ZËVENDËSMINISTRI RAMADAN AVDIU VIZITOI ZYRAT QËNDR
Lajme
21 February 2013
ZËVENDËSMINISTRI RAMADAN AVDIU VIZITOI ZYRAT QËNDR
Zëvendësministri i Financave Ramadan Avdiu, ka vizituar sot zyrat e drejtorisë qendrore të Doganës së Kosovës, ku është pritur nga drejtori i përgjithshëm i Doganës Naim Huruglica së bashku me zyrtarë tjerë të lartë të këtij institucioni.
Në takimin që zhvilloi zëvendësministri Avdiu me drejtorin Huruglica dhe bashkëpunëtorët e tij, u diskutua për performancën e Doganës gjatë vitit 2012 dhe për objektivat dhe planet për vitin 2013.
Zëvendësministri Avdiu shfrytëzoi rastin që të përgëzoi stafin e Doganës dhe menaxhmentin e saj për arritjen e planit të të hyrave gjatë vitit 2012 dhe gjithashtu shprehi gatishmërinë për mbështetjen dhe bashkëpunimin e vazhdueshëm edhe gjatë këtij viti dhe viteve në vazhdim.
Ndërsa, drejtori i përgjithshëm i Doganës Naim Huruglica, njoftoi për së afërmi zëvendësministrin Avdiu me zhvillimet aktuale në Doganë, po ashtu edhe me rrjedhën e punës, angazhimin dhe mbledhjen e të hyrave për vitin 2012. Si dhe në fund e njoftoi edhe me planet dhe sfidat për vitin që sapo kemi hyr.
Zëvendësministri Avdiu i shoqëruar nga drejtori i përgjithshëm i Doganave Naim Huruglica, gjatë ditës së sotme gjithashtu vizitoi edhe pikat doganore në Hanit të Elezit dhe atë të Vermicës.
