Lajmet Artikulli

Prishtinë 30 maj  2017 – Dje oficerët doganor në aeroportin e Prishtinës kanë arritur të parandalojnë kontrabandimin e pajisjeve medicinave dentare me vlerë mbi 15,000 euro.

Gjatë kontrolleve rutinore të oficerëve doganor në aeroport, ku udhëtarët të cilit udhëtonin nga Turqia iu nënshtruan kontrollit. Dy shtetas turq janë selektuar për kontroll detal. Pasi janë seleketuar në njërën nga valixhet tek njeri udhëtar janë vërejtur se posedon të fshehura pajisje dentare. Derisa udhëtari tjerët ka arritur të dal jashtë kontrollës por oficerët doganor e kanë ndaluar duke arritur të gjejnë edhe personin e tretë i cili priste që të bënte transportin e këtyre pajisjeve. Gjithashtu edhe në kontrollin e veturës janë gjetur mallra të kontrabanduara.

Pasi që është gjetur ky mall pa dokumentacion njësit e hetuesisë së doganës kanë lokalizuar edhe pranuesin e tyre ku edhe është bastisur një laborator dentar në Mitrovicë (edhe aty janë gjetur mallra të kontrabanduara). Të gjitha mallrat janë konfiskuar si dhe janë procedura për kundërvajtje doganore gjithashtu edhe ndaj personave përgjegjës janë iniciuar procedurat.

Dogana fton qytetarët që të thërrasin në telefonin 0800 50 095 nëse hasin apo shohin keqpërdorime dhe kontrabandim, sepse vetëm së bashku mund të mbrojmë dhe ndërtojmë shtetin tonë.

Prishtinë 23 maj  2017 – Drejtori i përgjithshëm i Doganës së bashku me bashkëpunëtor është duke zhvilluar vizitë në  zyrat e OKB-së në Gjenevë (Zvicër), respektivisht në UNCTAD. Gjatë takimit kryesor me zyrtarët e kësaj organizate (UNCTAD-it) është diskutuar për zhvillimet e fundit të teknologjisë informative ne fushën e doganës e që mundëson një menaxhim me efikas dhe efektiv të ngarkesave komerciale derisa në anën tjetër krijon dhe lehtëson tregtinë përmes kufinjëve. Gjithashtu është diskutuar për krijimin e një dritareve të vetme , për të gjitha agjencitë dhe ministritë që ndërlidhen me import eksport.

UNCTAD ka zhvilluar sistemin operativ për zhdoganimin e mallrave të quajtur ASYCUDA, kjo zyre e  ka përkrahur Doganën e Kosovës në instalimin e sistemit shumë të suksesshëm deri tani i cili është duke prodhuar rezultate të jashtëzakonshme në të gjitha aspektet.

Gjithashtu vlen të theksohet se delegacioni Kosovar është pranuar dhe përfaqësuar  pa fusnotë.