Drejtori i Përgjithshëm i Doganës së Kosovës, z.Agron Llugaliu takon Sekretarin e Përgjithshëm të Organizatës Botërore të Doganave në Bruksel
Lajme
16 May 2022
Drejtori i Përgjithshëm i Doganës së Kosovës, z.Agron Llugaliu takon Sekretarin e Përgjithshëm të Organizatës Botërore të Doganave në Bruksel
16 Maj 2022 – Drejtori i Përgjitshëm i Doganës së Kosovës, është duke qëndruar për vizitë zyrtare në Bruksel, ku u mirëprit në takim nga Sekretari i Përgjithshëm i Organizatës Botërore të Doganave (OBD), Dr. Kunio Mikuriya.
Në këtë takim, Drejtori i Përgjithshëm z.Llugaliu njoftoi Sekretarin e Përgjithshëm të OBD-së, Dr. Kunio Mikuriya, për të arriturat, sukseset si dhe sfidat e Doganës së Kosovës.
Gjithashtu, Drejtori i Përgjithshëm e njoftoi Sekretarin e Përgjithshëm lidhur me planet e ardhshme të Doganës së Kosovës, me qëllim të avancimit të kapaciteteve në të gjitha fushat.
Sekretari i Përgjithshëm i Organizatës Botërore të Doganave Dr. Kunio Mikuriya, vlerësoi angazhimin dhe kontributin e Doganës së Kosovës si anëtare e OBD-së, dhe u diskutua për bashkëpunimin e mëtejshëm. Dogana e Kosovës është e përkushtuar të avancoj sistemin dhe proceset duke zbatuar meknazimat e OBD-së.
