DOGANA KALON SHIFRËN PREJ 500 MILION EUROVE
Lajme
19 November 2008
DOGANA KALON SHIFRËN PREJ 500 MILION EUROVE
Prishtinë 19 nëntor 2008, Angazhimi maksimal i Doganës së Kosovës ka rezultuar që për herë të parë pas 9 viteve të themelimit të Doganës ka arritur shifrën rekorde në mbledhjen e të hyrave në fillim të nëntorit, pra kjo është hera e parë që gjysmë miliard euro janë mbledhur për buxhetin e Kosovës dy muaj para përfundimit të vitit.
Duke marr parasysh rrethanat politike në Kosovë pas shpalljes së pavarësisë ky është një sukses i veçantë i Doganës. Dogana e Kosovës deri në javën 45 (9 nëntorit 2008) ka mbledhur të hyra saktësisht 500.892.187.22 milion euro që është 86% e planit të realizuar për vitin buxhetor 2008.
Krahasuar me vitin e kaluar, kjo paraqet një rritje të të hyrave, sepse në periudhën e njëjtë, javën e 45 të 2007 Shërbimi Doganor kishte mbledhur 446 milion euro. Pra ka rritje prej 54 milion eurove.
