Lajmet Artikulli

13/03/2012

NËNSHKRUHET PROCEDURA STANDARDE E OPERIMIT PËR ZYR

Prishtinë, Sot në Ministrinë Punëve të Brendshme u bë nënshkrimi i protokollit të bashkëpunimit për zyrtarin e parë në rast. Ky protokoll ka një rëndësi të veçantë pasi për herë të parë aktiviteti i Menaxhimit të Integruar të Kufirit shtrihet përtej agjensioneve themeluese të saj (Policia, Dogana dhe Agjensioni i Ushqimit dhe Veterinarisë së Kosovës), pra përfshin edhe Agjensionin e Kosovës për Mbrojtje nga Rrezatimi dhe Siguria Bërthamore (AMRK).

Koordinatori nacional njëherë edhe zëvendës ministri i punëve të brendshme z. Sasha Rashiq me këtë rast tha: “Sot bëjmë edhe një hap drejt integrimit evropian, Kjo PSO e sidomos futja e AKMRrSB në procesin e kontrolleve të integruara do të rris nivelin e sigurisë për qytetarët e Kosovës. Menaxhimi i integruar i kufirit është duke u shndërruar në një nga shtyllat kryesore drejt liberalizimit të vizave dhe integrimeve evropiane prandaj edhe kjo procedurë i shërben këtij qëllimi”.

Koloneli Rrahman Sylejmani falënderojë të gjithë anëtarët e grupit punues për të arritjen deri tek protokolli i ri i cili trajton një çështje shumë të rëndësishme për bashkëpunimin ndër-agjensione në kuadër të kufirit shtetëror.

Drejtori i agjensionit të ushqimeve zt. Valdet Gjinovci theksoj se thellimi i bashkëpunimit në MIK ka ndihmuar AUV që të gjej mbështetje tek agjensionet, prandaj edhe kjo procedurë ndihmojnë dhe forconë agjensionet.

Nga ana tjetër përfaqësuesi i doganës, Drejtori i kufirit z. Bajram Rexha kërkoj nga të agjensionet nënshkruese të protokollit që menjëherë të fillohet punën në terren respektivisht me fillimin e nivelit operativ. Kjo është procedura Standarde e Operimit e pestë e nënshkruar deri tani, kurse i pari për vitin 2012.

Shpërndaje:

Lexo lajme tjera:

NDALOHEN 512 LITRA NAFTE NE TENTIM KONTRABANDIMI

Prishtinë 19 mars 2012 – Në magjistralen Mitrovicë – Prishtinë, Oficerë Doganorë të asistuar nga Policia e Kosovës, kanë zbuluar sasi të derivateve të naftës në tentim kontrabandimi.

Gjatë operimit të përbashkët në kuadër të Task Force, Oficeret Doganore kanë kanë vërejtur veturën e llojit Ford Eskord si të dyshuar, tek po parkohet afër një pompe të benzines në afërsi të Vushtrrisë.

Veturës së lartë cekur i është ushtruar kontroll detal, ku Oficeret Doganorë kanë zbuluar 32 bidone të derivateve të naftes, me qëllim kontrabandimi.

Sasia e naftes se zbuluar gjithëj është 512 litra, me c’rast kjo sasi është konfiskuar, gjithashtu edhe vetura është ndal përkohësisht. I tëre rasti i është dorëzuar sektorit për Kundërvajtje Doganore deri ne përfundim te procedures se rregullt.

19/03/2012 LEXO MË SHUMË

KONFISKOHEN MBI DHJETË KILOGRAM SUBSTANCË NARKOTIK

Me 10.03.2012, rreth 09:30, në pikë kalimin kufitar në Vërmicë, nga Republika e Shqipërisë në drejtim të Republikës së Kosovës ka ardhur autobusi i tipit DAF, de 33, ngjyre jeshile, në të cilin ndodheshin udhëtarë që po vinin nga Republika e Shqipërisë për në Republikën e Kosovës.

Gjatë kontrollit të përbashkët nga Policia dhe Doganat e Kosovës, në autobus janë gjetur dhe konfiskuar 10 kilogram e 515 gram të substancës narkotike e dyshuar e llojit Marihuan si dhe janë arrestuar dy persona të dyshuar, me dyshimin e bazuar për Blerje, shitje, shpërndarje dhe posedimi i paautorizuar i narkotikëve të rrezikshëm dhe substancave psikotropike

Për hetime të mëtutjeshme në vendngjarje kane dalë Njësia për Hetimin e Narkotikëve si dhe Prokurori Publik i Qarkut dhe njësia e krim teknikes.

Nga hetimet preliminare në vend të ngjarjes hetuesit policor në bazë të informacioneve dhe verifikimeve të bëra dyshojnë se ngasësi i autobusit dhe shoqëruesi i tij edhe në të kaluarën kanë pasur raste të tilla të kontrabandës me Marihuane dhe me arme e municion.

Me autorizim të Prokurorit Publik të Qarkut të dyshuarit Lazim D. (1955) dhe Roland J. (1971) janë ndaluar ne Polici për hetime të mëtutjeshme.

12/03/2012 LEXO MË SHUMË