëve, por në anën tjetër Dogana nuk do të arrinte këtë performancë po të mos ishte bashkëpunimi me qytetarët të cilët vazhdimisht thërrasin dhe na ofrojnë informata të cilat ndihmojnë punën e doganës. Sidoqoftë ne nuk duhet të kënaqemi me këto rezultate, por të motivohemi që të punojmë edhe më shumë në krijimin e një administrate sa më të mirë që është në shërbim të qytetarit” – theksojë drejtori i përgjithshëm zt. Rafuna.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Shpërndaje:

Lexo lajme tjera:

Ambasada e SHBA vazhdon përkrahjen për Doganën e Kosovës përmes trajnimit të radhës

Prishtinë 22 shtator 2015 – Oficerët e Doganë së Kosovës nga sot kanë filluar një trajnim lidhur me vlerësimin dhe klasifikimin doganor të mallrave. Ky trajnim është financuar nga Departamenti Amerikan i tregtisë përmes Programit zhvillimor i ligjit për tregtinë. Ky trajnim gjithashtu është në koordinim me departamentin për sigurinë kombëtare dhe agjencinë e SHBA-ve për Dogana dhe Ruajte të Kufirit (Dogana Amerikane). Në hapjen e këtij trajnimi mori pjesë edhe zv. Ambasadorja e SHBA-ve në Kosovës znj. Jennifer Bachus, e cila së bashku me drejtorin e përgjithshëm hapën trajnimin.

Me këtë rast zv. Ambasadorja e SHBA-ve në Kosovës znj. Jennifer Bachus theksoj se“Jam shumë e gëzuar që arritëm të organizojmë një ngjarje që ngërthen prioritetet e Ambasadorit në fillim të mandatit të tij”

Drejtori i përgjithshëm i Doganës zt. Lulzim Rafuna në hapje tha “Fillimisht falënderoj qeverinë e SHBA-ve për përkrahjen e vazhdueshme për Doganën e Kosovës, me vite me radhë qeveria e SHBA-ve ka ofruar përkrahje dhe asistencë si në pajisje po ashtu edhe në trajnime të specializuara për stafin tonë. Edhe ky trajnim i cili mbahet nga ekspert të fushave të vlerësimit dhe klasifikimit të mallrave e që do të ndikojë në rritjen e performancës së Doganës, rrjedhimisht në më shumë të hyra buxhetore për qytetarët e Kosovës”.

Ky trajnim do të zgjatë tri (3) ditë dhe ka për qëllim primar ngritjen e kapaciteteve të Doganës së Kosovës me fokus të veçantë në vlerësimin dhe klasifikimin e mallrave.

07/10/2015 LEXO MË SHUMË

EULEX jep 15 vetura për Doganën e Kosovës

Prishtinë, 7 korrik 2015 – Sot në Doganën e Kosovës u mbajt ceremonia e donacionit të 15 automjeteve nga misioni i EULEX-it.

Ky donacion u dorëzua personalisht nga Shefi i EULEX-it zt. Gabriele Meucci, në anën tjetër Drejtori i Përgjithshëm i Doganës së Kosovës zt. Lulzim Rafuna pranojë donacionin.

Me rastin e këtij donacioni zt. Rafuna tha: “Kam kënaqësinë që sot të kem pranë zt. Meuccin i cili si gjithmonë ka ndihmuar Doganën e Kosovës përmes donacioneve të pajisjeve po ashtu edhe me asistencë teknike përmes stafit të EULEX. Ky është donacioni i radhës që Dogana e pranon nga EULEX, dhe me këtë rast unë falënderoj zt. Meucci i cili personalisht është angazhuar që dogana ta përfitojë këtë donacion. Ky donacion do të na ndihmoj që të realizojmë në mënyrë efikase detyrat tona, këto vetura do të përdoren për ekipet antikontrabandë. Pa dyshim që donacionet si këto ndihmojnë në arritjen e standardeve evropiane gjithashtu ndihmojnë në luftimin e evazionit fiskal dhe indirekt reflektojnë në më shumë të hyra për buxhetin e shteti që është edhe strategjia e Qeverisë së Kosovës në luftimin e ekonomisë jo – formale.
Donacionet e automjeteve janë pjesë normale e punës së EULEX, por veçanërisht sot jam i kënaqur që dorëzoj këto automjete për Doganën e Kosovës” tha z. Meucci gjatë ceremonisë. “Dogana e Kosovës, nën udhëheqjen e drejtorit të përgjithshëm z.Rafuna dhe përkrahjen e Ministrit të Financave z. Hoti, ka bërë përpjekje të jashtëzakonshme që të përmirësoj proceset dhe luftoj korrupsionin. Dogana e Kosovës ka treguar që është lidere në rajon” theksojë shefi i EULEX.

09/07/2015 LEXO MË SHUMË