Lajmet Artikulli

 Me 10.03.2012, rreth 09:30, në pikë kalimin kufitar në Vërmicë, nga Republika e Shqipërisë në drejtim të Republikës së Kosovës ka ardhur autobusi i tipit DAF, de 33, ngjyre jeshile, në të cilin ndodheshin udhëtarë që po vinin nga Republika e Shqipërisë për në Republikën e Kosovës.

Gjatë kontrollit të përbashkët nga Policia dhe Doganat e Kosovës, në autobus janë gjetur dhe konfiskuar 10 kilogram e 515 gram të substancës narkotike e dyshuar e llojit Marihuan si dhe janë arrestuar dy persona të dyshuar, me dyshimin e bazuar  për Blerje, shitje, shpërndarje dhe posedimi i paautorizuar i narkotikëve të rrezikshëm dhe substancave psikotropike

Për hetime të mëtutjeshme në vendngjarje kane dalë Njësia për Hetimin e Narkotikëve si dhe Prokurori Publik i Qarkut dhe njësia e krim teknikes.

Nga hetimet preliminare në vend të ngjarjes hetuesit policor në bazë të informacioneve dhe verifikimeve të bëra dyshojnë se ngasësi i autobusit dhe shoqëruesi i tij edhe në të kaluarën kanë pasur raste të tilla të kontrabandës me Marihuane dhe me arme e municion.

 Me autorizim të Prokurorit Publik të Qarkut të dyshuarit Lazim D. (1955) dhe Roland J. (1971) janë ndaluar ne Polici për hetime të mëtutjeshme.

Vërmicë 01 mars 2012 – mbrëmë rreth orës 21:00 në pikë kalimin kufitarë  Vërmicës, oficerët doganorë kanë zbuluar substancë narkotike të fshehur. Gjatë kontrollës, në hyrje të kësaj pike kufitare oficerët doganorë selektuan një furgon të tipit WV T4 me targa të Kosovës, për kontroll rutinore.

Pas ndaljes vozitësi pohoi që nuk kishte asgjë për të deklaruar. Mirëpo oficerët doganore fillojnë kontrollën duke thirrur në asistence edhe policinë kufitare, pasi kishin vërejtur se dyert prapa ishin të bllokuara, gjë që mund të dyshohet të ketë diçka të fshehur. Pas kontrollës detale të furgonit, oficerët doganorë së bashku me policinë zbuluan në ulëset prapa vozitësit 10 qese të cilat dyshoheshin të jenë substancë narkotike. Pas matjeve të qeseve, sasia totale ishte 10.4 kg kurse lloji për momentin dyshohet që është marihuanë.

Sasia e zbuluar është konfiskuar si dhe vozitësi është ndaluar dhe i tërë rasti i referohet tek Njësitet anti drogë  të Policisë së Kosovës, për procedurë të mëtutjeshme.

Rezultatet e theksuara gjatë kësaj periudhe të Doganës dhe Policisë Kufitare janë pjesë e angazhimit dhe punës së përbashkët në kuadër të Menaxhimit të integruar të kufirit, që tani më ka filluar edhe të prodhojë rezultate të theksuara.