Lajmet Artikulli

Vërmicë 21 shtatore. – Ne Degën Doganore Vermië, Ne kuadër të bashkëpunimit  të Menaxhimit të Integruar të Kufirit Oficeret Doganore dhe ata të Policisë së Kosovës, kane zbuluar sasi te armeve dhe municionit.

Gjatë kontrollit të përbashkët në Pikë Kalimin Kufitarë Vërmicë në hyrje te kësaj pike, Oficerët Doganorë dhe Policia e Kosovës kanë ndaluar një automjet për kontroll. Automjeti i selektuar ishte i  llojit Gjip Mitsubishi Pajero me targa të Tiranës, me të cilin udhëtonin dy shtetas nga Shqipëria.

Gjate kontrollës detale të automjetit, Oficeret Doganorë kanë hasur në mallra të ndaluara, të cilat ishin të  fshehura tek  ulëset e pasme të automjetit.

Sasia e mallrave të zbuluara është si në vijim:

• 11 cope – Armë me gaz të kalibrave të ndryshëm
• 5 copë   – pushkë ajrore
• 8 – cope dylbi të pushkëve ajrore, si dhe
• 6755 – copë municion të kalibrave të ndryshëm

E tërë sasia e mallit të zbuluar , i është dorëzuar Policisë së Kosovës, si dhe personat e involvuar në këtë raste, do t’i nënshtrohen procedurës së mëtutjeshme në raste të zbulimit me mallra të ndaluara.

Hani Elezit 3 shtator 2012-. Sot me një ceremoni të mbajtur në Han të elezit u shënua 13 vjetori i themelimit të Doganës së Kosovës. Dogana e Kosovës gatë këtyre 13 viteve ka qenë institucioni kryesor i cili ka financuar buxhetin e Kosovës. Nga themelimi e deri tani janë mbledhur afër 6 miliard euro nga taksat kufitare.

Drejtori i përgjithshëm z. Naim Huruglica me këtë rast falënderojë stafin për 13 vite angazhim dhe kontribut të theksuar në ndërtimin e një Dogane moderne, gjithashtu theksoj edhe sfidat e vazhdueshme me të cilat Dogana është dhe vazhdon të ballafaqohet.

Kurse në anën tjetër Ministri i financave z. Bedri Hamza falënderojë oficerët e Doganës për kontributin dhe punën e tyre në ndërtimin e shteti të Kosovës, gjithashtu inkurajoj stafin që të vazhdoj të punoj me përkushtim të theksuar.

Me këtë rast, Dogana përurojë edhe një sistem të ri dhe modern ASYCUDA i cili do të lehtësoj punën e biznesit dhe qarkullimin e mallrave, por njëkohësisht do të ofrojë mundësi për kontrolle sa më efektive dhe të bazuar në praktikat më të mira evropiane.

Fillimin e punës së sistemit të ri kompjuterik  e bëri Ministri i Financave z. Bedri Hamza i cili edhe e procesojë një deklaratë doganore në eksportin e mallrave të Kosovës. Ky ishte edhe fillimi i punës për sistemin ASYCUDA, sistem i cili përdoret në pjesën më të madhe të Doganave në botë dhe si i tillë është kompatibil me kërkesat dhe praktikat më të mira evropiane.   

Dogana e Kosovës vjel rreth 65%-70% e të hyrave të Buxhetit Kosovës me një mesatare të investimit publik prej 1 cent për çdo 1 euro të mbledhur.