Lajmet Artikulli

Hani i Elezit – Sot gjatë ditës oficerët doganor kanë arritur të kapin një sasi të konsiderueshme të arit e cila tentonte të kontrabandohet përmes pikës kufitare të Hanit të Elezit.  Me rastin e ndaljes se një automjetit dhe pas pyetjes së oficerëve doganor nësë kanë mall për të deklaruar, drejtuesi i mjetit dhe bashkëudhëtari nuk kanë
deklaruar asgjë.

Për këtë arsye drejtuesi i automjetit i cili ka qenë në rolin e taksistit dhe udhëtari  jane dërguar për kontroll trupore. Gjatë kontrollës trupore tek udhëtari janë gjetur të fshehura në trup një sasi e konsiderueshme e stolive të arit. Kurse është kontrolluar edhe drejtuesi I automjetit si dhe automjeti detalish por nuk është gjetur asgjë. Gjatë kontrollës ka asistuar edhe policia kufitare.Kurse sasia ne total e gjetur tek udhëtari  ka qenë mbi 1.5 kg stoli ari. Vlera e mallit sipas informative preliminare është mbi 40.000 euro.

Për shkak të  mosdeklarimit të malli, në bazë të nenit 250, pika 3 e kodit doganor dhe akcizës nr. 03/L-109 rasti dërgohet për procedurë të rregullt të kundërvajtjes doganore kurse malli është konfiskuar. 

Prishtinë 30 tetor 2012 – Mbrëmë  në  orët e vona në pikë kalimin kufitar të hanit të elezit njësitet e antikontrabandës së doganës kanë arritur të zbulonin një sasi të konsiderueshme të revoleve gjatë tentimit për të u kontrabanduar ilegalisht.

Pas ndalesës së një automjeti me targa te Shkupit (republika e Maqedonisë) dhe pas kontrolleve fillestare automjeti është dërguar për skanim. Pas skenimit, imazhet kane dhëne indikacione për gjera te fshehura ne pjesën e pasme te veturës. Imazhet e gjeneruara nga skaneri kane dhëne dyshime se ne ketë pjese ka një sasi e konsiderueshme e revoleve.

Pas hapjes se kësaj pjese oficerët doganor kane gjetur fillimisht 26 copë revole te llojit EKOL SPECIAL te kalibrit 9 mm. Pas vazhdimit të kontrollit të mëtejmë në pjesën e përparme të automjet, respektivisht të motorit janë gjetur edhe një sasi tjetër prej 17 copë revole të njëjti lloj.

Totali i revoleve të zbuluar gjatë kontrollës është 43 copë.  Pas këtij zbulimi se bashku me policinë e Kosoves është bërë arrestim i drejtuesit të automjetit  shtetas i Maqedonisë. Rasti është dorëzuar te Policia për vazhdimin e hetimeve te mëtejme.