Lajmet Artikulli

07/06/2021

Dogana kalon 500 milion euro të hyra doganore

Prishtinë, 7 qershor 2021, Dogana e Kosovës sot për herë të parë që nga themelimi në këtë periudhë të vitit ka tejkaluar shumën e mbledhur prej 500 milion Euro të hyra për buxhetin e Republikës së Kosovës. Krahasimi me vitin e kaluar tregon që Dogana ka mbledhur 27.6% më shumë apo shprehur në terma financiar, shumën prej 108,5 milion më shumë sesa e njëjta periudhë e vitit paraprak. Ky trend krahasues ka shënuar rritje të konsiderueshme gjatë muajit Maj dhe tregon tendencë të rritjes edhe ditëve vijuese.

Drejtori i përgjithshëm z. Agron Llugaliu theksoi se grumbullimi i të hyrave të larta vjen si rezultat i performancës së përmirësuar të ekonomisë si dhe nga veprimet e theksuara për të adresuar ekonominë jo-formale, të shfaqur në forma të ndryshme, siç është kontrabanda, nënvlerësimit dhe format tjera të mashtrimeve, e cila përveç përmirësimit të të hyrave gjithashtu do të mundësoj një klimë të favorshme për zhvillimin e biznesit dhe prodhimit vendor.

Shpërndaje:

Lexo lajme tjera:

Ambasadori britanik zt. Abbott viziton Doganën e Kosovës

Prishtinë, 9 qershor 2021, Dogana e Kosovës sot priti në vizitë ambasadorin e Britanisë së madhe zt. Nicholas Abbott.

Sot Doganën e Kosovës e vizitoj ambasadori Britanik z. Nicholas Abbott ku u prit nga Drejtori i përgjithshëm z. Agron Llugaliu me bashkëpunëtor, përveç̧ diskutimeve rreth shkëmbimeve tregtare dhe bashkëpunimit në përgjithësi zt. Llugaliu falënderoj Ambasadorin respektivisht qeverinë Britanike për ndihmën e ofruar gjatë këtyre 20 viteve në rritjen dhe profesionalizimin e Doganës së Kosovës.

09/06/2021 LEXO MË SHUMË

Kapen rreth 2000 kg cigare dhe duhan i kontrabanduar

Mitrovicë 2 qershor 2021 Dogana e Kosovës sot ka organizuar një aksion ku është sekuestruar një sasi e konsiderueshme e cigare dhe duhanit të kontrabanduar.

Njësitë e Doganës sot në Mitrovicën veriore kanë kryer një kontrolle në një depo të dyshuar për mallra të kontrabanduara. Gjatë kontrollit janë gjetur sasi të konsiderueshme te cilat dyshohet se janë futur të kontrabanduara.

Njësitet antikontrbandë kanë bërë konfiskimin e duhant dhe cigareve derisa sipas urdhrit të Prokurorisë themelore në Mitrovice dhe nën udhëheqjen e tyre është duke u intervistuar pronari. Sasia e konfiskuar sot është 2100 kg cigare dhe duhan i grirë (200kg).

Dogana fton qytetarët që të lajmërojnë rastet e kontrabandës dhe korrupsionit përmes telefonatave pa pagesë në 0800 50095 sepse vetëm së bashku mund të luftojmë dukuritë negative.

02/06/2021 LEXO MË SHUMË