Lajmet Artikulli

Prezantohet raporti i vitit 2021, të hyrat nga dogana 1 miliard e 371 milion euro

06/01/2022

Prezantohet raporti i vitit 2021, të hyrat nga dogana 1 miliard e 371 milion euro

Prishtinë 6 Janar 2022 Sot Dogana e Kosovës prezantoj raportin e vitit 2021 ku u theksua se viti 2021 përbën rekord në të hyrave e arritura nga Dogana e Kosovës.

Konferenca u hap nga Ministri i Finacave, Punës dhe Trasfereve z. Hekuran Murati që theksoj se “Në përgjithësi është shënuar nje rekord në të hyra. Ka pasur performancë më të mirë në mbledhjen e tyre, ndërsa gjithashtu në eksport ka pasur një rekord. Ka pasur, po ashtu efikasitet në luftimin e kontrabandës së mallrave, që është prioritet për ne.”

Nga ana tjetër drejtori I përgjithshëm z. Llugaliu theksoj se gjatë vitit rritja e te hyrave në 2021 krahasuar me 2020 është 320 milion Euro më shumë apo në përqindje 30.6%, derisa krahasuar edhe me 2019 është 198 milion Euro më shumë si dhe në përqindje 16.2%. dogana në total gjatë vitit 2021 ka mbledhur 1,371 milion euro. Kjo rritje është arritur përkundër impaktit që kanë pasur lirimet për prodhues dhe përshkallëzimi i marrëveshjeve të tregtisë së lirë (MSA dhe MTL me Turqinë) ku gjatë këtij viti për prodhues janë liruar mallra me vlerë prej 126.8 milion euro, MSA ka ndikuar me 97.2 milion euro si dhe marrëveshja për tregti të lirë me Turqin në vlerë prej 20.7 milion euro.

Derisa vlera e mallrave të eksportuara ka shënuar rritje për 61.92% krahas rritjes së sasisë së mallrave të eksportuara prej 88.3%, ndërkaq krahasuar edhe me vitin 2019 eksporti ka shënuar rritje në vlerë prej 104%. Gjatë vitit 2021 kemi eksportuar mallra në vlerë prej 712 milion euro.

“Fokusi i doganës gjatë këtij viti ishte në luftimi e evazionit fiskal ku mallrat e konfiskuara kemi pasur 9 milionë euro, ndërsa si rezultat i bashkëpunimit me ATK-në, Policinë dhe Inspektoriatin e Ministrisë së Tregtisë, i kemi pasur 285 aktivitete; 13 persona të arrestuar; 48 raste të zbulimit të narkotikëve dhe 57 raste të zbulimit të armëve, nëpër pikat kufitare, si rezultat i veprimeve proaktive të Doganës së Kosovës dhe bashkëpunimit më institucionet tjera janë adresuar fushat me rrezik të lartë për shmangie nga detyrimet doganore. Vlerësimi i përafërt i parandalimit të shmangieve është mbi 11 milion euro. Dogana ka punar shumë gjithashtu ne aspektin e zhvillimit ku është ri-hapur Terminali Doganor Trepça, ndërkaq është në proces përgatitja dhe planifikimi për hapjen e terminaleve tjera. Gjithashtu pas vendimit të Ministres së MINT-it për rikthim të kontrollit të cilësisë së derivateve të naftës tek Dogana e Kosovës, Dogana ka ndërmarrë veprimet konform autorizimeve dhe si rrjedhoje prej muajit Maj e deri më tani është shmangur kostoja tek kompanitë private për verifikim të konformitetit në shumën prej rreth 1.1 €, gjithashtu kemi lansuar dy aplikacione që mundësojnë avancimin e komunikimit me qytetarët dhe me biznesin” theksoi drejtori I përgjithshëm z. Llugaliu.

Shpërndaje:

Lexo lajme tjera:

NDALIMET DHE KUFIZIMET

I. Armët

Lejohen hyrjet dhe daljet në territorin e Republikës së Kosovës të armëve të kategorive respektive, të municioneve të tyre, për veprimtarinë e tregtimit, importit, eksportit, të gjuetisë, qitjes sportive, vetëm me autorizim (licence, leje) të lëshuar nga organi përgjegjës i Ministrisë se Punëve te Brendshme/ Divizionit për Armë, Municion dhe Eksplozivë (DAME).

Kujdes!
Nëse ju veproni në kundërshtim me dispozitat e Ligjit nr. Ligjit Nr. 05/L -022 “Për armët” dhe të akteve nënligjore në zbatim të tij dhe legjislacionet tjetër ne fuqi, kur veprimet e tyre përkatëse nuk përbëjnë vepër penale, atëherë ju jeni përgjegjës për kundërvajtje administrative.
Për më shumë informacion: https://mpb.rks-gov.net/f/73/Divizionit-per-Arme,-Municion-dhe-Eksplozive

II. Mallrat Strategjike (ushtarake dhe mallrat e teknologjitë me përdorim të dyfishtë)
Mallrat strategjike “Mallrat ushtarakë dhe mallrat e teknologjitë me përdorim të dyfishtë janë ato mallra, lista e të cilave është miratuar me Vendim te Qeverise “Për miratimin e listës së përditësuar të mallrave ushtarake dhe të listës të artikujve e teknologjive me përdorim të dyfishtë objekt i kontrollit shtetëror të transferimeve ndërkombëtare”, lista këto te nxjerra ne zbatim te Ligjit nr. 04/l-198 për tregtinë e mallrave strategjike.

Kujdes!
Nëse ju veproni në kundërshtim me dispozitat e të Ligjit nr. 04/l-198 për tregtinë e mallrave strategjike dhe të akteve nënligjore në zbatim të tij, kur veprimet e tyre përkatëse nuk përbëjnë vepër penale, atëherë ju jeni përgjegjës për kundërvajtje administrative.
Për më shumë informacion: Departamenti për Kontrollin e Tregtisë me Mallra Strategjike (DKTMS) https://mint.rks-gov.net/page.aspx?id=1,41

III. Masat kufizuese ndërkombëtare
Masat kufizuese ndërkombëtare (sanksionet) janë instrumente të natyrës diplomatike ose ekonomike që synojnë të ndryshojnë aktivitete ose politika të tilla si shkelje të së drejtës ndërkombëtare ose të të drejtave të njeriut, ose politika që nuk respektojnë sundimin e ligjit ose parimet demokratike. Këto masa kufizuese aplikohen ne Republikën e Kosovës ne zbatim ne baze te Ligji nr. 03/l-183 për zbatimin e sanksioneve ndërkombëtare dhe legjislacionit tjetër ne fuqi. Zbatimi i sanksioneve ndërkombëtare specifikohet dhe ndryshohet me vendim të Qeverisë së Republikës së Kosovës. Vendimet e Qeverisë së Republikës së Kosovës përcaktojnë se cilat sanksione zbatohen, kufizimet kohore për zbatimin sanksioneve të tilla, kushtet, heqjen e mundshme dhe entitetet ndaj të cilave zbatohen sanksionet ndërkombëtare.
Ministria e Punëve të Jashtme mban një bazë të dhënash ( lista e entiteteve, personave etj ndaj të cilave zbatohen sanksionet ndërkombëtare), nxjerr udhëzime dhe përditëson një pasqyrë të regjimeve të sanksioneve.

Kujdes!
Nëse ju veproni në kundërshtim me dispozitat e Ligji nr. 03/l-183 për zbatimin e sanksioneve ndërkombëtare dhe akteve nënligjore në zbatim të tij dhe legjislacionet tjetër ne fuqi, kur veprimet e tyre përkatëse nuk përbëjnë vepër penale, atëherë ju jeni përgjegjës për kundërvajtje administrative.
Për më shumë informacion: MPJD /Departamenti për NATO dhe Politika të Sigurisë https://www.mfa-ks.net/ministria/531/departmanti-pr-nato-dhe-politika-t-siguris/531

IV. Lëndët narkotike dhe psikotrope
Importi i produkteve farmaceutike dhe pajisjeve medicinale rregullohet me Ligjin nr Nr. 02/L-128 “për barnat narkotike, substancat psikotrope dhe prekursorë”, Për importimin e këtyre produkteve kërkohet licenca valide për import.

Kujdes!
Nëse ju veproni në kundërshtim me dispozitat e të Ligjin nr Nr. 02/L-128 “për barnat narkotike, substancat psikotrope dhe prekursorë”, dhe të akteve nënligjore në zbatim të tij, kur veprimet e tyre përkatëse nuk përbëjnë vepër penale, atëherë ju jeni përgjegjës për kundërvajtje administrative.
Për më shumë informacion: Agjencia e Kosovës për Produkte dhe Pajisje Medicinale (AKPPM) http://www.akppm.com/Departments/SingleDepartment/licensing

V. Ndalimet dhe Kufizimet tjera:
Për ndalesat, kufizim e tjera te parapara me legjislacionin ne fuqi për te cilat Dogana e Kosovës/ Strukturat respektive për Mallrat që i nënshtrohen Ndalimeve dhe Kufizimeve kryen monitorim sistematik të akteve normative që rregullojnë zbatimin e procedurave doganore me mallra produkte dhe produkte të rrezikshme, vendosja në treg e të cilave është e ndaluar dhe që paraqesin rrezik serioz për shëndetin dhe. sigurinë, speciet e egra dhe speciet rreptësishtë të mbrojtura të bimëve dhe kafshëve, mallrat kulturore dhe mallrat e tjera që i nënshtrohen ndalimit dhe kufizimeve, zona e hyrjes, sasia, trafiku ndërkufitar dhe lëvizja gjatë dhe menaxhimi i mbetjeve, të drejtat e pronësisë intelektuale, etj.

Kujdes!
Nëse ju veproni në kundërshtim me dispozitat e legjislacionit ne fuqi për keto ndalesa dhe kufizime, dhe të akteve nënligjore në zbatim të tij, kur veprimet e tyre përkatëse nuk përbëjnë vepër penale, atëherë ju jeni përgjegjës për kundërvajtje administrative.
Për më shumë informacion: SMTP:Tarifa@dogana-ks.org : https://gzk.rks-gov.net/

24/01/2022 LEXO MË SHUMË

Parandalohet kontrabanda përmes autobusit

Merdare 27 dhjetor 2021 oficerët doganor kanë parandaluar kontrabandimin e mallrave përmes pikës kufitare të Merdares në një autobus të linjave nderkombëtare.

Oficerët doganor në pikë kalimin kufitar të Merdares kanë ushtruar kontroll në një autobus ku edhe kanë arritur të parandalojnë një sasi të konsiderueshme të mallrave të cilat barteshin nga një prej udhëtarve. Sasia e mallrave tregon qartë synimin për rishtije duke tentuar të shmangë taksat doganore.

Mallrat e zbuluara ishin kozmetike mbi 20 kilogram, qanta si dhe aksesore për telefona mobil. Mallrat iu janë nështruar konfiskimit të menjehershëm si dhe ndaj personit përgjegjës është inicuar procedura për kundërvatje doganore.

27/12/2021 LEXO MË SHUMË