Lajmet Artikulli

01/10/2021

Dogana mbledhë mbi 1 miliard euro

Prishtinë 1 tetor 2021, Sot dogana ka arritur që për herë të parë që nga themelimi të grumbulloj mbi 1 miliard euro e që paraqet një rezultat të jashtëzakonshëm.

Në konferencën për shtyp, drejtori i përgjithshëm z. Agron Llugaliu theksoj se “Vetëm gjatë vitit 2021 për periudhën kohore 01 Janar- 30 Shtator Dogana ka arritur të tejkalojë projeksionin e rishikuar te të hyrave për 6.51% si , ndërkaq krahasuar me të hyrat e vitit 2020 për të njëjtën periudhe kemi një rritje për 33.74% te të hyrave te inkasuara e krahasuar me projeksionin për tërë vitin 2021 mund të themi se kemi arritur të grumbullojmë mjetet në lartësi prej 80% të buxhetit të planifikuar.” Rritja e të hyrave në mënyrë direkte i atribuohet zhdoganimit të rregullt të mallrave të deklaruara sipas procedurave të përcaktuara nga Dogana. Mirëpo në këtë performance një ndikim mjaft të madh e kanë aktivitetet e orientuara në parandalim të kontrabandës, evazionit fiskal dhe korrupsionit si dhe dukurive tjera të cilat si indikatorë kanë shënuar rritje ne krahasim me periudhën paraprake. Në këtë drejtim gjate këtij viti janë arrestuar 13 persona të dyshimtë, 2 prej tyre janë zyrtarë doganore të cilët janë zëne ne flagrance duke lehtësuar kontrabandën me medikamente në njërin rast, ndërkaq në rastin tjetër njeri zyrtar doganor është arrestuar për mit marrje”

Angazhimi maksimal i zyrtarëve doganor është shumë kontribut dhënës në gjithë këtë proces. Megjithatë të gjitha këto suksese te Doganës janë arritur duke pasur ne vazhdimësi përkrahjen nga institucionet e Qeverisë se Republikës se Kosovës, MFPT, vendet partnere të BE-se, asistencën nga organizatat qeveritare Amerikane, sidomos te programit EXBS, asistencën nga ambasada Britanike dhe ambasadat e shteteve tjera mike, agjencitë tjera të pavarura, përfaqësuesit e bizneseve, mediat, partneret tanë vendor etj.

Shpërndaje:

Lexo lajme tjera:

Dogana lanson aplikacionin për telefonat e mençur

Prishtinë 4 tetor 2021, Dogana e Kosovës në vazhdimësinë e saj për parandalimin e kontrabandës, korrupsionit dhe parregullsive tjera, së fundmi ka publikuar aplikacionin për telefona të mençur i cili u mundëson qytetarëve dhe i fton ata të jenë pjesë aktive e parandalimit dhe raportimit të këtyre dukurive negative. Pra janë funksionalizuar dy sisteme te reja operative të cilat mund të instalohen në telefonat e mençur. Kur shkarkohet aplikacioni qytetarë mund të kenë qasje në dy sisteme:

Sistemi i parë ju mundëson raportimin e Korrupsionit, Kontrabandës e Parregullsi tjera

Mjafton të shkarkoni aplikacionin e-Dogana dhe natyrisht me një qasje mjaft të lehtë duke klikuar në njërën nga menytë kryesore mund të raportoni Korrupsionin, Kontrabandën e Parregullsi tjera. Qytetarëve u është dhënë mundësia që përmes këtij aplikacioni duke përshkruar rastin, vendndodhjen dhe bashkangjitur provat të bëhen pjesë e parandalimit dhe luftimit të dukurive negative të shoqërisë.

Sistemi tjetër mbron qytetarë nga mashtrimet me kilometra gjatë shitjes së veturave

Po ashtu përmes aplikacionit e-Dogana duke dashur të ju ndihmojmë qytetarëve që të mos bien pre e mashtrimeve të ndryshme nga shitës të papërgjegjshëm, u është ofruar mundësia që të bëjnë verifikimin e veturave të zhdoganuara nga data 1 Shtator 2021 e deri më sot. Duke shënuar numrin e shasisë së veturës ju merrni informata rreth detajeve të veturës, kilometrave të kaluara dhe statusin e zhdoganimit. Aplikacionin mund ta shkarkoni në Google Play Store duke kërkuar me emrin eDogana ose klikoni në linkun: https://play.google.com/store/apps/details?id=com.dogana.lajmerodoganen

04/10/2021 LEXO MË SHUMË

Arrestohet një zyrtar doganor në Vërmicë

Prizren 17 shtator 2021, mbrëmë (16 shtator 2021) pas pranimit të një informate përmes rrugëve zyrtare, se një zyrtar Doganor në Pikë Kalimin e Vermicës është duke e keqpërdorur detyrën zyrtare dhe njëkohësisht pranuar mito njësitë e hetimeve të doganës kanë arrestuar këtë zyrtar.

Zyrtarët e Hetimeve të Doganës së Kosovës nën udhëheqjen e Prokurorisë Themelore në Prizren, kanë arrestuar zyrtarin Doganor dhe e kanë dërguar në mbajtje për 48 orë.

Bazuar në provat e gjetura dhe sipas urdhrit të Prokurorit të Prokurorisë Themelore në Prizren, është konstatuar dyshimi i arsyeshëm se zyrtari doganor në detyrë ka qenë i përfshirë në veprat penale marrje e mitos sipas nenit 428 dhe Keqpërdorimi i pozitës apo autoritetit zyrtar sipas nenit 422 te Kodit Penal te Kosovës.

Dogana e Kosovës synon që në bashkëpunim me qytetarët të mbrojë interesin e shtetit, duke u pamundësuar kriminelëve që të përfitojnë nga taksat e qytetarëve. Andaj, mirëpresim bashkëpunimin me qytetarët e Republikës së Kosovës dhe mënyra më e sigurte është që të na kontaktoni përmes telefonit 0800 500 95, facebook Dogana e Kosovës ose e-mail: info@dogana-ks.org. Me bashkëpunim efikas secili bëhet pjesë e luftës ndaj krimit. Duke mbrojtur të hyrat ne i krijojmë më shumë mundësi zhvillimit të vendit.

17/09/2021 LEXO MË SHUMË