Lajmet Artikulli

19/11/2014

Kapen afër 23 kilogram narkotikë

Prishtinë, – oficerët doganor dhe policor mbrëmë gjatë kontrollit të një autobusi i cili kalonte përmes pikëkalimit kufitar të Merdares kanë kapur një sasi e konsiderueshme e narkotikve.

Mbrëmë rreth orës 23:00 në Pikëkalimin kuftar të Merdarës është ndaluar për kontroll autobusi i linjës Prizren – Beorgrad, autobusi është ndaluar gjatë daljes nga Kosova. Ky autobus është dërguar për kontroll detale në terminalin doganor pasi që oficerët doganor dhe policor kanë dyshuar për mallra ilegale të cilat potencialisht mund të ishin të fshehura në brendi të autobusit. Gjatë kontrollit detal janë përdorur edhe pajisjet ndihmëse si Fibroskopin dhe Busterin, përnes të cilave është arritur të identifikohen në pjesën e pasme të autobusit, saktësisht tek pjesa e motorit dy çanta të dyshimta. Në çanta janë gjetur 22 paketime që dyshohet të jetë substanë narkotike canabis sativa. Pas hapjes është konstatuar se sasia është rreth 23 kg. Menjëherë janë arrestuar vozitësi dhe ndihmës vozitësi që të dy shtetas të Kosovës. Në autobus kanë qenë gjithsejt 10 udhëtarë të cilët janë evidentuar dhe janë liruar më pas.

Dogana e Kosovës falenderon edhe një herë ambasadën amerikane për donacionet e vazhdueshme dhe asistencën e cila ka mundësuar që dogana të ketë pajisje të specializuara për kontrolle detale. Dogana ka pranuar në vazhdimësi pajisje të teknollogjisë së lartë dhe trajnime nga projektet e ambasadës Amerikane.

Shpërndaje:

Lexo lajme tjera:

Kapen 200.000 euro barna kontrabandë

Pejë 30 Gusht 2014 – njësit e Doganës së Kosovës gjatë ditës së djeshme kanë realizuar një aksion për bastisjen e një lokacioni në qytetin e Pejës. Pas marrjes së informatave përmes rrugëve operative lidhur me një sasi të konsiderueshme të barnave të cilat besohet se ishin kontrabanduara njësit e doganës kanë arritur të gjenin dhe konfiskonin barna të kontrabanduara me vlerë mbi 200.000 euro.

Një kompani e cila kishte selinë në ish depon farmaceutike të Spitalit Regjional të Pejës ishte e dyshuar për kontrabandë. Gjatë aksionit të përbashkët me Policinë e Kosovës, është gjetur një sasi e konsiderueshme e barnave (836 emërtime apo lloje të ndryshme) me vlerë të përafërt mbi 200.000 euro. Gjatë bastisjes janë hasur në dy bunkerë (hapësirë e kamufluar) brenda depos ku në njërin nuk është gjetur asgjë, ndërsa në bunkerin e dytë kemi hasur sasi të konsiderueshme të barnave të kontrabanduara. Llojet e barnave janë nga më të ndryshme kryesisht prodhime greke. Gjithashtu njësit e Doganës kanë hasur në një armë të tipit AK 47-Kallashnikov me 23 fishekë kalibri 7.62×39 mm. Gjatë bastisjes njësit e doganës u asistuan edhe nga Policia e Kosovës.

Dogana ka iniciuar hetimet lidhur me formën e kontrabadimit të këtyre barnave dhe njëkohësisht fton qytetarët që të na ofrojnë informata ashtu që të ndihmojnë në luftimin e kontrabandës dhe korrupsionit përmes numrave pa pagesë në 0800 50 095.

19/11/2014 LEXO MË SHUMË

AMBASADORI BRITANIK VIZITON DOGANËN E KOSOVËS

Prishtine 9 shtator 2013, – Ambasadori i Britanisë së Madhe në Prishtinë z. Ian Cliff, dje ishte në një vizitë në Drejtorin e Përgjithshme të Doganës së Kosovës ku edhe u prit nga Drejtori i përgjithshëm zt. Lulzim Rafuna.

Drejtori I Përgjithshëm zt. Rafuna fillimisht informoj z. Cliff me zhvillimet e Doganës në përgjithësi, progresin e arritur në mbledhjen efektive të të hyrave, sfidat e vazhdueshme dhe planet zhvillimore të Doganës së Kosovës.

Britani e Madhe ka kontribuar në zhvillimin e Doganës së Kosovës gjatë 15 viteve të fundit drejtori falënderojë ambasadorin Cliff si dhe kërkoj që të Britania e Madhe të vazhdoj të përkrah zhvillimin e mëtejmë të organizatës sonë.

Thellimin i bashkëpunimit të ndërsjellët në fushën e doganës ishte edhe një ndër temat e diskutimit.

19/11/2014 LEXO MË SHUMË