Lajmet Artikulli

27/02/2013

DOGANA PARANDALON KONTRABANDIMIN E NJERËZVE

Hani i elezit 27 shkurt 2013, – Sot në orët e paditës oficerët doganor kanë gjetur të fshehur në një maune me mallra tre persona duke tentuar të futen ilegalisht në Kosovë.

Ngarkesa në të cilën gjendeshin personat përmban material elektrik dhe është nisur nga Turqia për një kompani e cila operon në Kosovë.

Oficerët doganor gjatë skanimit të maunës dhe pas përpunimit të imazheve të gjeneruara nga skaneri vërejtën format njerëzore brenda ngarkesës. Personat ishin fshehur në atë formë që vetëm me kontroll vizuale nuk mund të shiheshin.

Oficerët doganor së bashku me Policinë e Kosovës bënë hapjen e maunës dhe me këtë rast gjetën personat e fshehur. Sipas informatave të para dyshohet se personat janë me origjine nga Pakistani. Rasti në fjalë është proceduar tek policia e Kosovës e cila gjithashtu ka bërë edhe arrestimin e tyre.

“Rritja e kapaciteteve dhe profesionalizimi i Doganës së Kosovës gjatë viteve të fundit është duke u dëshmuar në të gjitha aspektet. Ky rast tregon edhe një here se investimet në pajisjet moderne dhe në trajnimin e stafit rrisin aftësin për tu përballuar me forma të ndryshme të kontrabandës”. – tha lidhur me këtë rast Drejtori I përgjithshëm z.Naim Huruglica.

Shpërndaje:

Lexo lajme tjera:

NË HAN TË ELEZIT KAPEN PËRSËRI 4 SHTETAS TË HUAJ G

Hani i elezit 2 mars 2013, – Dje në orët e pasdites, oficerët doganor kanë ndaluar një grup prej 4
shtetasve te huaj, qe permes nje ngarkese komerciale, tentuan të futen ilegalisht në Kosovë.

Gjatë procedurë së zhdoganimit të mallrave nga një kompani kosovare e cila importonte mallra
nga Turqia, oficerët doganor arritën të gjenin të fshehur brenda maunës katër shtetasit e huaj,
qe te gjithe me origjine nga vendet aziatike. Pas zbulimit menjëherë është thirrur Policia e Kosoves, e cila e ka marr rastin përsipër dhe ka
bërë arrestimin e katër personave.

Ky është rasti i dytë i zbulimit te tentimit te hyrjeve ilegale te personave brenda javes, pasi
tri dite me heret ishte parandaluar hyrja e tre personave te tjere, ne nje menyre identike te
transportit.

Dogana ka intensifikuar kontrollat, pasi që janë rritur dyshimet se bëhet fjalë për një rrjet të
organizuar të kontrabandës me njerëz, qe tentojne te shfrytezojne Kosoven si vend transit.

02/03/2013 LEXO MË SHUMË

ZBULOHEN RRETH 1000 LITRA DERIVATE TE NAFTËS

Prishtinë 27 shkurt 2013 – Dogana e Kosovës zbulon sasi të derivateve të naftës në tentim kontrabandimi. Njësitet antikontrabandë të Doganës së Kosovës, gjatë patrullimit përgjatë magjistrales Prishtinë – Drenas në afërsi tek Kroni i Mbretit kanë ndalur një kamionetë për kontroll rutinore.

Gjate kontrollës kanë vërejtur të maskuar një rezervar post-fabrikant të mbushur me derivate të naftës, për të cilat personi në fjale nuk posedonte asnjë dëshmi mbi pagesën e detyrimeve importuese.

Në mungesë të kushteve për kontroll detale, pala është dërguar në terminalin Doganorë në Mitrovicë. Pas kontrollit detal Oficerët Doganorë kanë bërë shkarkimin e derivateve të naftës të zbuluar në rezervuarin post-fabrikant të maskuar në kamionetë, në sasi afro 1000 litra.

E tërë sasia e Zbuluar e derivateve të naftës së bashku me kamionetën janë konfiskuar nga Oficerët Doganorë, ndërsa për palën në fjalë është iniciuar kundërvajtje Doganore.

27/02/2013 LEXO MË SHUMË