Lajmet Artikulli

22/06/2016

Kapen në Vërmicë mbi 10 kg substancë narkotike

Prishtinë 22 qershor 2016 – njësit e Doganës në bashkëpunim me Policinë e Kosovës gjatë kontrolleve në pikën kufitare të Vërmicës arritën të kapin mbi 10 kg substanca narkotike të llojit marihuanë.

Mbrëmë rreth orës 23:50 është ndalur për kontrollë në vijën e dytë të kontrollit vetura e tipit OPEL me targa të Kosovës që drejtohej nga një shtetas i Kosovës. Gjatë kontrollit të ushtruar në automjetin e lartë përmendur është zbuluar një sasi e konsiderueshme e lëndës narkotike. Sasia e lëndës narkotike ishte 10300 gram (10 kilogram e 300 gram). Lënda narkotike u zbulua e fshehur në disa pozicione në automjet, më saktësisht në bagazh në vendin e gomës rezervë (13 paketime), në anën e majtë të bagazhit (3 paketime), përpara në motor tek filtri i ajrit (2 paketime) dhe afër xhamit të parë tek hapësira për ventilim (3 paketime), pra gjithsejtë 21 paketime. Personi i dyshuar është arrestuar nga ana e Policisë dhe rasti është përcjell tek Policia e Kosovës. Gjatë kontrollit janë shfrytëzuar pajisjet e dhuruara nga Qeveria amerikane përmes programit EXBS-i, të cilat mundësuan zbulimin e shpejt të këtij rasti.

Menaxhmenti i Doganës së Kosovës është i vendosur në luftimin dhe hetimin e të gjitha rasteve të kontrabandës, korrupsionit dhe dukurive të tjera negative, prandaj edhe kërkojmë nga qytetarët që të thërrasin pasi duke ndihmuar doganën ndihmojnë në zhvillimin e vendit dhe krijimin e një të ardhme më të sigurt. Numrat për thirrje janë 0800 50 095 (pa pagesë), me mesazhe përmes 50 095 (pa pagesë) ose përmes postës elektronike në lajmro@dogana-ks.org.

Shpërndaje:

Lexo lajme tjera:

Dogana e Kosovës merr përkrahjen nga Komisioni evropian për avancimin e sistemit SEED*

Prishtinë 22 qershor 2016 – Drejtori i Përgjithshëm i Doganës z. Lulzim Rafuna është duke marr pjesë në takimin e drejtorëve të përgjithshëm të rajonit me komisionin evropian që është duke u mbajtur në Trieste të Italisë.

Ky takim ka për qëllim vlerësimin e progresit dhe hapat për avancimin e sistemit të shkëmbimit të informatave SEED në implementimin e tij. Drejtori i Përgjithshëm i Doganës z. Lulzim Rafuna ka paraqitur rezultatin e implementimit ku Kosova tanimë ka implementin me të gjitha vendet e rajonit në mbi 95% të shkëmbimeve dhe kjo direkt ka ndikuar në luftimin e evazionit fiskal, kontrabandës dhe korrupsionit. Gjithashtu Drejtori i Përgjithshëm z. Rafuna paraqiti ide të reja për përmirësimin dhe avancimin e shkëmbimit të dhënave edhe në luftimin e terrorizmit ndërkombëtar. Komisioni Evropian përkrahu Doganën e Kosovës si dhe u zotua se do të vazhdoi përkrahjen edhe për dy vitet e ardhshme.

*Sistemi i Shkëmbimit të Informatave Elektronike (http://www.eu-seed.net/pages/projectinfo.aspx)

23/06/2016 LEXO MË SHUMË

Dogana kap mbi 2500 litra naftë

Prishtinë 20 qershor 2016 – njësit e doganës në bashkëpunim me Policinë e Kosovës kanë kapur një tentim për kontrabandim të naftës në rajonin e Mitrovicës.

Pas pranimit të informatës përmes rrugëve operative për këtë veprimtari, respektivisht për kamuflimin e naftës në rimorkio të kamionit, njësit e doganës janë mobilizuar dhe kanë lokalizuar kamionin e dyshimtë. Kamioni është ndalur në fshatin Kqiq i Madh ku edhe është ushtruar kontrolla. Pas kontrollimit të rimorkios është vërejtur se në maune gjenden të ngarkuar dy bidon plastik me derivate të naftës me nga 1000 litra dhe anash kishte dy rezervuar me nga përafërsisht 500 litra naftë secili. Pala nuk posedonte asnjë dokumentacion për mallin prandaj së bashku me Policinë e Kosovës është dërguar në terminalin doganor në Mitrovicë për kontrollim detal.

Kamioni së bashku me derivatet janë konfiskuar gjithashtu edhe pala është gjobitur derisa rasti ka vazhduar tutje për hetime.

20/06/2016 LEXO MË SHUMË