U gjetën 1.5 kg narkotikë në autobusin e linjës Tiranë-Prishtinë
Lajme
14 November 2016
U gjetën 1.5 kg narkotikë në autobusin e linjës Tiranë-Prishtinë
Prizren 14 nëntor 2016 – Gjatë ditës së djeshme oficerët doganor dhe ata policor kanë parandaluar futjen e një sasie të narkotikëve në pikë-kalimin e Vërmicës.
Gjatë hyrjes për në Kosovë të autobusit të linjës Tiranë – Prishtinë oficerët doganor gjatë kontrollit të udhëtarëve dhe bagazhit të tyre hasën në dyshime tek njëri prej udhëtarëve. Pas selektimit të tij dhe kontrollës së ushtruar në bagazhet e tij u gjetën të kamufluara me rroba në brendi katër (4) paketime me substance narkotike e llojit marihuanë.
Sasia e lëndës narkotike ishte saktësisht 1660 gram (1 kilogram e 660 gram) 4 qese (paketime). Personi i dyshuar (shtetas i republikës së Shqipërisë) është arrestuar nga ana e Policisë së Kosovës gjithashtu lënda narkotike dhe komplet rasti i është dorëzuar Policisë për procedim të mëtejmë.
