
Informim me rëndësi nga Dogana e Kosovës për subjektet prodhuese
Lajme
13 January 2021
Informim me rëndësi nga Dogana e Kosovës për subjektet prodhuese
Me qëllim që të lehtësoj procedurat dhe të evitoj pritjet eventuale për procedurat e lirimeve të lëndës së parë nga Vendimet aktuale të lëshuara nga ATK, për prodhues (Aneksi II) sipas Vendimeve të Qeverisë së Republikës së Kosovës Nr. 13/07 dhe 14/07 të datës 06.10.2017:
Dogana e Kosovës njofton të gjitha subjektet e Autorizuara se Vendimet e lëshuara gjatë vitit 2019/2020 për lëndë të parë dhe burime të energjisë (aneksi II) vlejnë dhe vazhdohen me automatizëm deri në një njoftim tjetër.
Kjo shtyrje e afatit vlen për të gjitha subjektet prodhuese që tashmë kanë një Vendim me protokoll për lirime në import sipas vendimeve të Qeverisë së Republikës së Kosovës.
Përjashtim bëjnë kërkesat e reja dhe plotësimet nga ana e subjekteve që gëzojnë këtë të drejt sipas procedurës.
