Lajmet Artikulli

Prishtinë  29 Qershor 2019, Drejtori i përgjithshëm i Doganës së Kosovës z. Bahri Berisha me bashkëpunëtor dhe mbështetur nga përfaqësues të Ministrisë së Jashtme dhe Ambasadës së Republikës së Kosovës në Bruksel, është duke marr pjesë në takimin e Këshillit të Organizatës Botërore të Doganave, sesionet 133-134 të Këshillit, organi më i lartë i OBD për vendimmarrje.

Dogana e Kosovës, mori pjesë në punimet që u zhvilluan në kuadër të të Këshillit të Organizatës Botërore të Doganave, ndërsa pjesëmarrës ishin 183 shtete anëtare. Ky është sesioni i 6-të i OBD në të cilin Republika e Kosovës po merr pjesë që nga anëtarësimi më 25 janar 2017.

Në këtë sesion u mbajtën zgjedhjet për pozitën e Kryesuesit të Këshillit si dhe Drejtorët e Sekretariatit të OBD, ku Dogana e Kosovës mori pjesë në procesin zgjedhor.

Në këtë sesion u diskutuan zhvillimet e procesit të rishikimit të Konventës se Kyotos, ndërtimi i kapaciteteve, programet për lehtësim të tregtisë që do të i ofrohen shteteve anëtare, sigurinë globale, bashkëpunimi me Bankën Botërore dhe çështje tjera te rëndësishme në fushëveprim doganor.

Dogana e Kosovës, që nga anëtarësimi në OBD ka përfituar përveç në zhvillimin e kapaciteteve të brendshme përmes aktiviteteve të drejtpërdrejta nga ekspertë të OBD, gjithashtu ka arritur që vetëm vitin e fundit të akreditoj dy zyrtarë doganor si ekspert të akredituar të OBD për çështje të luftimit të tregtisë së jashtëligjshme.

Dogana e Kosovës është e përkushtuar të angazhohet fuqishëm në adaptimin dhe zbatimin e procedurave dhe sistemeve më të avancuara të OBD, me qëllim të përmirësimit të mëtejshëm të performancës së saj.

Dogana e Kosovës falënderon Ministrinë e Jashtme, Ambasadën e Republikës së Kosovës në Bruksel dhe gjithë partnerët ndërkombëtar për mbështetjen në mbarëvajtjen e punimeve.

Prishtinë 11 qershor 2019, Sot në Prishtinë për herë të parë është mbajtur takimi i Drejtorëve të përgjithshëm të doganave të vendeve të Ballkanit me përkrahjen e Doganës britanike.

Në këtë takim morën pjese, Bedri Hamza, Minister i financave, Ruairi O’Connell, Ambasadori Britanik ne Kosove, Drejtorët e përgjithshëm të Doganës se Kosovës, Doganës së Shqipërisë, Doganës së Maqedonisë së Veriut dhe Doganës së Malit të Zi

“Më lejoni fillimisht te falënderoi qeverinë e Britanisë se Madhe për përkrahjen e këtyre takimeve rajonale te drejtuesve te Doganave, te cilat takime janë me rendësi  te madhe për vendet tona, ne zhvillimin dhe ndërtimin e kapacitete doganore, te bashkëpunimit rajonal , te shkëmbimit te informacioneve dhe praktikave te mira ne fushën e doganave, qe kanë ndikim edhe  në zhvillimin ekonomik te vendeve tona rajonale. Dëshiroj gjithashtu të falënderoj edhe organizatat tjera ndërkombëtare për përpjekjet e tyre te vazhdueshme ne rajon për të ndihmuar nga programet e tyre, aktivitetet që lidhen me konceptin  rajonal te bashkëpunimit.”  theksoj ministri z. Hamza. Më tutje Ministri Hamza  theksoj se Qeveria e Kosovës dhe unë si Ministër i Financave  do të jemi ne përkrahje te këtyre iniciative ne fushën e Doganave dhe bashkëpunimit rajonal, me partneret tanë ndërkombëtare në shërbim te çdo iniciative qe shkon ne drejtim te lehtësirave tregtare dhe qarkulluese te mallrave , luftimin e kontrabandës dhe krimeve ndërkufitare dhe do te mbështes   çdo vendim apo projekti në fushën e doganave, me qëllim të lehtësimit të të bërit biznes dhe krijimit të kushteve më të mira për investitorët e jashtëm dhe për një zhvillimin ekonomik.

Derisa drejtori i doganës së Kosovës theksoj se “Ne e dimë qe Doganat ne rajonin tonë ka një mision të gjerë, duke filluar nga fusha e të hyrave, lehtësimin e tregtisë, luftimin e krimeve ndërkufitare, ekonomisë joformale,   dhe mbrojtjen e shoqërisë nga mallrat e ndaluara. Duke qenë se Doganat kane një  mision te gjere dhe vlerësohet si një nga institucionet me rendësi për vendet tona , ne vlerësojmë se qeveritë e vendeve tona , komuniteti i bizneseve  por edhe  qytetaret e vendeve tona do të vazhdojë të ketë pritje të mëdha nga Doganat ne lehtësimin e tregtisë, lëvizjes se njerëzve, mallrave, por edhe ne luftimin e kontrabandës dhe krimeve trans kufitare.

Prandaj bashkëpunimi rajonal na ndihmon që:

– Të rrisim të hyrat për buxhetin e shtetit
– Kufijtë më të sigurtë
– Lehtësira më të mëdha, procedura më të shpejta të mallrave dhe personave
– Menaxhim më të mirë të rrezikut
– Përdorim me efikas të burimeve njerëzore dhe teknike
– Kontribut më të mirë për sigurinë kombëtare dhe ndërkombëtare

Derisa ambasadori britanik në Kosovë Ruairi O’Connell theksoj se Britania e madhe do të vazhdoj të përkrah lehtësim e qarkullimit të lirë të mallrave dhe njerëzve prandaj jemi këtu për të ju përkrahur”

Dogana e Kosovës do të jete ne përkrahje te këtyre iniciative ne fushën e Doganave dhe bashkëpunimit rajonal, me partneret tanë ndërkombëtare në shërbim te çdo iniciative qe shkon ne drejtim te lehtësirave tregtare dhe qarkulluese te mallrave , luftimin e kontrabandës dhe krimeve ndërkufitare dhe do te mbështesim   çdo vendim apo projekt në fushën e doganave, me qëllim të lehtësimit të të bërit biznes dhe krijimit të kushteve më të mira për investitorët e jashtëm dhe për një zhvillimin ekonomik.