Lajmet Artikulli

26/08/2021

Parandalohen 17 raste të mashtrimeve me fatura

Prishtinë 26 gusht 2021.- Njësitë e doganës parandalojnë 17 tentim mashtrime përmes faturave të manipuluara. Sektorët e specializuar të Doganës së Kosovës, në saje të një operacioni të organizuar për të luftuar mashtrimet doganore dhe kontrabandën, vetëm gjatë datës 26 Gusht, kanë arritur të zbulojnë 17 raste të mashtrimit, kryesisht në importin e veturave. Mashtrimet e dyshuara janë bërë me qëllim që të zbatohen vlera më të ulëta të pagesës së detyrimeve.

Vlen të ceket se si rrjedhojë e këtij plani janë shqiptuar 10 kundërvajtje doganore dhe janë iniciuar për hetim penal 2 raste, që kanë pasur shmangie më larta. Rastet tjera janë duke u administruar derisa të përfundohen procedurat e nevojshme të verifikimit.

Dogana e Kosovës është në dijeni për tentim mashtrimet në këtë fushë dhe kërkon nga subjektet tregtare dhe qytetarët që të bashkëpunojnë dhe të përmbahen nga mashtrimet në cilëndo formë të mundshme.

Dogana e Kosovës synon që në bashkëpunim me qytetarët të mbrojë interesin e shtetit, duke u pamundësuar kriminelëve që të përfitojnë nga taksat e qytetarëve. Andaj, mirëpresim bashkëpunimin me qytetarët e Republikës së Kosovës dhe mënyra më e sigurte është që të na kontaktoni përmes telefonit 0800 500 95, facebook Dogana e Kosovës ose e-mail: info@dogana-ks.org. Me bashkëpunim efikas secili bëhet pjesë e luftës ndaj krimit. Duke mbrojtur të hyrat ne i krijojmë më shumë mundësi zhvillimit të vendit.

Shpërndaje:

Lexo lajme tjera:

Parandalohet kontrabandimi i pajisjeve mjekësore

Hani i Elezit 1 shtator 2021.- Njësitë e doganës parandalojnë tentim kontrabandën me pajisje medicinale.

Në pikë kalimin kufitar të Hanit të Elezit oficerët doganor kanë ndaluar një automjet që drejtohej nga një shtetas i huaj. Oficerët doganor kanë ushtruar kontroll në vijën e dytë, dhe gjatë kontrollës në pjesë të ndryshme në brendi te veturës, të mbuluara me veshje janë zbuluar pajisje medicinale gastrike së bashku me disa medikamente përcjellëse.

Malli i ndaluar është si vijon:

• Endo Grasper – GRASPER
• Endoskopi _ MEDBAR – 14 pce
• SERECAL REF 5007 3ml (pluhur) – 5
• SERACONTROL REF 501 5ml – 5
• SEVORANE lang inhalimi 250ml – 3
• Iinstrumente 3 PCE – G-FLEX
• PROTROMBINE TIME, ASSAY KIT (MEDSIL) ½ – 2 PCE Intragastric Ballon – 3 (Medsil)
• Regular Platform Implant (Prosthetic) – 20 Pce (Mode Implant)

Të gjitha mallrat janë konfiskuar si dhe pala është futur në procedurë kundërvajtëse.

01/09/2021 LEXO MË SHUMË

Parandalohet kontrabandimi i testeve për COVID-19

Prishtinë 24 gusht 2021 – Njësitë e Doganës kanë arritur të parandalojnë kontrabandimin e testeve të shpejta për COVID 19.

Në pikë-kalimin kufitar të Dheu të Bardhë oficerët doganor kanë arritur të parandalojnë futjen e mallrave të kontrabanduara. Në pyetjen e zyrtarit doganor se a ka diçka për të deklaruar, vozitësi (shtetas i Republikës së Kosovës) i automjetit që vinte nga Serbia është përgjigjur negativisht. Vetura është selektuar për kontroll detal ku dogana është asistuar edhe nga policia dhe gjatë kontrollit janë gjetur të padeklaruara një sasi e testeve të shpejta për COVID-19.

Sasia e testeve te shpejta është si më poshtë:

1.Nasocheck Comfort SARS-COV-2 Antigen-Schnelltest-gjithsej 446 copë
2.Singclean IVD COVID-19 Test Kit (Colloidal Gold Method)- gjithsej 39 copë
3.LUNGENE COVID-19 Antigen Rapid test- gjithsej 16 KompleteX5 80 copë
4.Vicesars-COV-2 Antigen rapid test-20pce Gjithsej ne copë janë 585 copë.

Mallrat janë konfiskuara si dhe ndaj personit përgjegjës është iniciuar procedura kundërvajtëse.

24/08/2021 LEXO MË SHUMË