Lajmet Artikulli

Prishtinë 27 maj 2013 – Dogana e Kosovës parandalon kontrabandimin e pajisjeve medicinale. Në Aeroportin Ndërkombëtar të Prishtinës, pasagjerët që sapo kishin arritur nga Turqia – Stambolli, duke kaluar përmes kanalit të gjelbër, njëri prej tyre është selektuar nga Oficerët Doganor për kontroll përmes skanerit.

Pas kontrollës përmes skanerit Oficerët Doganorë kanë vërejtur në valixhe të pasaxherit sasi të konsiderueshme të pajisjeve,
të cilat më pas janë identifikuar të jenë pajisje medicinale si dhe sasi e barnave.

Për këtë lloj të mallit personi në fjalë nuk posedonte ndonjë dëshmi, fature lidhur me vlerën e saktë të mallit, as licencë që janë të obligueshëm nga AKPM.

Me këtë rast pala ka bërë kundërvajtje Doganore sipas nenit 250 pika 1 të Kodit Doganorë dhe Akcizave. E tërë sasia e mallit të zbuluar është konfiskuar, si dhe dokumentacioni përkatës i palës, deri në përfundim të procedurës së rregullt.

Prishtinë, 16 maj 2013- Sot, oficerët e Doganës vullnetarisht dhuruan gjak. Në bashkëpunim me Qendrën e Transfuzionit të Gjakut në Prishtinë dhe Doganën e Kosovës është mbajtur aksioni vullnetar për dhurim e gjakut.

Ndër dhuruesit e parë ishte edhe Drejtori i përgjithshëm i Doganës z. Huruglica, i cili me këtë rast apeloi që të ndihmohen njerëzit të cilët kanë nevojë, pasi që dhurimi vullnetar i gjakut shpëton jetët e njerëzve. 

Nga ana tjetër përfaqësuesit e Qendrën së Transfuzionit të Gjakut falënderuan Doganën e Kosovës për kontributin e vazhdueshëm në përkrahjen e kësaj qendre.

Në organizimin e sotëm morën pjesë afër 50 oficerë doganor, të cilët vullnetarisht dhuruan gjak. Vlen të ceket se Dogana e Kosovës është një institucion i cili rregullisht organizon dhurimin e gjakut, saktësisht është hera e 7 radhazi që organizohet  ky aksion për dhurimin vullnetar të gjakut.